సీఏఏకి వ్యతిరేకంగా ఫ్లకార్డులు ప్రదర్శిస్తూ.. ఒక్కటైన జంట..

తమిళనాడులో ఓ ముస్లిం జంట వినూత్న రీతిలో వివాహం చేసుకున్నారు. దేశ వ్యాప్తంగా పౌరసత్వ సవరణ చట్టాన్ని వ్యతిరేకిస్తూ.. అనేక చోట్ల నిరసనలకు దిగుతున్న విషయం తెలిసిందే. ఈ క్రమంలో చెన్నైకి చెందిన సుమయ్యా, షహిన్ షా అనే ఓ ముస్లిం జంట.. తమ నిరసనను వినూత్న రీతిలో ప్రదర్శించారు. సోమవారం నార్త్ చెన్నైలో జరిగిన ఈ పెళ్లిలో.. తాము సీఏఏ. ఎన్నార్సీని వ్యతిరేకిస్తున్నామంటూ.. ఫ్లకార్డులను ప్రదర్శించారు. ఈ నవదంపతులు నివాసముండే ప్రాంతంలో గత కొద్ది రోజులుగా సీఏఏ, ఎన్నార్సీలకు వ్యతిరేకంగా పెద్ద ఎత్తున ప్రదర్శనలు జరుగుతున్నాయి. ఈ క్రమంలోనే వీరు వివాహంలో ఇలా వినూత్న రీతిలో వారి నిరసనను ఫ్లకార్డులతో ప్రదర్శించారు. కాగా, ఈ నెల 24న పెద్ద ఎత్తున నిరసన కార్యక్రమంలో చేసేందుకు అక్కడి ముస్లింలు సిద్ధమవుతున్నారు. ఈ కార్యక్రమానికి ఈ నవదంపతులు కూడా హాజరయ్యే అవకాశం ఉంది.

Chennai: A couple got married earlier today at the protest site in Old Washermanpet area where demonstration is being held against Citizenship Amendment Act (CAA), National Register of Citizens (NRC) and National Population Register (NPR). #TamilNadu pic.twitter.com/oojAN35phW

— ANI (@ANI) February 17, 2020