PM Narendra Modi Birthday: నేడు ప్రధానమంత్రి నరేంద్రమోదీ జన్మదినం.. 71 వేల దీపాలతో శుభాకాంక్షల వెల్లువ.. అర్ధరాత్రి నుంచే..

Narendra Modi Birthday: ప్రధానమంత్రి నరేంద్రమోదీ (సెప్టెంబర్ 17న) నేటితో 71వ వసంతంలోకి అడుగుపెట్టారు. ప్రధాని మోదీ పుట్టిన రోజును పురస్కరించుకుని దేశంలోని పలు ప్రాంతాల్లో

Pm Narendra Modi Birthday

Shaik Madar Saheb |

Updated on: Sep 17, 2021 | 1:03 AM

Narendra Modi Birthday: ప్రధానమంత్రి నరేంద్రమోదీ (సెప్టెంబర్ 17న) నేటితో 71వ వసంతంలోకి అడుగుపెట్టారు. ప్రధాని మోదీ పుట్టిన రోజును పురస్కరించుకుని దేశంలోని పలు ప్రాంతాల్లో గురువారం అర్ధరాత్రి నుంచి వేడుకలు ప్రారంభమయ్యాయి. బీజేపీ శ్రేణులు ఉత్సహంతో.. ప్రధాని మోదీకి జన్మదిన శుభాకాంక్షలు తెలుపుతూ కేరింతలు కొట్టారు. ఈ సందర్భంగా భారీ కేక్‌లను సైతం కట్ చేశారు. మోదీ జన్మదినాన్ని పురస్కరించుకుని.. ఆయన సొంత పార్లమెంట్ నియోజకవర్గమైన వారణాసిలో అర్ధరాత్రి సంబరాలు అంబరాన్నంటాయి. భారతీయ జనతా పార్టీ శ్రేణులు భారత్ మాతా ఆలయం దగ్గర 71 వేల దీపాలను వెలిగించారు. దీంతోపాటు 71 కిలోల లడ్డూను కట్ చేశారు. ఈ కార్యక్రమంలో బీజేపీ ఎంపీ రూప గంగూలీ, బీహెచ్‌యూ మాజీ వీసీ జిసి త్రిపాఠి పాల్గొన్నారు. ఈ సందర్భంగా ‘కాశీ సంకల్ప్’ అనే పుస్తకాన్ని సైతం ఆవిష్కరించారు.

BJP workers & supporters on Thursday lit earthen lamps & cut a 71-kg laddu in PM Narendra Modi’s parliamentary constituency Varanasi, on the eve of his 71st birthday

A book titled ‘Kashi Sankalp’ was also launched in presence of BJP MP Roopa Ganguly & former BHU VC GC Tripathi pic.twitter.com/Z28eTb2vmJ

— ANI UP (@ANINewsUP) September 16, 2021

ప్రధాని నరేంద్ర మోదీ 71 వ పుట్టినరోజు వేడుకలను మధ్యప్రదేశ్‌లోని భోపాల్‌లో బీజేపీ శ్రేణులు ఘనంగా నిర్వహించారు. లాల్‌ఘాటి చౌరహాలో బీజేపీ కార్యకర్తలు 71 అడుగుల పొడవైన వ్యాక్సిన్ ఆకారంలో ఉన్న కేక్‌ను కట్ చేశారు.

#WATCH | BJP workers cut a 71-feet-long vaccine-shaped cake on the eve of the 71st birthday of PM Narendra Modi, at Lalghati Chauraha in Bhopal, Madhya Pradesh pic.twitter.com/ac3wl6PANn

— ANI (@ANI) September 16, 2021

కాగా.. ఈసారి ప్రధాని మోదీ జన్మదిన వేడుకలను బీజేపీ ఘనంగా నిర్వహించేందుకు సన్నాహాలు చేసింది. దేశవ్యాప్తంగా పెద్ద ఎత్తున రక్తదాన శిబిరాలు, నదీలను శుభ్రం చేసే కార్యక్రమాలు, రేషన్ కార్డుల పంపిణీతో పాటు కరోనా వ్యాక్సినేషన్ లాంటి కార్యక్రమాలను చేపట్టనుంది. ప్రధాని మోదీ పుట్టిన రోజు సందర్భంగా నేటినుంచి 20 రోజుల పాటు సేవా ఔర్ సమర్పణ్ అభియాన్ పేరుతో బీజేపీ ఈ కార్యక్రమాలను చేపట్టనుంది. ఈ వేడుకలు అక్టోబర్ 7వ తేదీతో ముగియనున్నాయి.