Armed Forces: భారత రక్షణ వ్యవస్థకు కీలకంగా 2024.. నయా ఆయుధాల ప్రవేశం
ప్రపంచంలో ఏ దేశం కూడా యుద్ధాన్ని కోరుకోదు. సరిహద్దు దేశాలతో పాటు ఇతర దేశాలతో యుద్ధానికి దిగితే ఎంత నష్టపోతారో? అందరికీ తెలుసు. కానీ వారి అస్థిత్వానికి భంగం కలిగిస్తే మాత్రం ధీటుగా సమాధానం చెప్పేందుకు తమ రక్షణ వ్యవస్థలను బలోపేతం చేసుకుంటాయి. ఈ నేపథ్యంలో 2024వ సంవత్సరం భారత రక్షణ వ్యవస్థకు కీలకంగా మారింది. ఈ ఏడాది చాలా కీలకమైన ఆయుధాలను భారత్ సమకూర్చుకుంది.
Srinu |
Updated on: Jan 01, 2025 | 3:43 PM
ప్రపంచవ్యాప్తంగా వివిధ ప్రాంతాల్లో సంఘర్షణలు కొనసాగుతున్నాయి. శాంతిని నెలకొల్పే లక్ష్యంతో ప్రయత్నాలు చేస్తున్నప్పటికీ శత్రుత్వాలు భారీగానే ఉంటున్నాయి. అయితే భారతదేశం విషయానికి వస్తే ప్రధానమంత్రి నరేంద్ర మోదీ “యుద్ధం లేని యుగం” అనే సూత్రానికి అనుగుణంగా భారత్‌లో పరిస్థితులు ఉన్నాయి. అయితే వివిధ దేశాల్లో ఉన్న పరిస్థితుల నేపథ్యంలో భారతదేశం కూడా గుర్తింపు పొందిన ప్రాంతీయ శక్తిగా చెప్పుకోవడానికి తన రక్షణ సామర్థ్యాలను పెంపొందించుకోవాల్సిన అవసరాన్ని కూడా గుర్తించింది. ముఖ్యంగా భారత్ తన జాతీయ ప్రయోజనాలను పరిరక్షించడానికి తన రక్షణ వ్యూహాన్ని మెరుగుపరచడానికి కీలక చర్యలు తీసుకుంటుంది. కాబట్టి 2024లో తన సైనిక ఆయుధ దళాలకు గణనీయమైన మార్పులు చేసింది. ముఖ్యంగా మేక్ ఇన్ ఇండియా చొరవ నేపథ్యంలో స్వదేశీ తయారీ ఆయుధాలకు భారత రక్షణ వ్యవస్థ సమకూర్చుకుంది. కాబట్టి 2024లో భారత రక్షణ వ్యవస్థలో కీలక ఆయుధాల గురించి తెలుసుకుందాం.
ఏకే-203 రైఫిల్స్
ఏకే-203 రైఫిల్స్ అనేవి 7.62×39 ఎంఎం కాట్రిడ్జ్ కోసం చాంబర్ చేసిన ప్రఖ్యాత కలాష్నికోవ్ సిరీస్‌కు సంబంధించిన ఆధునిక వెర్షన్. 2024లో ఇండో-రష్యన్ జాయింట్ వెంచర్, ఇండో-రష్యా రైఫిల్స్ ప్రైవేట్ లిమిటెడ్ (ఐఆర్ఆర్‌పీఎల్), 35,000 ఏకే-203 రైఫిళ్లను డెలివరీ చేసింది. ఇండియన్ ఆర్మీ, మెరుగైన కచ్చితత్వం, విశ్వసనీయత, నిర్వహణ సౌలభ్యంతో పదాతిదళ సామర్థ్యాలను మెరుగుపరుస్తుంది.
ఏఎస్ఎంఐ ఎస్ఎంజీలు
ఏఎస్ఎంఐ అనేది ఇండియన్ ఆర్మీ ఇన్ఫాంట్రీ స్కూల్, డీఆర్‌డీఓ ద్వారా అభివృద్ధి చేసిన స్వదేశీ 9 ఎంఎం సబ్ మెషిన్ గన్. క్లోజ్ క్వార్టర్ యుద్ధాల కోసం రూపొందించారు. ఇది ఉగ్రవాద వ్యతిరేక, ప్రత్యేక కార్యకలాపాల కోసం రూపొందించారు. 2024లో ఇండియన్ ఆర్మీ 550 ఏఎస్ఎంఐ యూనిట్లను నార్తర్న్ కమాండ్లోకి చేర్చింది.
