Viral: అత్యంత అరుదైన శ్వేతనాగు ప్రత్యక్షం… మీరెప్పుడైనా చూశారా.. ? పడగవిప్పి

Extremely rare snake: సౌందర్య నటించిన శ్వేతనాగు సినిమా చూసిన తర్వాత.. అసలు అలాంటి పాము ఉంటుందా అని చాలా మందికి డౌట్ వచ్చింది. అత్యంత అరుదుగా మాత్రమే ఇలాంటి పాములు కనిపించడం అందుకు కారణం. తాజాగా శ్వేతవర్ణంలో ఉన్న ఓ కోబ్రా కర్ణాటక శివమొగ్గలోని సహ్యాద్రి నారాయణ మల్టీ స్పెషాలిటీ ఆస్పత్రి వెనుక ఉన్న ఓ ఇంట్లో పాము ప్రత్యక్షమైంది. కట్టెల కుప్పలో కనిపించిన ఈ పాము పూర్తిగా తెలుపు రంగులో ఉంది. మాములుగా తాచుపాములు.. గోధుమ, నలుపు రంగుల్లో మాత్రమే కనిపిస్తూ ఉంటాయి. పల్లెలు, పట్నాల్లో సైతం ఇవే కనిపిస్తాయి. కానీ ఈ అరుదైన పాము మాత్రం కంప్లీట్‌గా తెలుపు రంగులో ఉంది.  ఈ అరుదైన శ్వేతనాగు(White cobra)ను అల్బినో కోబ్రా(Albino spectacled cobra)గా పిలుస్తారు. దీంతో సమాచారం అందుకున్న స్నేక్ క్యాచర్ కిరణ్‌ ఘటనా స్థలానికి చేరుకుని పామును పట్టుకున్నాడు. ఫారెస్ట్ డిపార్ట్‌మెంట్ పర్మిషన్ తీస్కోని ఈ సర్పాన్ని అడవిలో విడిచిపెడతామని అతను తెలిపాడు. చర్మ, రక్త సంబంధిత కారణాల వల్లే పాములకు ఇలాంటి శ్వేతవర్ణం వస్తుందని నిపుణులు చెబుతున్నారు.

మరిన్ని జాతీయ వార్తల కోసం ఈ లింక్ క్లిక్ చేయండి..