Viral News: వామ్మో.. పిడుగులా.. మృత్యుపాశాలా..? ఐదేళ్లలో ఆ రాష్ట్రంలో ఏకంగా 1,621 మరణాలు

Lightning Strikes: ప్రపంచ వ్యాప్తంగా ప్రకృతి విపత్తుల కారణంగా ప్రతియేటా వేల సంఖ్యలో మరణాలు సంభవిస్తుంటాయి. పిడుగుపాటు కారణంగానూ భారీ సంఖ్యలోనే మరణాలు నమోదవుతుంటాయి. ఒడిశాలో సంభవించిన పిడుగుపాటు మరణాలకు సంబంధించి ఆ రాష్ట్ర ప్రభుత్వం షాకింగ్ విషయాలను వెల్లడించింది. ఆ రాష్ట్రంలో గత ఐదేళ్లలో ఏకంగా 1,621 మంది పిడుగుపాటు కారణంగా బలయ్యారు. ఆ మేరకు ఒడిశా రెవెన్యూ, విపత్తుల నిర్వహణ శాఖ మంత్రి సుదాం మరాండి ఆ రాష్ట్ర అసెంబ్లీలో వెల్లడించారు. 2017-18లో అత్యధికంగా 472 మంది పిడుగుపాటుతో మరణించారు. 2018-19లో 340 మందిని పిడుగులు బలితీసుకున్నాయి. 2019-20లో 357 మంది, 2020-21లో 274 మందిని మాయదారి పిడుగులు బలితీసుకున్నాయి. ప్రస్తుత సంవత్సరం ఆ రాష్ట్రంలో ఇప్పటి వరకు 178 మంది పిడుగుపాటుతో మరణించారు. పిడుగుపాటుతో మరణించే వారి కుటుంబాలకు ముఖ్యమంత్రి సహాయ నిధి నుంచి రూ.4 లక్షల పరిహారం చెల్లిస్తున్నట్లు మంత్రి వెల్లడించారు.

ఈ ఐదేళ్లలో పిడుగుపాటుతో 73 మంది గాయపడినట్లు కాంగ్రెస్ ఎమ్మెల్యే అడిగిన ప్రశ్నకు సమాధానంగా మంత్రి ఈ వివరాలు వెల్లడించారు. పిడుగులకు సంబంధించి ముందస్తు సమాచారం కోసం రాష్ట్రంలోని 8 ప్రాంతాల్లో డిటెక్షన్ సెన్సార్లను ఏర్పాటు చేసినట్లు వివరించారు. వీరిచ్చే సమాచారంతో పిడుగులు పడే అవకాశమున్న ప్రాంతాల్లోని ప్రజలను అప్రమత్తం చేస్తున్నట్లు తెలిపారు.

Lightning Strikes

ఒడిశాలో పిడుగుల కారణంగా ఈ స్థాయిలో ప్రాణనష్టం సంభవించడం ఆ రాష్ట్ర మీడియాతో పాటు జాతీయ మీడియా వర్గాల్లోనూ ఆసక్తికరంగా మారింది. పిడుగులను ముందుగానే పసిగట్టి ప్రజలను అప్రమత్తం చేసేందుకు విపత్తుల నిర్వహణ శాఖ మరింత కీలక పాత్ర పోషించాలని నిపుణులు సూచిస్తున్నారు.

Also Read..

Viral Video: తలపై పుచ్చకాయతో పవర్‌ఫుల్ స్టెప్పులు.. మనోడి ప్రతిభకు ఫిదా అవుతోన్న నెటిజన్లు

అమ్మాయిలు ఈ 4 అలవాట్లున్న అబ్బాయిలను కచ్చితంగా తిరస్కరిస్తారు..! ఎందుకంటే..?

ఆదుకునే అంబులెన్స్‌‌‌కే ఆరోగ్యం పాడైతే.. ఎవరు సాయం చేశారో చూడండి..