China: అంతరిక్షంలో ఎక్స్‌పర్‌మెంట్ చేయడానికి సిద్ధం అవుతున్న చైనా.. అది ఏంటో తెలుసా..

చరిత్రలో నిలిచిపోయే భారీ నిర్మాణాలను తక్కువ టైమ్‌లోనే కట్టడంలో చైనా పెట్టింది పేరు. గతంలో కేవలం 48గంటల్లోనే పదుల అంతస్తుల బిల్డింగ్‌లు నిర్మించి రికార్డులు కూడా సృష్టించింది..

Space

Rajeev Rayala |
Updated on: Sep 02, 2021 | 9:10 PM

China: చరిత్రలో నిలిచిపోయే భారీ నిర్మాణాలను తక్కువ టైమ్‌లోనే కట్టడంలో చైనా పెట్టింది పేరు. గతంలో కేవలం 48గంటల్లోనే పదుల అంతస్తుల బిల్డింగ్‌లు నిర్మించి రికార్డులు కూడా సృష్టించింది చైనా. అయితే ఇప్పటి వరకు కేవలం భూమి మీదే చేసిన ఈ ఎక్స్‌పర్‌మెంట్స్‌.. తాజాగా అంతరిక్షంలో కూడా చేసేందుకు రెడీ అయింది డ్రాగన్‌ కంట్రీ. ఇంతకీ చైనా చేపట్టబోతున్న ఆ ప్రాజెక్ట్‌లు ఏంటో తెలుసా.. తెలిస్తే షాక్ అయిపోతారు. అంతరిక్షంలో మెగా ప్రాజెక్టుల నిర్మాణానికి చైనా ప్రణాళికలు సిద్ధం చేసింది. టూరిజం కాంప్లెక్స్‌లతో పాటు గ్యాస్‌ స్టేషన్లు, సౌర విద్యుత్‌ కేంద్రాలు, ఆస్టరాయిడ్ల మైనింగ్‌కు అవసరమైన కేంద్రాలను నిర్మించడానికి రెడీ అయింది చైనా. ఈ మేరకు నేషనల్‌ నాచురల్‌ సైన్స్‌ ఫౌండేషన్‌ ఆఫ్‌ చైనా ఐదేండ్ల ప్రణాళికను ప్రకటించింది.

అంతరిక్షంలో చేపట్టబోతున్న ఈ భారీ ప్రాజెక్ట్‌కు అవసరమైన సాంకేతికతను అభివృద్ధి చేయాలని శాస్త్రవేత్తలకు ఇప్పటికే సూచించింది చైనా ప్రభుత్వం. అయితే అంతరిక్షంలోకి తీసుకెళ్లే వస్తువులు చాలా వరకు తేలికపాటిగా ఉండేలా రెడీ చేయాలని తెలిపింది. అయితే ఈ ప్రాజెక్ట్‌ను అభివృద్ది చేసేందుకు.. కనీసం ఐదేళ్ల కాలం పట్టే అవకాశం ఉందని తెలుస్తోంది. ఇక ఈ వార్తపై నెటిజన్స్‌ చాలా ఫన్నీగా కామెంట్స్‌ చేస్తున్నారు. అంతరిక్షంలో చైనా ప్రాజెక్ట్‌ సక్సెస్‌ అయితే తొలుత ఫాస్ట్‌ఫుడ్‌ సెంటర్‌నే ఓపెన్‌ చేస్తుందంటూ మీమ్స్‌ క్రియేట్‌ చేస్తున్నారు. మొత్తానికి ఇప్పుడు ఈ వార్త నెట్టింట వైరల్ అవుతుంది.

మరిన్ని ఇక్కడ చదవండి :