Viral Video: బైక్, కుక్కను అమాంతం మింగేసిన భారీ గొయ్యి.. షాకింగ్ సీసీటీవీ వీడియో..
దేశ రాజధాని ఢిల్లీలోని ఆర్కే పురంలో షాకింగ్ ఘటన చోటు చేసుకుంది. రెండు బైకులు, ఓ కుక్కను అమాంతం మింగేసింది భారీ గొయ్యి. అప్పటి వరకు బాగానే ఉన్న రోడ్డు..
Updated on: Feb 25, 2023 | 5:14 PM
దేశ రాజధాని ఢిల్లీలోని ఆర్కే పురంలో షాకింగ్ ఘటన చోటు చేసుకుంది. రెండు బైకులు, ఓ కుక్కను అమాంతం మింగేసింది భారీ గొయ్యి. అప్పటి వరకు బాగానే ఉన్న రోడ్డు.. సెకన్లలో కుప్పకూలడంతో ఈ ఘటన చోటు చేసుకుంది. ఇందుకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది. ఈ ఘటనకు సంబంధించిన వివరాలు ఇలా ఉన్నాయి.
ఢిల్లీలోని ఆర్కే పురంలో ఓ గల్లీలో రెండు బైక్స్ పార్క్ చేసి ఉంచారు. ఆ రెండు బైక్ల నీడల మధ్య ఓ కుక్క పడుకుంది. అయితే, బైక్స్ పార్క్ చేసిన చోట నాలా ఉంది. ఉన్నట్లుండి నాలాపై వేసిన రోడ్డు కుంగిపోయింది. మొదట ఒక బైక్, పక్కనే పడుకున్న కుక్క ఆ గుంటలో పడిపోగా.. ఆ కాసేపటికే మరో బైక్ కూడా కుప్పకూలింది. రోడ్డు కుంగిన చోట కొందరు జనాలు కూడా ఉన్నారు. వారు వెంటనే అలర్ట్ అయి పక్కకు జరిగడంతో ప్రమాదం తప్పింది. రోడ్డు కుంగుబాటు ఘటన అంతా పక్కనే ఉన్న సీసీ కెమెరాలో రికార్డ్ అయ్యింది. ఆ వీడియోను సోషల్ మీడియాలో పోస్ట్ చేయడంతో అదికాస్తా వైరల్ అయ్యింది.
ఇదిలాఉంటే.. కొద్ది రోజుల క్రితం తెలంగాణ రాజధాని హైదరాబాద్లోనూ ఇలాంటి ఘటనలే చోటు చేసుకున్నాయి. చాదర్ఘాట్, హిమాయత్ నగర్ ప్రాంతాల్లో రోడ్డు కుంగిపోయింది. రోడ్డు కింద నాళాలు కారణంగా ఈ ఘటనలు చోటు చేసుకున్నాయి.
#WATCH | A road collapsed in Delhi’s RK Puram area on February 22. A dog and a bike fell inside a hole formed after a narrow passage of the road collapsed. No fatalities were reported: Delhi Police
(CCTV visuals verified by Police) pic.twitter.com/EbK2Q6no0P
— ANI (@ANI) February 25, 2023
మరిన్ని జాతీయ వార్తల కోసం ఈ లింక్ క్లిక్ చేయండి..
