NHAI ఐడియా అదుర్స్‌.. రోడ్డుపై గుంతల నివారణకు నయా టెక్నీక్‌..! వాటికవే సొంతంగా గుంతలు పూడ్చుకు ఉపాయం
ఈ సాంకేతికత వినియోగంతో రోడ్లు త్వరగా చెడిపోవు. చిన్న పగుళ్లు వచ్చినా వాటంతట అవే నయమై పెద్ద గుంతలు ఏర్పడకుండా ఉంటుందని వివరించారు. ఈ సాంకేతికత వినియోగంతో రోడ్లు త్వరగా పాడవవని, మళ్లీ మళ్లీ మరమ్మతులకు అయ్యే ఖర్చు కూడా ఆదా అవుతుందని అధికారి చెబుతున్నారు. అంతేకాదు.. మరమ్మతుల సమయంలో ట్రాఫిక్ మళ్లింపు, ఆపేయటం వంటి అవసరం కూడా ఉండదని చెప్పారు.
Updated on: May 05, 2024 | 12:37 PM
ఏటా వేలాది మంది మరణాలకు రోడ్లపై గుంతలు కారణమవుతున్నాయి. ఒక్కసారి రోడ్డుపై గుంత ఏర్పడితే దాన్ని పూడ్చేందుకు కాంట్రాక్టు ఇచ్చి ఆ తర్వాత మరమ్మతు పనులు ప్రారంభించడం, అది పూర్తి కావడం పెద్ద ప్రహసనం. ఈ మొత్తం ప్రక్రియను పూర్తి చేయడానికి చాలా నెలలు పడుతుంది. అయితే, నేషనల్ హైవే అథారిటీ (NHAI) ఇప్పుడు రోడ్లను స్వయంగా మరమ్మతు చేసే పద్ధతిని కనిపెట్టింది. ఇది కొంచెం వింతగా అనిపించవచ్చు, కానీ త్వరలో మీరు మన భారతీయ రోడ్లపై ఈ సాంకేతికతను చూస్తారు.
రోడ్లపై సెల్ఫ్ హీలింగ్ టెక్నాలజీని అభివృద్ధి చేసేందుకు కొత్త రకం తారును ఉపయోగించనున్నట్లు NHAI తెలిపింది. ఈ విషయానికి సంబంధించిన ఒక సీనియర్ అధికారి మాట్లాడుతూ, ఈ సాంకేతికత రహదారిని నిర్మించేటప్పుడు మాత్రమే ఉపయోగించబడుతుందని చెప్పారు. ఇది రోడ్లలో గుంతలను నివారిస్తుందన్నారు. ముఖ్యంగా ఈ సాంకేతికత వినియోగంతో రోడ్లు త్వరగా చెడిపోవు. చిన్న పగుళ్లు వచ్చినా వాటంతట అవే నయమై పెద్ద గుంతలు ఏర్పడకుండా ఉంటుందని వివరించారు. ఈ సాంకేతికత వినియోగంతో రోడ్లు త్వరగా పాడవవని, మళ్లీ మళ్లీ మరమ్మతులకు అయ్యే ఖర్చు కూడా ఆదా అవుతుందని అధికారి చెబుతున్నారు. అంతేకాదు.. మరమ్మతుల సమయంలో ట్రాఫిక్ మళ్లింపు, ఆపేయటం వంటి అవసరం కూడా ఉండదని చెప్పారు. ఈ సాంకేతికత సాయంతో ఇలాంటి సమస్యలు ఏవీ ఉండవంటున్నారు.
Imagine roads that repair cracks and potholes on their own! This reality may be closer than you think – NHAI is exploring 'self-healing' road tech!
Swipe to know who invented this tech and how it works. >> pic.twitter.com/0Si8rYLorN
— The Better India (@thebetterindia) April 30, 2024
అధికారి చెప్పిన వివరాల ప్రకారం.. రహదారిని నిర్మించేటప్పుడు ఒక రకమైన తారును ఉపయోగించే బిటుమెన్‌లో సన్నని ఉక్కు ఫైబర్‌లు చొప్పించబడతాయి. రోడ్డులో ఏదైనా చిరిగిపోయిన వెంటనే, ఈ తారు వేడెక్కడం, దానికదే విస్తరించడం ప్రారంభమవుతుంది. అది తిరిగి కాంక్రీటుతో కలిసి వచ్చి ఉక్కు దారాలను కలుపుతుంది. ఈ ప్రక్రియతో రోడ్లకు గుంతలు ఉండవు.
మరిన్ని జాతీయ వార్తల కోసం క్లిక్ చేయండి..
