Mamitha Baiju: ఏంటీ.. ప్రేమలు హీరోయిన్ పేరు మమితా కాదా ..? అసలు ఎలా మారింది..

ఇటీవల టాలీవుడ్ ఇండస్ట్రీలో మారుమోగిన పేరు మమితా బైజు. అసలు తెలుగులో నేరుగా ఒక్క సినిమా చేయకపోయినా తెలుగు అడియన్స్ మనసు దొచుకుంది. అందం.. అంతకుమించిన చలాకీతనం.. తనదైన నటనతో కుర్రకారు ఫేవరేట్ క్రష్ లిస్ట్ లో చేరిపోయింది. ఇటీవల మలయాళం ఇండస్ట్రీలో బ్లాక్ బస్టర్ హిట్ అందుకున్న ప్రేమలు సినిమా.. ఇటీవల తెలుగులో రిలీజ్ అయిన సంగతి తెలిసిందే. డైరెక్టర్ రాజమౌళి కుమారుడు కార్తీకేయ ఈ చిత్రాన్ని తెలుగులో రిలీజ్ చేయగా.. అద్భుతమైన రెస్పాన్స్ వచ్చింది. ఇందులో తన క్యూట్ ఎక్స్ ప్రెషన్స్ తో యువతలో విశేషమైన క్రేజ్ సంపాదించుకుంది. ఇప్పుడు టాలీవుడ్ ఇండస్ట్రీలో మమితాకు వరుస ఆఫర్స్ వస్తున్నాయి. ఇప్పటికే రౌడీ హీరో విజయ్ దేవరకొండ నటిస్తున్న కొత్త ప్రాజెక్టులో ఈ బ్యూటీని ఎంపిక చేశారని టాక్ వినిపిస్తుంది. అయితే దీనిపై ఇప్పటివరకు ఎలాంటి క్లారిటీ రాలేదు.

ఇదిలా ఉంటే.. ఇప్పుడు మమితాకు సంబంధించిన ఓ న్యూస్ నెట్టింట వైరలవుతుంది. ఇన్నాళ్లు అంతా అనుకుంటున్నట్లు తన పేరు మమితా కాదని తెలిపింది. మమితా అసలు పేరు నమిత అంటూ రియల్ నేమ్ రివీల్ చేసింది. అయితే ఆసుపత్రి సిబ్బంది బర్త్ సర్టిఫికెట్ లో మమితగా నమోదు చేశారని తెలిపింది. స్కూల్లో జాయిన్ అయ్యే సమయానికీ తన పేరును తప్పుగా రాశారని గుర్తించలేదని తెలిపింది. అలాగే మమిత పేరు కాస్త విభిన్నంగా ఉందని.. అందుకే ఆ పేరును మార్చే ప్రయత్నం కూడా చేయలేదని చెప్పుకొచ్చింది. మమిత అంటే మలయాళంలో మిఠాయి అని తెలిపింది.

ప్రేమలు సినిమా కంటే ముందు మలయాళంలో చాలా చిత్రాల్లో నటించింది. అంతుకు ముందు షార్ట్ ఫిల్మ్స్ కూడా చేసింది. ఇప్పుడు సూపర్ హిట్ అయిన ప్రేమలు సినిమాకు తన కెరీర్ లో 16వ మూవీ అని పేర్కొంది. ఇక ఇటీవలే రెబల్ చిత్రంలో నటించింది. ఇందులో మ్యూజిక్ డైరెక్టర్ జీవీ ప్రకాష్ హీరోగా కనిపించారు. అలాగే తనకు తెలుగులోనూ అవకాశాలు వస్తున్నాయని.. ఇంకా వాటిని అధికారికంగా ఖరారు చేయాల్సి ఉందని.. తెలుగు సినిమాలంటే చాలా ఇష్టమని చెప్పుకొచ్చింది. ఎక్కువగా అల్లు అర్జున్ చిత్రాలు చూసేందుకు ఇష్టపడతానని చెప్పుకొచ్చింది.

View this post on Instagram

A post shared by Mamitha Baiju (@mamitha_baiju)

మరిన్ని సినిమా వార్తల కోసం ఇక్కడ క్లిక్ చేయండి.