UP Lawyer: ఇదెక్కడి దారుణం..మహిళా జడ్జికి తప్పని వేధింపులు.. లాయర్‌పై కేసు నమోదు చేసిన పోలీసులు..
గత కొద్ది రోజులుగా ఆ లాయర్‌ తనను వేధిస్తున్నాడని, వాట్సాప్‌లో అసభ్యకర సందేశాలు పంపుతున్నట్టుగా ఫిర్యాదులో వెల్లడించారు. పలుమార్లు హెచ్చరించినా ఆయన తీరు మార్చుకోకపోవటంతో పోలీసులను ఆశ్రయించినట్టుగా మహిళా జడ్జి తెలిపారు.
UP Lawyer: వేధింపులకు గురయ్యేవారికి రక్షణ కల్పించి, న్యాయం చేయాల్సిన మహిళా జడ్జికే వేధింపులు ఎదురయ్యాయి. ఈ ఘటన ఉత్తరప్రదేశ్‌లోని హమీర్‌పూర్ జిల్లాలో చోటు చేసుకుంది. ఓ మహిళా జడ్జి తనను వేధింపులకు గురిచేస్తున్నాడని ఒక న్యాయవాదిపై ఫిర్యాదు చేసింది. పోలీసులను ఆశ్రయించి కేసు పెట్టింది. దీంతో ఎఫ్‌ఐఆర్ నమోదు చేసినట్లు పోలీసులు తెలిపారు. సాయంత్రం వేళ మహిళా జడ్జి వాకింగ్‌ చేస్తున్న టైమ్‌లో సదరు లాయర్‌ తనను అనుసరించి అసభ్యకరమైన వ్యాఖ్యలు చేశారంటూ బాధిత మహిళా జడ్జి ఆరోపించారు.
అవివాహితురాలైన న్యాయమూర్తి తన ఫిర్యాదులో న్యాయవాది మొహమ్మద్ హరూన్‌ తనను వేధిస్తున్నట్టుగా ఫిర్యాదులో పేర్కొన్నారు. అతడు తనకు పంపిన వాట్సాప్‌ సందేశాలను కూడా ఆమె స్క్రీన్‌షాట్‌ తీసి కేసుతో జత చేసింది. దాంతో పోలీసులు పలు సెక్షన్ల కింద సదరు లాయర్‌పై కేసు నమోదు చేశారు.
గత కొద్ది రోజులుగా ఆ లాయర్‌ తనను వేధిస్తున్నాడని, వాట్సాప్‌లో అసభ్యకర సందేశాలు పంపుతున్నట్టుగా ఫిర్యాదులో వెల్లడించారు. పలుమార్లు హెచ్చరించినా ఆయన తీరు మార్చుకోకపోవటంతో పోలీసులను ఆశ్రయించినట్టుగా మహిళా జడ్జి తెలిపారు. న్యాయమూర్తి ఫిర్యాదు మేరకు న్యాయవాదిపై కేసు నమోదు చేసి దర్యాప్తు జరుపుతున్నట్లు అదనపు పోలీసు సూపరింటెండెంట్ అనూప్ కుమార్ తెలిపారు.
మరిన్ని జాతీయ వార్తల కోసం ఇక్కడ క్లిక్ చేయండి
