ఆ దేశం మారదంతే ! మళ్ళీ కాల్పుల విరమణ ఒప్పంద ఉల్లంఘన ! జమ్మూలో జేసీబీ యంత్రంపై పాక్ రేంజర్ల ఫైరింగ్

జమ్మూ కాశ్మీర్ లోని ఆర్నియా సెక్టార్లో అంతర్జాతీయ సరిహద్దు వద్ద బుధవారం ఉదయం భారత జవాన్లు నడుపుతున్న జేసీబీ యంత్రంపై పాకిస్థాన్ రేంజర్లు కాల్పులు జరిపారు. ఆ ప్రాంతంలోని పొదలను తొలగిస్తూ.. భూమిని చదును చేస్తుండగా అది చూసిన వారు..కాల్పులు జరిపినట్టు తెలిసింది. అయితే జేసీబీ బుల్లెట్ ప్రూఫ్ కావడంతో అది దెబ్బ తినలేదని తెలియవచ్చింది. వెంటనే భారత జవాన్లు కూడా కొన్నిరౌండ్లు కాల్పులు జరిపారని, ఈ ఘటనలో ఎవరూ గాయపడలేదని సమాచారం. కొద్దిసేపటికి అక్కడ సాధారణ పరిస్థితి నెలకొంది. ఇలా ఉండగా ఈ సెక్టార్ లో గస్తీ తిరుగుతున్న బోర్డర్ సెక్యూరిటీ ఫోర్స్ ఈ ఘటనను ధృవీకరించ లేదు..తోసిపుచ్చనూ లేదు. కాగా కాల్పుల విరమణ ఒప్పందాన్ని పాక్ కాల్పుల విరమణ ఒప్పందాన్ని ఉల్లంఘించడం ఇది రెండో సారి.గత మే 2 న సాంబా జిల్లాలోని రామ్ గడ్ సెక్టార్లో పాకిస్థాన్ దళాలు కాల్పులకు దిగాయి. ఉభయ దేశాల సరిహద్దుల్లో శాంతి నెలకొనేలా చూడాలని, కాల్పుల విరమణ ఒప్పందాన్ని పాటించాలని లోగడ ఫిబ్రవరి 25 న రెండు దేశాల సైనికాధికారులు హాట్ లైన్ ద్వారా జరిగిన చర్చల్లో ఏకాభిప్రాయానికి వచ్చారు. నాడు ఆ చర్చల పర్యవసానాన్ని ఇండియా అతి ముఖ్యమైన ఘట్టంగా అభివర్ణించింది. ఇక భారత-పాకిస్థాన్ దేశాల మధ్య శాంతి, సుస్థిరత కొనసాగుతుందని పేర్కొంది. కానీ ఆ పొరుగు దేశం తన బుద్ధి మార్చుకోదని తాజా ఘటన ద్వారా నిరూపితమవుతోందంటున్నారు.

బుధవారం నాటి సంఘటనలో పాకిస్థాన్ తాము యధాప్రకారం భారత శిబిరాలపై ఫైరింగ్ జరుపుతూనే ఉంటామని తెలియజేయడానికే కావాలని జేసీబీపై కాల్పులు జరిపినట్టు భావిస్తున్నారు.

మరిన్ని వీడియోలు చుడండి ఇక్కడ : బ్రేక్ లు ఫెయిల్ అయ్యిన లారీ ని ఎంతో నైపుణ్యంగా 3 కి.మీ రివర్స్ లో డ్రైవింగ్.. వైరల్ అవుతున్న వీడియో,ఫిదా అవుతున్న నెటిజెన్లు : Viral Video

Viral Video: ఎలుకకు జోలపాట పడుతున్న మూడేళ్ళ పాప..వైరల్ అవుతున్న వీడియో.

ఆస్ట్రేలియాలో వ్యవసాయ భూములపై ఎలుకల దాడి..భారత్ మందు కోసం ఎన్ ఎస్ డబ్ల్యు ఎదురుచూపులు: vial video