King Cobra Vs Python: ఒకటి విషకరమైన పాము, మరొకటి బలమైనది.. వీటి గురించి ఆశ్చర్యకరమైన విషయాలు మీకోసం..!

కింగ్ కోబ్రా, పైథాన్ ఈ రెండు పాములు భయానకమైనవి. ఒకటి విషంతో దూసుకొస్తుంది. ఇంకొకటి శరీర బలంతో గెలవడానికి ప్రయత్నిస్తుంది. అడవిలో ఈ రెండు యుద్దానికి తలపెడితే నిజంగా ఒక ప్రకృతి యుద్ధమే జరుగుతుంది. చాలా మంది ఈ పోరాటం ఎలా జరుగుతుందో.. ఎవరు గెలుస్తారో తెలుసుకోవాలనుకుంటారు.

కింగ్ కోబ్రా

కింగ్ కోబ్రా ప్రపంచంలోనే అతి పొడవైన విషపూరిత పాము. ఇది కొన్ని సార్లు 18 అడుగుల పొడవు వరకు పెరుగుతుంది. కింగ్ కోబ్రా వేగంగా కదులుతుంది. ఇది చాలా తెలివైనది. దాని చర్మాన్ని ఎత్తి బెదిరిస్తుంది. ఇది తనకు ఎదురైన పాములను కూడా తినగలదు. ఇది చిన్న పైథాన్‌ లను కూడా వేటాడుతుంది. ఇది ఎందుకు భయంకరంగా ఉంటుందంటే..?

• దాని విషం ఏనుగును కూడా చంపగలదు.
• ఇది ఎదురుగా నిలబడి దాడి చేయగలదు.
• ఇది వేగంగా కాటేస్తుంది.

పైథాన్

పైథాన్ విషం లేని పాము. కానీ బలంగా ఉంటుంది. ఇది పొడవు ఎక్కువగా ఉంటుంది. కొన్ని పైథాన్‌ లు 23 అడుగుల పొడవు వరకు పెరుగుతాయి. ఇవి చాలా ఓపికగా, నిశ్శబ్దంగా వేటాడతాయి. తమ ఎర చుట్టూ చుట్టుకుని ఊపిరాడకుండా చేసి చంపుతాయి. పైథాన్ గురించి ముఖ్యమైన విషయాలు.

• ఎర చుట్టూ చుట్టుకొని ప్రాణం తీస్తుంది.
• పెద్దగా కనిపించే జంతువులను మింగగలదు.
• జింకలు, పందులు కూడా దాని ఆహారమే.

ఈ రెండు పాములు ఒకే చోట ఉన్నప్పుడు అసలు గందరగోళం మొదలవుతుంది. వేట సమయంలో వీటి మధ్య పోరు జరుగుతుంది. అప్పటి పరిస్థితుల మీదే గెలుపు ఆధారపడి ఉంటుంది.

కింగ్ కోబ్రా ముందుగా కాటేస్తే విషం తక్షణమే పని చేయడం వల్ల పైథాన్ పూర్తిగా నిశ్చలంగా మారుతుంది. అలాంటి సమయంలో కింగ్ కోబ్రా గెలుస్తుంది.

కానీ పైథాన్ ముందు నుంచి దూకి కింగ్ కోబ్రాను చుట్టుకుంటే పరిస్థితి మారిపోతుంది. అప్పుడే అది ఊపిరాడకుండా చేసి ప్రాణం తీయగలదు.

చాలా పోరాటాలలో కింగ్ కోబ్రా గెలుస్తుంది. దాని వేగం, చాకచక్యం, విషం కారణంగా పైచేయి సాధిస్తుంది. కానీ ఇది ప్రతీసారి అలాగే జరగదు. కొన్ని సందర్భాలలో పైథాన్ కూడా గెలిచిన ఘటనలు ఉన్నాయి.

మనుషులకు చూస్తే కింగ్ కోబ్రా అత్యంత ప్రమాదకరమైనది. ఎందుకంటే దాని విషం జీవితం మీదే ప్రభావం చూపుతుంది. కానీ శారీరక బలం విషయంలో పైథాన్ పైచేయి సాధిస్తుంది. ఇవి రెండు భయానక ప్రాణులు. ప్రకృతిలో ఈ పోరు వింతగా కనిపించవచ్చు.. కానీ దాని వెనుక ఉన్న వాటి శక్తిని గుర్తించాల్సిందే.