Movie Records: ఆ సినిమా ఓపెనింగ్ డే రికార్డ్ లియో కొట్టనుందా.. మరి లియోకి అంత సత్తా ఉందా..
2023లో ఎన్ని సినిమాలైనా వచ్చుండొచ్చు.. ఎన్ని రికార్డులైనా కొల్లగొట్టి ఉండొచ్చు.. కానీ ఒక్క రికార్డ్ మాత్రం పదిలంగానే ఉంది. ఏ పఠాన్ వచ్చినా.. జవాన్ వచ్చినా.. దాన్ని మాత్రం కదిలించలేకపోయారు. అదే ఆదిపురుష్ ఓపెనింగ్ డే రికార్డ్. మరి ప్రభాస్‌ను కొట్టే హీరో ఇండియన్ సినిమాలో లేరా..? ఈ ప్రశ్నకు సమాధానంగా నేనున్నా అంటున్నాడు లియో. మరి విజయ్ అయినా న్యూ రికార్డ్ సెట్ చేస్తారా..?
2023లో ఎన్ని సినిమాలైనా వచ్చుండొచ్చు.. ఎన్ని రికార్డులైనా కొల్లగొట్టి ఉండొచ్చు.. కానీ ఒక్క రికార్డ్ మాత్రం పదిలంగానే ఉంది. ఏ పఠాన్ వచ్చినా.. జవాన్ వచ్చినా.. దాన్ని మాత్రం కదిలించలేకపోయారు.
1 / 5
అదే ఆదిపురుష్ ఓపెనింగ్ డే రికార్డ్. మరి ప్రభాస్‌ను కొట్టే హీరో ఇండియన్ సినిమాలో లేరా..? ఈ ప్రశ్నకు సమాధానంగా నేనున్నా అంటున్నాడు లియో. మరి విజయ్ అయినా న్యూ రికార్డ్ సెట్ చేస్తారా..?
2 / 5
2023లో ఇప్పటికీ హైయ్యస్ట్ ఓపెనింగ్ డే కలెక్షన్ ప్రభాస్ పేరు మీదే ఉంది. జూన్ 16న విడుదలైన ఈ చిత్రం.. మొదటి రోజు 137 కోట్లు వసూలు చేసింది. దీనికి ముందు పఠాన్ ఫస్ట్ డే 105 కోట్లు వసూలు చేస్తే.. దాన్ని భారీ మార్జిన్‌తో దాటేసారు ప్రభాస్. మొన్న జవాన్ వచ్చినా ఆదిపురుష్ రికార్డ్స్ క్రాస్ చేయలేదు.. ఇది 127 కోట్ల దగ్గరే ఆగిపోయింది.
3 / 5
జవాన్‌కు ఫస్ట్ డే ఇండియాలో 90 కోట్లు.. ఓవర్సీస్‌లో 40 కోట్లు వచ్చాయి. అట్లీ దర్శకుడు కావడంతో సౌత్ మార్కెట్ జవాన్‌కు బాగా హెల్ప్ అయింది. అయితే ఆదిపురుష్‌కు తెలుగుతో పాటు హిందీలోనూ 30 కోట్ల ప్లస్ ఓపెనింగ్ వచ్చింది. ఆదిపురుష్‌ను బీట్ చేసే అవకాశం విజయ్ లియో ముందు నిలిచింది. దీని అడ్వాన్స్ బుకింగ్స్ నెక్ట్స్ లెవల్‌లో ఉన్నాయి.
4 / 5
విజయ్ హీరోగా లోకేష్ కనకరాజ్ తెరకెక్కించిన లియో అక్టోబర్ 19న విడుదల కానుంది. దీనిపై ఉన్న అంచనాలు చూస్తుంటే.. జైలర్ ఫస్ట్ డే కలెక్షన్స్ 91 కోట్లను ఈజీగానే బీట్ చేసేలా కనిపిస్తుంది.. అలాగే పఠాన్ పేరు మీదున్న 105 కోట్ల రికార్డ్ కదిలేలా ఉంది.. కానీ జవాన్, ఆదిపురుష్‌ను లియో బీట్ చేస్తుందా అనేది ఆసక్తికరంగా మారింది. లియో వల్ల కాకపోతే.. మళ్లీ సలార్‌తో ప్రభాసే ఆదిపురుష్ రికార్డ్ కొట్టాలేమో..?
