జమ్మూ కాశ్మీర్, లడాఖ్ ప్రాంతాలను సందర్శించనున్న పార్లమెంటరీ కమిటీ.. తాజా పరిస్థితులపై సమీక్ష

హోమ్ వ్యవహారాలపై గల స్టాండింగ్ కమిటీ ఈ నెల 16 నుంచి వారం రోజులపాటు జమ్మూ కాశ్మీర్. లడాఖ్ ప్రాంతాలను సందర్శించనుంది. సీనియర్ కాంగ్రెస్ నేత ఆనంద్ శర్మ నేతృత్వంలోని ఈ కమిటీ ముఖ్యంగా లడాఖ్ లోని నియంత్రణ రేఖ వద్ద పరిస్థితిని సమీక్షిస్తుందని ప్రభుత్వం తెలిపింది. ఈ కమిటీ సభ్యులు 16 న ఢిల్లీ నుంచి బయల్దేరి..తిరిగి 22 న నగరానికి చేరుకోనున్నారు. జమ్మూ కాశ్మీర్ లో ఉగ్రవాద కార్యకలాపాలు తగ్గుముఖం పట్టిన నేపథ్యంలోనూ, ఈ కేంద్ర పాలిత ప్రాంతానికి తగిన సమయంలో మళ్ళీ రాష్ట్ర హోదాను పునరుద్దరించే అవకాశాలు ఉన్నాయని ప్రభుత్వం హామీ ఇచ్చిన దృష్ట్యా కూడా ఈ సభ్యుల పర్యటన ప్రాధాన్యం సంతరించుకుంది. భారత-చైనా దేశాల మధ్య ఇంకా నివురు గప్పిన నిప్పులా ఉన్న లడాఖ్ లోని వాస్తవాధీన రేఖ వద్ద పరిస్థితిని అధ్యయనం చేసి. అక్కడి ఇండో-టిబెటన్ బోర్డర్ దళం అధికారులతో బాటు .. భారత సైనికాధికారులతో కూడా ఈ కమిటీ చర్చిస్తుంది. లేహ్ లోని అధికారులతో తాము సమావేశాలు నిర్వహిస్తామని, లడాఖ్ అభివృద్ధి, ప్రజల జీవన స్థితిగతుల గురించి తెలుసుకుంటామని ఈ కమిటీ వర్గాలు వెల్లడించాయి.

మొత్తం 31 మంది సభ్యులతో కూడిన బృందం తమ పర్యటనను ఖరారు చేసుకుంది. ఇలా ఉండగా నిన్న భారత-చైనా దేశాల కోర్స్ కమాండర్ స్థాయి అధికారుల మధ్య చర్చలు సుదీర్ఘంగా జరిగాయి. ఉదయం పదిన్నర గంటలకు మొదలైన ఈ చర్చలు రాత్రి ఏడున్నర గంటలవరకు సాగాయి. లడాఖ్ లో గోగ్రా..హాట్ స్ప్రింగ్స్ తదితర ఫ్రిక్షన్ పాయింట్ల నుంచి చైనా తన బలగాలను వెనక్కి తీసుకోవాలని ఈ సందర్భంగా భారత అధికారులు కోరారు.

మరిన్ని ఇక్కడ చూడండి: India Corona Cases: దేశంలో కొత్తగా 41,831 కరోనా కేసులు.. యాక్టివ్ కేసులు, మరణాల సంఖ్య ఇలా

ఆమిర్ ఖాన్ దంపతులతో జమ్మూ కాశ్మీర్ లెఫ్టినెంట్ గవర్నర్ భేటీ.. కాశ్మీర్ లో త్వరలో అమలు కానున్న కొత్త ఫిల్మ్ పాలసీ