Omicron Cases In India: 24 రాష్ట్రాల్లో 2,135 ఒమిక్రాన్ కేసులు నమోదు.. దేశాన్ని హడలెత్తిస్తోన్న కొత్త వేరియంట్..!

Omicron Cases In India: భారతదేశంలో కరోనా కొత్త వేరియంట్ ఒమిక్రాన్ కేసులు వేగంగా పెరుగుతున్నాయి. ఇప్పటివరకు, 24 రాష్ట్రాల్లో 2,135 కేసులు నమోదయ్యాయి. వాటిలో 828 మంది రోగులు రికవరీ అయ్యారు. అదే సమయంలో ఒమిక్రాన్ ఇన్ఫెక్షన్ కారణంగా దేశంలో మొదటి మరణం సంభవించింది. రాజస్థాన్‌లోని జైపూర్‌లో ఒమిక్రాన్ ఇన్ఫెక్షన్ కారణంగా 72 ఏళ్ల వ్యక్తి మరణించాడు. ఈ విషయాన్ని కేంద్ర ఆరోగ్య మంత్రిత్వ శాఖ కూడా ధృవీకరించింది.

జైపూర్‌లో ఒమిక్రాన్‌తో దేశంలోనే తొలి మరణం సంభవించింది. కరోనా కొత్త వేరియంట్ సోకిన వ్యక్తికి 72 సంవత్సరాలు. కేంద్ర ప్రభుత్వం ప్రకారం, ఆ వ్యక్తికి అప్పటికే తీవ్రమైన మధుమేహం, కొన్ని ఇతర వ్యాధులు ఉన్నాయి. అతని చికిత్స ప్రోటోకాల్ ప్రకారం జరుగుతోంది. కానీ, అతని నివేదిక రాకముందే అతను మరణించాడు. కాబట్టి అతన్ని ఒమిక్రాన్ మరణంగా పరిగణిస్తారు.

ఈ సందర్భంలో, ఆరోగ్య మంత్రిత్వ శాఖ జాయింట్ సెక్రటరీ లవ్ అగర్వాల్ మాట్లాడుతూ, “మేం సాంకేతికంగా మాట్లాడుతున్నాం. రాజస్థాన్ అతను ఒమిక్రాన్ కారణంగా మరణించాడని చెప్పగలం. అయితే, ఒమిక్రాన్ ఫలితాలు వచ్చే సమయానికి కంటే ముందే అతను మరణించాడు” అని పేర్కొన్నారు. ‘మరణించిన రోగి వయసులో పెద్దవాడు. అతనికి మధుమేహం, కొమొర్బిడ్ పరిస్థితి ఉంది. అతను కరోనా పాజిటివ్‌గా ఉన్నట్లు గుర్తించిగానే, చికిత్స ప్రోటోకాల్ ప్రకారం జరిగిందని’ లవ్ తెలిపారు. అయితే, అతని Omicron ఫలితాలు వచ్చే సమయానికి కంటే ముందే ఆయన మరణించాడు. కాబట్టి మా గైడ్‌లైన్ ప్రకారం పాజిటివ్‌గా ఉన్న వ్యక్తి అతన్ని కోవిడ్ డెత్‌గా పరిగణిస్తున్నట్లే, ఆ తర్వాత కూడా ఒమిక్రాన్ సోకినట్లు తేలితే, అతన్ని ఒమిక్రాన్ పాజిటివ్ అని పిలుస్తారు.

మహారాష్ట్ర నుంచి అత్యధిక కేసులు.. దేశంలోనే మహారాష్ట్రలో అత్యధికంగా ఒఇమిక్రాన్ ఇన్ఫెక్షన్ కేసులు నమోదయ్యాయి. మహారాష్ట్రలో మొత్తం 653 కేసులు నమోదయ్యాయి. వాటిలో 259 నయమయ్యాయి. దీని తరువాత, ఢిల్లీలో 464 ఓమిక్రాన్ ఇన్ఫెక్షన్ కేసులు వెలుగుచూశాయి. వాటిలో 57 నయమయ్యాయి. కేరళలో 185 కేసులు వచ్చాయి. వాటిలో 58 నయమయ్యాయి. రాజస్థాన్‌లో 174 కేసులు నమోదవ్వగా, అందులో 88 మంది రోగులు నయమయ్యారు. అదే సమయంలో, గుజరాత్‌లో 154 కేసులు నమోదయ్యాయి. 96 నయమయ్యాయి. అలాగే తమిళనాడులో 121, తెలంగాణలో 84 కేసులు నమోదయ్యాయి.

Also Read: Coronavirus: తెలంగాణలో కోరలు చాస్తోన్న కరోనా.. భారీగా పెరిగిన కొత్త కేసులు.. 24 గంటల్లో ఎంతమంది ఈ మహమ్మారి బారిన పడ్డారంటే..

Coronavirus: కరోనా కట్టడికి ఆ రాష్ట్ర ప్రభుత్వం సంచలన నిర్ణయం.. రేపటి నుంచి నైట్‌ కర్ఫ్యూతో పాటు..