Food: ప్రపంచంలో బెస్ట్ 50 స్ట్రీట్ ఫుడ్స్‌లో భారత్‌కు చెందిన 4 ఫుడ్స్‌.. అవేంటో తెలుసా.?
ఎంత పెద్ద 5 స్టార్ హోటల్‌లో భోజనం చేసినా, స్ట్రీట్ ఫుడ్‌కి ఉండే ఆ క్రేజే వేరు. అందుకే స్ట్రీట్ ఫుడ్‌ బిజినెస్ రోజురోజుకీ పెరుగుతూనే ఉంది. అయితే స్ట్రీట్ ఫుడ్‌కి కేవలం భారతీయులే కాకుండా, ప్రపంచ వ్యాప్తంగా ఎంతో మంది భోజన ప్రియులు ఉన్నారు. ఆయా ప్రాంతాల్లో లభించే ఆహార పదార్థాలతో రూపొందించే స్ట్రీట్ ఫుడ్‌ను ప్రజలు ఎంతో ఇష్టంగా తింటారు. ఈ క్రమంలోనే తాజాగా టేస్ట్‌ అట్లాస్‌ అనే సంస్థ ప్రపంచంలోనే బెస్ట్ స్ట్రీట్ ఫుడ్స్‌ జాబితాను విడుదల చేసింది..
టేస్ట్‌ అట్లాస్‌ అనే సంస్థ ప్రపంచవ్యాప్తంగా ఎక్కువ మంది ప్రజలు ఇష్టపడే స్ట్రీట్ ఫుడ్‌ జాబితాను విడుదల చేసింది. ఇందులో టాప్‌ 50 ఆహార పదార్థాలను ఈ సంస్థ ప్రకటించింది. ఈ జాబితాలో ప్రపంచవ్యాప్తంగా పలు దేశాలకు చెందిన స్ట్రీట్ ఫుడ్స్‌కు చోటు దక్కాయి.
1 / 6
50 స్ట్రీట్ ఫుడ్స్‌తో కూడిన ఈ జాబితాలో మొదటి స్థానంలో టర్కీష్‌ కబాబ్‌ నిలిచింది. ఈ స్ట్రీట్ ఫుడ్‌ను ఎక్కువ మంది భోజన ప్రియులు ఇష్టపడుతున్నట్లు ఈ సర్వేలో తేలింది. ఇక ప్రపంచవ్యాప్తంగా పేరుగాంచిన 50 స్ట్రీట్ ఫుడ్స్‌లో భారత్‌కు చెందిన 4 వంటకాలు చోటు దక్కించుకున్నాయి. ఇంతకీ ఆ నాలుగు వంటకాలు ఏంటంటే.
2 / 6
భారతదేశానికి చెందిన చికెన్ టిక్కా 23వ స్థానంలో నిలిచింది. రుచిలో పెట్టింది పేరైన ఈ చికెన్ టిక్కా మొఘల్‌ కాలం నుంచే భారత్‌లో ప్రాచుర్యంలోకి వచ్చింది. ఇండియాతో పాటు భారత్‌, పాకిస్థాన్‌, బంగ్లాదేశ్‌లలో చికెన్ టిక్కాను ఎంతో ఇష్టంగా తింటుంటారు.
3 / 6
ఇక భారతీయులకు దోశ అంటే ఎంత ఇష్టమో ప్రత్యేకంగా చెప్పాల్సిన పనిలేదు. ఇండియన్స్‌ను దోశను విడదీసి చూడలేము. దేశవ్యాప్తంగా మరీ ముఖ్యంగా సౌత్‌ ఇండియాలో దోశను ఎంతో ఇష్టంగా తింటుంటారు. ఇలా ఎంతో మందికి ఇష్టమైన ఈ దోశ ప్రపంచ వ్యాప్తంగా ఉన్న బెస్ట్ స్ట్రీట్ ఫుడ్స్‌ జాబితాలో 31వ స్థానంలో నిలిచింది. ఎన్నో రకాల ఫ్లేవర్స్‌లో దోశలు అందుబాటులో ఉన్నాయి.
4 / 6
భారతీయులు ఎంతో ఇష్టంగా తినే పరాట 44వ స్థానంలో ఉంది. ఆలు, క్యాకేజీ, ముల్లంగి ఇలా రకరకాల పరోటాలు అందుబాటులో ఉన్నాయి. కేవలం టిఫిన్‌కు మాత్రమే పరిమితం కాకుండా రాత్రి సమయాల్లో కూడా పరోటాను ఆహారంగా తీసుకుంటారు.
5 / 6
ఇక స్ట్రీట్ ఫుడ్‌ అనగానే ఠక్కున గుర్తొచ్చే వాటిలో చాట్‌ మొదటి స్థానంలో ఉంటుంది. ప్రతీ ఒక్కరూ చాట్‌ను ఎంజాయ్‌ చేసే ఉంటారు. పానీపూరి మొదలు, చాట్‌ వరకు ఈ స్ట్రీట్ ఫుడ్‌కు ఉండే క్రేజే వేరు. చిన్న పిల్లల నుంచి పెద్దల వరకు ఎంతో ఇష్టంగా తినే చాట్‌ బెస్ట్ స్ట్రీట్ ఫుడ్‌ జాబితాలో 49వ స్థానంలో నిలిచింది.
