కొత్తిమీర తింటే బరువు తగ్గుతారా.. ఈ విషయాలు తెలిస్తే అస్సలు వదలరు..

వంటకాలకు అద్భుతమైన రుచిని, సువాసనను ఇచ్చే కొత్తిమీర.. కేవలం గార్నిష్ వస్తువు మాత్రమే కాదు. ఇది అనేక ఆరోగ్య ప్రయోజనాలను కలిగి ఉన్న ఒక శక్తివంతమైన హెర్బ్. ముఖ్యంగా కొత్తిమీర ఆకులు, వాటి విత్తనాలలో యాంటీఆక్సిడెంట్లు పుష్కలంగా ఉంటాయి. కొత్తిమీరను ఆహారంలో భాగంగా చేసుకోవడం లేదా కొత్తిమీర నీరు తాగడం వల్ల కలిగే ప్రధాన ఆరోగ్య ప్రయోజనాలు ఉన్నాయి. బరువు తగ్గడంలో దాని పాత్ర గురించి తెలుసుకుందాం.

రక్తంలో చక్కెర నియంత్రణ: కొత్తిమీరలో యాంటీఆక్సిడెంట్లు పుష్కలంగా ఉండటం వలన ఇది రక్తంలో చక్కెర స్థాయిలను నియంత్రించడంలో సహాయపడుతుంది. డయాబెటిస్ ఉన్నవారికి ఇది చాలా మంచిది.

గుండె, మెదడు, చర్మ ఆరోగ్యం: దీనిలోని పోషకాలు గుండె ఆరోగ్యాన్ని మెరుగుపరచడంతో పాటు మెదడు పనితీరుకు తోడ్పడతాయి. యాంటీఆక్సిడెంట్లు చర్మ ఆరోగ్యాన్ని కూడా కాపాడతాయి.

ఇన్ఫెక్షన్ల నివారణ: కొత్తిమీర నీరు తాగడం వలన సాల్మొనెల్లా వంటి హానికరమైన సూక్ష్మక్రిములతో పోరాడటానికి శరీరం సిద్ధమవుతుంది. ఇది ఆహారం ద్వారా వచ్చే అనారోగ్యాలు, ఇతర ఇన్ఫెక్షన్లను నివారించడంలో మంచిది.

బరువు తగ్గడంలో కొత్తిమీర పాత్ర

బరువు తగ్గాలని ప్రయత్నించే వారికి కొత్తిమీర ఒక గొప్ప సహజ ఔషధంలా పనిచేస్తుంది.

జీర్ణక్రియ మెరుగు: బరువు తగ్గడానికి మంచి జీర్ణక్రియ చాలా అవసరం. కొత్తిమీర నీరు తాగడం వల్ల జీర్ణక్రియ మెరుగుపడి, తీసుకున్న ఆహారం సరిగ్గా జీర్ణమయ్యేలా చేస్తుంది.

మెరుగైన జీవక్రియ: కొత్తిమీర నీరు తాగడం వలన శరీర జీవక్రియ రేటు మెరుగుపడుతుంది. దీని ఫలితంగా కేలరీలను వేగంగా కరిగించుకోవడానికి సహాయపడుతుంది. ఇది సులభంగా బరువు తగ్గడానికి దారితీస్తుంది.

ఆకలిని తగ్గిస్తుంది: కొత్తిమీర నీరు తాగడం వలన ఆకలి తగ్గుతుంది. దీనిని తాగడం ద్వారా మీరు అధిక కేలరీల ఆహారాలు మరియు స్నాక్స్ తీసుకోవడం తగ్గిపోతుంది. తద్వారా బరువును సమర్థవంతంగా నియంత్రించుకోవచ్చు.

కొవ్వు తొలగింపు: కొత్తిమీర శరీరంలో పేరుకుపోయిన అనవసరమైన కొవ్వును తొలగించడానికి సహాయపడుతుంది.

కొత్తిమీర గింజల ప్రత్యేకత

కొత్తిమీర ఆకులే కాకుండా కొత్తిమీర గింజలు కూడా ఆరోగ్యానికి చాలా మేలు చేస్తాయి. వీటిలో చాలా ఫైబర్ ఉంటుంది. వీటిని తినడం వల్ల కడుపు నిండిన భావన ఎక్కువసేపు ఉంటుంది. ఆకలి తగ్గుతుంది. ఇది కూడా పరోక్షంగా బరువు తగ్గడానికి సహాయపడుతుంది.

కొత్తిమీర ఆకులు, విత్తనాలను రోజూ ఆహారంలో చేర్చుకోవడం ద్వారా మీరు అనేక ఆరోగ్య ప్రయోజనాలు పొందవచ్చు. ముఖ్యంగా కొత్తిమీర నీటిని క్రమం తప్పకుండా తాగడం ద్వారా మీ బరువు తగ్గించే లక్ష్యాన్ని త్వరగా చేరుకోవచ్చు.

మరిన్ని లైఫ్‌స్లైట్ వార్తల కోసం ఇక్కడ క్లిక్ చేయండి.