భీష్మ్ క్యూబ్స్
భీష్మ్ క్యూబ్స్ ప్రాజెక్ట్ (భారత్ హెల్త్ ఇనిషియేటివ్ ఫర్ సహయోగ్ హితా, మైత్రి ) కింద అభివృద్ధి చేసిన వినూత్న మొబైల్ మెడికల్ యూనిట్లుగా రూపొందించారు. ముఖ్యంగా యుద్ధాలు ఎక్కువ జరిగే ప్రాంతాలు, విపత్తు ప్రభావిత ప్రాంతాల్లో అత్యవసర వైద్య సంరక్షణ అందించడానికి వీటిని రూపొందించారు. ముఖ్యంగా కాలిన గాయాలతో ఉన్న వారికి వేగంగా చికిత్సతో పాటు అవసరమైతే శస్త్రచికిత్స సౌకర్యాలు ఉండేలా వీటిని రూపొందించారు. ముఖ్యంగా ఆక్సిజన్ సదుపాయం ఉండేలా వీటిని డిజైన్ చేశారు.
అగ్నియాస్త్రం
ఇది పోర్టబుల్ మల్టీ-టార్గెట్ డిటోనేషన్ పరికరం. దీనిని ఇండియన్ ఆర్మీ కార్ప్స్ ఆఫ్ ఇంజనీర్స్ అభివృద్ధి చేశారు. ఈ మైక్రోప్రాసెసర్-ఆధారిత ఆవిష్కరణ కూల్చివేత కార్యకలాపాలకు సంబంధించిన భద్రత, సామర్థ్యాన్ని మెరుగుపరుస్తుంది. మెరుగైన పరిధి, ఎంపిక లక్ష్యాన్ని అందిస్తుంది. 2.5 కి.మీ పరిధితో ఐఈడీ విధ్వంసం, రిమోట్ బంకర్ లేదా హైడ్అవుట్ విధ్వంసం వంటి సాంప్రదాయక, తీవ్రవాద వ్యతిరేక కార్యకలాపాలలో అగ్నియాస్త్ర అమూల్యమైనదిగా ఉంటుంది.
నాగాస్త్ర-1
ఇది భారత సైన్యానికి సంబంధించిన మొట్టమొదటి స్వదేశీ లొయిటర్ అకా సూసైడ్ డ్రోన్. మనిషి-పోర్టబుల్. ఈ ఎలక్ట్రిక్ యూఏవీ బరువు 9 కిలోలు, ఇది 30 కిమీల పరిధిని కలిగి ఉంటుంది. 1 కిలోల వార్‌హెడ్ అమర్చేలా జీపీఎస్ సదుపాయం ఈ నాగస్త్ర ప్రత్యేకతగా ఉంది. ఈ ఆయుధాన్ని 75 శాతం పైగా స్వదేశీ కంటెంట్ ద్వారా రూపొందించారు.
టీ-90 ఎంకే-III ట్యాంకులు
ఆర్మర్డ్ వెహికల్స్ నిగమ్ లిమిటెడ్ ద్వారా టీ-90 ఎంకేk-III ట్యాంకులను (టీ-90 భీష్మ ట్యాంకుల అప్గ్రేడ్ వెర్షన్) విడుదల చేయడంతో 2024లో భారతదేశ రక్షణ రంగం ఒక మైలురాయిని గుర్తించింది. హెచ్‌వీఎఫ్ వద్ద నిర్మించిన ఈ ట్యాంకులు ఆటోమేటిక్ టార్గెట్ ట్రాకింగ్ సిస్టమ్, డిజిటల్ బాలిస్టిక్ కంప్యూటర్, దేశీయంగా అభివృద్ధి చేసిన కమాండర్ విజిబిలిటీ వంటి అప్‌గ్రేడ్‌లతో ఉంటుంది. ఈ యుద్ధ ట్యాంకులను 464 ట్యాంకుల పూర్తి బ్యాచ్‌ను ఐదేళ్లలో పంపిణీ చేయనున్నారు.
మరిన్ని జాతీయ వార్తల కోసం ఇక్కడ క్లిక్ చేయండి..
