బి.కామ్ విద్యార్థిపై పెట్రోల్ పోసి నిప్పంటించిన తోటి విద్యార్థులు.. ఎందుకో తెలిస్తే షాక్ అవ్వాల్సిందే!

ఉత్తరప్రదేశ్‌లో దారుణం వెలుగులోకి వచ్చింది. ని మొరాదాబాద్‌లో ఒక విద్యార్థిపై పెట్రోల్ పోసి నిప్పంటించారు. ఈ సంఘటనలో తీవ్రంగా గాయపడ్డ విద్యార్థి ప్రస్తుతం ఆసుపత్రిలో చికిత్స పొందుతున్నాడు. ఈ సంఘటన తర్వాత సదర్ కొత్వాలి పోలీసులు వెంటనే చర్య తీసుకుని, కేసును ఛేదించారు. ఇందుకు సంబందించి ఇద్దరు నిందితులను అరెస్టు చేసి, జ్యుడీషియల్ కస్టడీకి తరలించారు.

పోలీసుల దర్యాప్తులో వెల్లడైన వాస్తవాలు దిగ్భ్రాంతికరంగా ఉన్నాయి. ఈ ఘటన గతంలోని ద్వేషం, వ్యక్తిగత శత్రుత్వంతో ప్రేరేపించినవి కావని తేలింది. నిందితుడు అసూయ, న్యూనతాభావంతో ఈ నేరానికి పాల్పడినట్లు పోలీసులు తెలిపారు. బాధితుడు బి.కాం విద్యార్థి అయిన ఫర్హాద్ అలీ చదువులో బాగా రాణిస్తున్నాడు. అతని విద్యా విజయాలు, క్రమశిక్షణ, సానుకూల ఇమేజ్ కారణంగా, అతను కళాశాల అధ్యాపకులు, సహ విద్యార్థులు అతన్ని ఎంతో గౌరవించేవారు. ఈ వాస్తవం నిందితులైన విద్యార్థులను తీవ్రంగా బాధపెట్టింది.

ఫర్హాద్ కు పెరుగుతున్న ప్రజాదరణ, విజయంతో తాము నిర్లక్ష్యం చేయబడ్డామని నిందితులు భావించారు. ఈ నిరాశ, తమ ఆధిపత్యాన్ని స్థాపించాలనే కోరికతో నిందితులు ఒక భయంకరమైన కుట్రను పన్నారు. ఫర్హాద్ కు తీవ్రంగా హాని కలిగించడమే కాకుండా, మొత్తం సంఘటనను వీడియో తీసి సోషల్ మీడియాలో వైరల్ చేసి, కళాశాలలో భయానక వాతావరణాన్ని సృష్టించి, ఉపాధ్యాయులను, విద్యార్థులను భయపెట్టాలని భావించారు.

సంఘటన జరిగిన రోజు, ఫర్హాద్ పరీక్ష రాయడం ముగించుకుని వెళ్తుండగా, నిందితుడు అతనిపై పెట్రోల్ పోసి నిప్పంటించాడు. ఈ దాడిలో ఫర్హాద్ కు తీవ్ర కాలిన గాయాలు అయ్యాయి. ఇది గమనించిన స్థానికులు వెంటనే ఆసుపత్రికి తరలించారు. ప్రస్తుతం చికిత్స పొందుతున్న ఫర్హాద్ పరిస్థితి స్థిరంగా ఉందని వైద్యులు తెలిపారు. నిందితులు అందించిన సమాచారం ఆధారంగా, నేరానికి ఉపయోగించిన పెట్రోల్ బాటిల్, లైటర్‌ను పోలీసులు స్వాధీనం చేసుకున్నారు. సీసీటీవీ ఫుటేజ్, ఇతర సాంకేతిక ఆధారాలను కూడా సేకరించారు. నిందితులపై కఠినమైన చట్టపరమైన చర్యలు తీసుకుంటామని పోలీసు అధికారులు చెబుతున్నారు.

ఇదిలావుంటే, హిందూ కళాశాల అధికారులు ఈ సంఘటనపై బలమైన చర్యలు తీసుకుంది. నిందితులలో ఒకరిని తక్షణమే కళాశాల నుండి బహిష్కరించారు. మరొకరికి వివరణ కోరుతూ నోటీసు జారీ చేశారు. క్యాంపస్‌లో హింస, క్రమశిక్షణా రాహిత్యం, ఏ రకమైన నేరపూరిత కార్యకలాపాలను సహించబోమని కళాశాల ప్రొక్టోరియల్ కమిటీ స్పష్టంగా పేర్కొంది.

మరిన్ని క్రైమ్ వార్తల కోసం ఇక్కడ క్లిక్ చేయండి..