Railway Passenger Alert: రైల్వే ప్రయాణీకులకు అలెర్ట్.. ఆ 12 రైళ్లు రద్దయ్యాయి.. చెక్ చేసుకోండి

Railway News: సెంట్రల్ రైల్వే(Central Railway) పరిధిలోని అంకై కిల్లా, మన్మాడ్ రైల్వే స్టేషన్లలో యార్డ్ రీమోడలింగ్ పనులు జరుగుతున్నాయి. ఆ కారణంగా అటు వైపుగా నడిచే 10 రైళ్లను రైల్వే శాఖ రద్దు చేసింది.

Indian Railways

Janardhan Veluru |
Updated on: Jun 24, 2022 | 4:50 PM

Indian Railways: రైల్వే ప్రయాణీకులకు ముఖ్య గమనిక. సాంకేతిక కారణాలతో కొన్ని రైళ్లను రైల్వే శాఖ రద్దు చేసింది. రద్దైన ఈ రైళ్ల వివరాలను రైల్వే శాఖ మీడియాకు వెళ్లడించింది. సెంట్రల్ రైల్వే(Central Railway) పరిధిలోని అంకై కిల్లా, మన్మాడ్ రైల్వే స్టేషన్లలో యార్డ్ రీమోడలింగ్ పనులు జరుగుతున్నాయి. ఆ కారణంగా అటు వైపుగా నడిచే 10 రైళ్లను రైల్వే శాఖ రద్దు చేసింది. రద్దైన రైళ్లలో తెలుగు రాష్ట్రాల మీదుగా నడిచే రైళ్లు కూడా ఉన్నాయి. జూన్ 25 నుంచి 28వ తేదీ వరకు దౌండ్-నిజామాబాద్(రైలు నెం.11409) రైలును రద్దు చేశారు. అలాగే నిజామాబాద్ – పూణె రైలు (నెం.11410) జూన్ 24 నుంచి 27 తేదీ వరకు రద్దు చేశారు. సికింద్రాబాద్ – ముంబై CST రైలు (నెం.17058)ను జూన్ 25, 27 తేదీల్లో రద్దు చేశారు. ముంబై CST – సికింద్రాబాద్ రైలు (నెం.17057)ను జూన్ 26, జూన్ 28 తేదీల్లో రద్దు చేశారు. అలాగే హదాప్సర్ – H.S నాందేడ్ రైలు (నెం.12729)ను జూన్ 27న రద్దు చేయగా.. H.S.నాందేడ్ – హదాప్సర్ రైలు(నెం.12730)ను జూన్ 26వ తేదీ రద్దు చేశారు.

ముంబై CST-H.S.నాందేడ్ రైలు (నెం.17612)ను జూన్ 27, 28 తేదీల్లో రద్దు చేయగా.. H.S.నాందేడ్ -ముంబై CST రైలు (నెం.17611)ను జూన్ 26, 27 తేదీల్లో రద్దు చేశారు. అలాగే నిజామాబాద్-పండార్‌పూర్ రైలు (నెం.01413)ను ఈ నెల 24వ తేదీ నుంచి 29వ తేదీ వరకు రద్దు చేయగా.. పండారిపూర్ – నిజామాబాద్ రైలు (నెం.01414)ను ఈ నెల 25 నుంచి 29వ తేదీ వరకు రద్దు చేసినట్లు దక్షిణ మధ్య రైల్వే సీపీఆర్వో సీహెచ్ రాకేష్ శుక్రవారం విడుదల చేసిన ఓ ప్రకటనలో తెలిపారు.

సెంట్రల్ రైల్వే పరిధిలో జరుగుతున్న పనుల కారణంగా రద్దైన రైళ్ల వివరాలు..

ఇవి కూడా చదవండి

Railway News

విజయవాడ డివిజన్‌లో ఆ రైళ్లు రద్దు..

అలాగే విజయవాడ రైల్వే డివిజన్‌లో ట్రాక్ మెయింటనెన్స్ పనుల కారణంగా రెండు రైళ్లను రద్దు చేయగా.. మరో రెండు రైళ్లను పాక్షికంగా రద్దు చేశారు. కాకినాడ పోర్ట్ -విశాఖపట్నం రైలు (నెం.17267)ను జూన్ 26న రద్దు చేశారు. అలాగే విశాఖపట్నం – కాకినాడ పోర్ట్ రైలు (నెం.17268) రైలును జూన్ 26న రద్దు చేశారు.

కాకినాడ పోర్ట్ – విజయవాడ రైలు (నెం.17258)ను జూన్ 26న కాకినాడ పోర్ట్ నుంచి రాజమండ్రి వరకు పాక్షికంగా రద్దు చేశారు. అలాగే విజయవాడ – కాకినాడ పోర్ట్ రైలు (నెం.17257)ను జూన్ 26న రాజమండ్రి నుంచి కాకినాడ పోర్ట్ వరకు పాక్షికంగా రద్దు చేశారు. ఈ రెండు రైళ్లు ఆ రెండు రోజుల్లో రాజమండ్రి – విజయవాడ మధ్య మాత్రమే నడుస్తాయి.