Telugu News India News Pm narendra modi celebrated christmas in union minister george kurian's home pics here
PM Modi: కేంద్ర మంత్రి ఇంట్లో క్రిస్మస్ వేడుకలు.. హాజరైన ప్రధాని మోదీ.. చిత్రాలు చూడండి..
ప్రతి సంవత్సరం లాగానే ఈ ఏడాది కూడా డిసెంబర్ 25న క్రిస్మస్ జరుపుకోనున్నారు. ఏసుక్రీస్తు జన్మదినాన్ని పురస్కరించుకుని క్రైస్తవులు జరుపుకునే పండుగలలో ఇది ముఖ్యమైనది. ప్రపంచంలోని అనేక ప్రాంతాలలో దీనిని పెద్ద ఎత్తున జరుపుకుంటారు. గురువారం (డిసెంబర్ 19) ఢిల్లీలోని కేంద్ర మంత్రి జార్జ్ కురియన్ నివాసంలో జరిగిన క్రిస్మస్ వేడుకలకు ప్రధాని నరేంద్ర మోదీ హాజరయ్యారు.
ఏసుక్రీస్తు జన్మదినాన్ని పురస్కరించుకుని ఏటా క్రిస్మస్ జరుపుకుంటారు. డిసెంబర్ 25 న జరుపుకునే ఈ వేడుకను ప్రపంచవ్యాప్తంగా ఘనంగా నిర్వహిస్తారు. ఈ క్రమంలోనే క్రిస్మస్ పండుగ సందర్భంగా దేశవ్యాప్తంగా సన్నాహాలు మొదలయ్యాయి. ఈ నేపథ్యంలోనే క్రిస్మస్ పండుగను పురస్కరించుకుని భారత ప్రధాని నరేంద్ర మోదీ పాల్గొన్నారు.
1 / 6
గురువారం (డిసెంబర్ 19) ఢిల్లీలోని కేంద్ర మంత్రి జార్జ్ కురియన్ నివాసంలో జరిగిన క్రిస్మస్ వేడుకలకు ప్రధాని నరేంద్ర మోదీ హాజరయ్యారు. ఈ వేడుకకు సంబంధించిన చిత్రాలను ప్రధాని మోదీ తన సోషల్ మీడియా ఖాతాలో షేర్ చేశారు. క్రిస్మస్ వేడుకలకు విచ్చేసిన ప్రధాని మోదీకి బీజేపీ ఎంపీ, కేంద్ర మంత్రి జార్జ్ కురియన్ దంపతులు పుష్పగుచ్చం ఇచ్చి ఘన స్వాగతం పలికారు.
2 / 6
క్రిస్మస్ వేడుక కోసం తయారు చేసిన టేబుల్‌‌పై ప్రధాని మోదీ కొవ్వొత్తి వెలిగించారు. ఈ కార్యక్రమంలో క్రిస్మస్ పాటలు పాడి జార్జ్ కురియన్ ప్రధాని మోదీకి గిఫ్ట్ ఇచ్చారు. వేడుక సందర్భంగా, ప్రధాని మోదీ క్రైస్తవ సమాజంలోని ప్రముఖ సభ్యులను కలుసుకుని మాట్లాడారు.
3 / 6
క్రిస్మస్ పర్వదినాన క్రైస్తవ మతపెద్దలలతో సమావేశమయ్యారు ప్రధాని మోదీ. మనుషులంతే ఒక్కటేనన్న సందేశం బైబిల్‌లో ఉందని, ఈ సందేశం ప్రజలను ఏకం చేస్తుందన్నారు మోదీ. ఏసు ప్రభువు బోధనలు అందరికి స్ఫూర్తిదాయకమన్నారు. దేశానికి క్రైస్తవులు ఎంతో సేవ చేశారని ప్రశంసించారు మోదీ. స్వాతంత్ర్య పోరాటంలో కీలక పాత్ర పోషించారన్నారు. అంతేకాకుండా సామాజిక సేవలో కూడా ముందున్నారని అన్నారు. వైద్య , విద్యారంగాల్లో కిస్టియన్‌ సామాజిక వర్గం సేవలు మరవలేవన్నారు.
4 / 6
కాగా, కేంద్ర మంత్రి జార్జ్ కురియన్ తన సోషల్ మీడియా ఖాతాలో ఈ చిత్రాలను మళ్లీ పోస్ట్ చేసి, క్రిస్మస్ వేడుకలకు హాజరైనందుకు ప్రధాని మోదీకి ధన్యవాదాలు తెలిపారు.
5 / 6
ప్రతి సంవత్సరం లాగానే ఈ ఏడాది కూడా డిసెంబర్ 25న క్రిస్మస్ జరుపుకోనున్నారు. ఏసుక్రీస్తు జన్మదినాన్ని పురస్కరించుకుని క్రైస్తవులు జరుపుకునే పండుగలలో ఇది ముఖ్యమైనది. ప్రపంచంలోని అనేక ప్రాంతాలలో దీనిని పెద్ద ఎత్తున జరుపుకుంటారు. ఈ సమయంలో, స్నేహితులు, బంధువులు, కుటుంబ సభ్యులు ఒకరికొకరు బహుమతులు పంచుకుంటారు. అందమైన అలంకరణలు, మెరిసే దీపాలతో క్రిస్మస్ జరుపుకుంటారు.
