Passport Rules: క్రిమినల్ కేసులు ఉన్నవారికి పాస్‌పోర్ట్ జారీ చేస్తారా? ఉద్యోగాలు దొరుకుతాయా? పూర్తి వివరాలు ఇవే!
కశ్మీర్ పోలీసులు తాజాగా ఒక సర్క్యులర్ జారీ చేశారు. ఒక వ్యక్తి ప్రభుత్వ ఉద్యోగం లేదా పాస్‌పోర్ట్ కోసం దరఖాస్తు చేసుకుంటే, అతను రాళ్లు రువ్వడం లేదా ప్రభుత్వానికి వ్యతిరేకంగా వీధి నిరసనలకు పాల్పడ్డాడా అనేది చెక్ చేసుకోవాలని ఫీల్డ్ ఇంటెలిజెన్స్ యూనిట్లకు తెలియజేశారు పోలీసులు.
Passport Rules: కశ్మీర్ పోలీసులు తాజాగా ఒక సర్క్యులర్ జారీ చేశారు. ఒక వ్యక్తి ప్రభుత్వ ఉద్యోగం లేదా పాస్‌పోర్ట్ కోసం దరఖాస్తు చేసుకుంటే, అతను రాళ్లు రువ్వడం లేదా ప్రభుత్వానికి వ్యతిరేకంగా వీధి నిరసనలకు పాల్పడ్డాడా అనేది చెక్ చేసుకోవాలని ఫీల్డ్ ఇంటెలిజెన్స్ యూనిట్లకు తెలియజేశారు పోలీసులు. ఒక దరఖాస్తుదారుడి పోలీసు రికార్డ్ లేదా నేర కార్యకలాపాల ఆధారాలు దొరికితే, అతనికి భద్రతా అనుమతి ఇవ్వకూడదు. అంటే, క్రిమినల్ కేసు ఉంటే.. పాస్‌పోర్ట్ జరీ కాదు. అదేవిధంగా ప్రభుత్వ ఉద్యోగం అందుబాటులో ఉండదు. కాశ్మీర్ పోలీసుల ఈ ఆదేశం యొక్క అర్థం ఏమిటి? మీకు క్రిమినల్ కేసు ఉంటే మీరు విదేశాలకు వెళ్లడానికి అనుమతి ఇవ్వరా? ఒక క్రిమినల్ కేసు మిమ్మల్ని ప్రభుత్వ ఉద్యోగం పొందకుండా ఆపగలదా? ఈ విషయంలో చట్టం ఏమి చెబుతుంది? నిపుణులు ఏం చెబుతున్నారో తెలుసుకుందాం.
పాస్‌పోర్టు జారీ చేయడాన్ని పాస్‌పోర్టు అథారిటీ ఏ పరిస్థితులలో తిరస్కరించవచ్చు?
భారతీయ పాస్‌పోర్ట్ చట్టం 1967 సెక్షన్ 6 (2) ప్రకారం, ఈ సందర్భాలలో పాస్‌పోర్ట్ జారీని తిరస్కరించే హక్కు పాస్‌పోర్ట్ అధికారికి ఉంది.
1. దరఖాస్తుదారు భారత పౌరుడు కాకపోతే.
2. దరఖాస్తుదారు భారతదేశం వెలుపల కార్యకలాపాలలో పాలుపంచుకున్నారు, దేశ సార్వభౌమత్వానికి , సమగ్రతకు వ్యతిరేకంగా నడుచుకున్నారు లేదా దరఖాస్తుదారు విదేశాలకు వెళ్లడం దేశ భద్రతకు ప్రమాదకరంగా ఉండవచ్చు.
3. ఆ వ్యక్తి విదేశాల్లో ఉంటే, మరే ఇతర దేశంతోనైనా భారతదేశ స్నేహపూర్వక సంబంధాలు ప్రతికూలంగా ప్రభావితమవుతాయి.
4. అతనికి ఐదేళ్లలో కనీసం రెండేళ్ల శిక్ష విధించినట్లయితే, పాస్‌పోర్ట్ అధికారి అతనికి పాస్‌పోర్ట్ నిరాకరించవచ్చు. కనీసం రెండేళ్ల జైలు శిక్షతో కూడిన నేరం ఐదేళ్లలో రుజువైతే పాస్‌పోర్ట్ జారీ కాదు. క్రిమినల్ కోర్టులో దరఖాస్తుదారుపై కేసు పెండింగ్‌లో ఉన్నప్పటికీ, పాస్‌పోర్ట్ దరఖాస్తుతిరస్కరణకు గురవుతుంది.
5. అరెస్ట్ వారెంట్ లేదా ఉత్పత్తికి సంబంధించిన సమన్లు ఎవరికైనా పెండింగ్‌లో ఉన్నప్పటికీ పాస్‌పోర్ట్ ఆఫీసర్ పాస్‌పోర్ట్ దరఖాస్తును రద్దు చేయవచ్చు. ఒక వ్యక్తికి పాస్‌పోర్ట్ జారీ చేయడం ప్రజా ప్రయోజనకరం కాదని కేంద్ర ప్రభుత్వం భావిస్తే, అతనికి పాస్‌పోర్ట్ నిరాకరించవచ్చు.
