Uttar Pradesh: ఆ జైలులోని ఖైదీలకు పుస్తక పఠనం అంటే ఇష్టం.. ఏ తరాహా బుక్స్ చదువుతున్నారంటే..
ఉత్తర్ ప్రదేశ్ లోని కాన్పూర్ జైలులోని ఖైదీలు పుస్తక పఠనంలో ఆసక్తి పెరిగింది. ఇక్కడ ఖైదీలు ప్రేమ్చంద్ పుస్తకాలు, గీతా పద్యాలను చదవడం ద్వారా తమ నేరాలకు ప్రాయశ్చిత్తం చేసుకుని సమాజ స్రవంతిలోకి తిరిగి రావాలని ప్రయత్నిస్తున్నారు. ఇక్కడ మహిళా ఖైదీలు ఆధ్యాత్మిక, మతపరమైన పుస్తకాలు చదువుతుండగా.. మగ ఖైదీలు సాహిత్యంపై ఆసక్తి చూపుతున్నారు.
Updated on: Dec 14, 2024 | 7:44 PM
ఎవరి జీవితంలోనైనా నేరం చేసి జైలుకు వెళ్లడం ఒక పీడకల. దేవుడు విధించిన పెద్ద శిక్ష. జైలు గోడల మధ్య తాము చేసిన నేరాలకు ఎలా ప్రాయశ్చిత్తం చేసుకోవాలో ఆలోచించే అవకాశం లభిస్తుంది. కాన్పూర్ జైలులోని లైబ్రరీ ఈ భావాన్ని బలోపేతం చేయడానికి కృషి చేస్తోంది. జైలులోని ఖైదీలు గీతా శ్లోకాలతో పాటు ప్రేమ్చంద్ పుస్తకాలను చదువుతున్నారు.
జైలులోకి చేరుకుని శిక్ష అనుభవించే వ్యక్తి తమ నేరానికి తగిన శిక్షను అనుభవిస్తాడు. అయితే జైలుకి వెళ్ళిన వ్యక్తి సమాజంలోకి .. జీవన స్రవంతిలోకి తిరిగి రావడమే అతిపెద్ద సవాలు. జైలు నుంచి బయటకు వచ్చిన తర్వాత సమాజ దృక్పథం కూడా ఆ వ్యక్తుల పట్ల మారిపోతుంది. ఈ నేపధ్యంలో కాన్పూర్ జైలు ఖైదీలు తమను తాము సిద్ధం చేసుకునే పనిలో నిమగ్నమై ఉన్నారు. జైలు లైబ్రరీ ఇందుకు ఉపయోగపడుతోంది. ఇక్కడ మహిళా ఖైదీలు ఎక్కువగా వేదాలు, పురాణాలు, గీత వంటి ఆధ్యాత్మిక పుస్తకాలు చదువుతుండగా.. మగ ఖైదీలు ఎక్కువగా సాహిత్య పుస్తకాలు చదువుతున్నారు.
జైల్లో అందుబాటులో 3000 పుస్తకాలు
కాన్పూర్ జైలు సూపరింటెండెంట్ బి.డి. కాన్పూర్ జైలులో 3000కు పైగా పుస్తకాలు అందుబాటులో ఉన్నాయని, ఇందులో సాహిత్య, సామాజిక ఆసక్తి పుస్తకాలతోపాటు మతపరమైన పుస్తకాలు ఉన్నాయని పాండే చెప్పారు. పరీక్షలకు హాజరయ్యే ఖైదీల కోసం UP బోర్డులోని అన్ని సబ్జెక్టుల పుస్తకాలు ఇక్కడ అందుబాటులో ఉన్నాయి.
కొంతకాలంగా ఖైదీల్లో పుస్తకాలు చదివే ధోరణి పెరిగిపోయిందని జైలు సూపరింటెండెంట్ తెలిపారు. మతపరమైన పుస్తకాలతో పాటు ప్రేమ్చంద్ గోదాన్, కఫాన్, పూస్ కీ రాత్, దో బైలోన్ కీ కథ వంటి పుస్తకాలు ఎక్కువగా చదువుతున్నారని చెప్పారు.
మహిళా ఖైదీల్లో పెరిగిన ఆసక్తి
మగ ఖైదీల కంటే మహిళా ఖైదీలే పుస్తక పఠనంపై ఎక్కువ ఆసక్తి చూపుతున్నారు. జైలు నిబంధనల ప్రకారం లైబ్రరీతో పాటు ఏ ఖైదీ అయినా తన గదికి పుస్తకాన్ని తీసుకెళ్లి చదవవచ్చు. బయటి ప్రపంచంలో లైబ్రరీ వినియోగం దాదాపుగా ముగిసినప్పటికీ.. జైలు ప్రపంచంలో ఈ లైబ్రరీ ఖైదీలకు అతిపెద్ద ఆసరాగా మిగిలిపోయింది.
జైలులో పుస్తకాలు చదవడమే కాదు, ఖైదీలకు వివిధ రకాల వస్తువుల ఉత్పత్తులు, జనపనార పరిశ్రమలో జైలు అధికారులు శిక్షణను అందిస్తున్నారు. ఇందులో విక్రయాలు, మార్కెటింగ్, ముడిసరుకు కొనుగోలు, డిజైన్ ఎంపిక , జ్యూట్ ఉత్పత్తుల గురించి సమాచారం ఇస్తారు. అంతేకాదు ఖైదీలకు వివిధ ప్రభుత్వ పథకాల గురించి కూడా తెలియజేస్తారు.
మరిన్ని జాతీయ వార్తల కోసం ఇక్కడ క్లిక్ చేయండి..
