మాంసాహార మొక్కలను కొనుగోన్న శాస్త్రవేత్తలు.. వేటిని తింటాయో తెలిస్తే ఆశ్చర్యపోతారంతే..
వేటాడే మాంసాహార మొక్కలను శాస్త్రవేత్తలు కనుగొన్నారు. ఇది ఇండోనేషియాలోని బోర్నియో ద్వీపంలో ఉన్నాయంట. శాస్త్రవేత్తలు దీనిని పిచర్ ప్లాంట్ అని పిలుస్తున్నారు.
Updated on: Jul 06, 2022 | 9:04 PM
మనం తరచుగా మొక్కలను శాంతియుత జీవులుగా చూస్తుంటాం. కానీ, అన్ని మొక్కలు ప్రశాంతంగా ఉండవు. కొన్ని మొక్కలు వేటాడతాయని మనం అప్పుడప్పుడు వింటూనే ఉంటాం. మొక్కల్లో మాంసాహారులు కూడా ఉన్నాయి. ఇటీవల, శాస్త్రవేత్తలు వేటాడే మాంసాహార మొక్కలను కనుగొన్నారు. ఇవి కీటకాలు, సాలెపురుగులు లేదా ఇతర చిన్న జీవులను వేటాడి, తింటుంటాయి. కొన్నిసార్లు అవి నేల పోషకాల సహాయంతో మనుగడ సాగిస్తాయి. అయితే, కీటకాలను మాత్రం ఇష్టపడి తినేస్తుంటాయంట.
ఇండోనేషియాలోని ఉత్తర కాలిమంటన్ ప్రావిన్స్‌లోని బోర్నియో ద్వీపంలో శాస్త్రవేత్తలు ఈ మొక్కను కనుగొన్నారు. తొలిసారిగా ఇలాంటి జాతిని కనుగొన్నారు. ఇంతకు ముందు, వృక్షశాస్త్రజ్ఞులకు అలాంటి మొక్క గురించి తెలియకపోవడం గమనార్హం. దీని శాస్త్రీయ నామం Nepenthes pudica. దీని వేట పద్ధతి కూడా మొదటిసారిగా ప్రపంచానికి తెలిసింది. ప్రస్తుతం దీనిని పిచ్చర్ ప్లాంట్ అని పిలుస్తున్నారు.
నేల లోపల లేదా బోలు కాండంలో పెరుగుతాయి..
చెక్ రిపబ్లిక్‌లోని పాలకీ యూనివర్శిటీ ఒలోమౌక్‌లోని వృక్షశాస్త్రజ్ఞుడు మార్టిన్ డానక్, ఈ మొక్క ఒక కాడ ఆకారపు వెబ్‌ను వేస్తుందని తెలిపారు. కానీ, ఈ ఉచ్చు ఎలా ఏర్పడిందో తెలియదంట. సాధారణంగా ఇటువంటి మొక్కలు నేలపై ఉపరితలంపై లేదా చెట్ల బోలు ట్రంక్లలో లేదా ట్యూబ్ లాంటి భాగాలలో పెరుగుతాయి. 2012లో ఉత్తర కాళీమంతన్‌లో కనిపించిన పిచర్ వంటి ఇతర మొక్కలు కూడా ఉన్నాయి.
This Plant Lurks Underground to Trap Prey in a Way We’ve Never Seen Before https://t.co/x0xFM5bZnY
— ScienceAlert (@ScienceAlert) June 30, 2022
ఆహారంగా వేటిని తింటాయంటే..
ఈ కొత్త జాతి మొక్క కనుగొన్న సమయంలో దాని చుట్టూ ఉన్న భూమిని పరిశోధించారు. ఇవి భూమి నుంచి పెరుగుతున్నాయని తేలింది. ఎందుకంటే వాటి విత్తనాలు కూడా మొలకెత్తుతున్నాయి. ఆకస్మికంగా వేటాడే ఈ మాంసాహార మొక్క, దాని 4.3 అంగుళాల పొడవైన కాడను భూమి లోపల ఉంచుతుంది. ఇక్కడ నుంచి భూమిలో నివసించే జీవులను ట్రాప్ చేస్తాయంట. చీమలు, పురుగులు మొదలైన వాటిని తమ ఆహారంగా మార్చుకుంటాయంట.
శాస్త్రవేత్తల బృందం మరింత పరిశోధనలు చేయగా, అక్కడ 17 అవశేషాలు కనిపించాయంట. కొన్ని పూర్తిగా జీర్ణం అయ్యాయి. సాధారణంగా ఈ మొక్క సముద్ర మట్టానికి దాదాపు 3600 నుంచి 4300 అడుగుల ఎత్తులో కొండలపై కనిపిస్తుందంట.