క్రిమినల్ కేసు ఆధారంగా దరఖాస్తు తిరస్కరించబడితే, ఏదైనా చట్టపరమైన మార్గాలు మిగిలి ఉన్నాయా?
1993 లో, పాస్‌పోర్ట్ చట్టంలోని సెక్షన్ 22 కి సంబంధించి కేంద్ర ప్రభుత్వం నోటిఫికేషన్ జారీ చేసింది. ఇది నిర్దిష్ట వ్యవధిలో ఏదైనా వ్యక్తి లేదా సమూహానికి పాస్‌పోర్ట్‌ల జారీని అనుమతిస్తుంది. విదేశాంగ మంత్రిత్వ శాఖ యొక్క ఈ నోటిఫికేషన్ క్రిమినల్ కేసులు పెండింగ్‌లో ఉన్న వ్యక్తులకు ఉపశమనం కలిగిస్తుంది. ఈ నోటిఫికేషన్ ప్రకారం, కోర్టు నుండి అనుమతి లభిస్తే, దరఖాస్తుదారు పాస్‌పోర్ట్ లేదా ప్రయాణ పత్రాన్ని పొందవచ్చు. దీనికి సంబంధించి, కోర్టులు నిర్ణీత కాలానికి పాస్‌పోర్ట్‌లను జారీ చేస్తాయి. ఆర్డర్‌లో ఎలాంటి వ్యవధిని పేర్కొనకపోతే, ఈ పాస్‌పోర్ట్ ఒక సంవత్సరం పాటు జారీ చేస్తారు.
నేరస్థులకు పాస్‌పోర్టుకు సంబంధించిన నోటిఫికేషన్‌పై కోర్టు స్టాండ్ ఏమిటి?
1993 నోటిఫికేషన్‌కు సంబంధించి ఢిల్లీ హైకోర్టులో పిటిషన్ దాఖలు అయింది. జనవరి 2016 లో, హైకోర్టు నోటిఫికేషన్‌ను సమర్థించింది. ఇది చట్టంలోని సెక్షన్ 6 (2) (ఎఫ్) ని కూడా సమర్థించింది.పెండింగ్‌లో ఉన్న క్రిమినల్ కేసుల విషయంలో పాస్‌పోర్ట్ తిరస్కరించే పాస్‌పోర్ట్ అధికారి హక్కును సమర్థించింది. ఈ కేసులో, పిటిషనర్ సీనియర్ అడ్వకేట్ ప్రశాంత్ భూషణ్ సుప్రీం కోర్టులో ఈ నిర్ణయానికి వ్యతిరేకంగా అప్పీల్ చేశారు. తీవ్రమైన, అతి తీవ్రమైన నేరాలు, లేదా బెయిలబుల్- నాన్-బెయిలబుల్ నేరాల మధ్య ఈ సెక్షన్ ఎలాంటి తేడాను చూపలేదని వారు వాదిస్తున్నారు. ఈ ప్రాతిపదికన ఇది అన్యాయం. అప్పీల్ ఒక సంవత్సరం కాలానికి పాస్‌పోర్ట్‌లను జారీ చేయడానికి 1993 నోటిఫికేషన్‌ను సవాలు చేసింది.
ఎవరిపైనైనా కేసు నమోదైతే, అతనికి ప్రభుత్వ ఉద్యోగం రాదా?
ప్రభుత్వ ఉద్యోగాల నియామక ప్రక్రియలో క్యారెక్టర్ సర్టిఫికెట్ తీసుకోవడం ప్రామాణిక పద్ధతి. ప్రభుత్వ ఉద్యోగం చేయబోతున్న వ్యక్తి నడవడిక ఏమిటో తెలుస్తుంది. సాధారణంగా, దరఖాస్తుదారులు స్వయంగా ఈ ధృవీకరణ పత్రాన్ని సమర్పించాలి. వారు ఫారమ్ నింపాల్సి ఉంటుంది. అందులో వారు గతంలో అరెస్టు చేయబడ్డారా? వారిని అదుపులోకి తీసుకున్నారా? వారు ఏదైనా నేరానికి పాల్పడ్డారా? అతనిపై ఏదైనా పెండింగ్ కేసు ఉందా? వంటి ప్రశ్నలు కలిగి ఉంటుంది. ఒక వ్యక్తికి క్రిమినల్ రికార్డ్ ఉంటే, ఈ ప్రాతిపదికన అప్లికేషన్ స్వయంచాలకంగా రద్దు చేయబడదు. దరఖాస్తుదారుడి అభ్యర్థిత్వాన్ని రద్దు చేయడానికి దీనిని ఉపయోగించవచ్చు. హైకోర్టులు, సుప్రీంకోర్టు ఆదేశాల ద్వారా చేసిన చట్టాలు క్రిమినల్ రికార్డ్ ఉన్న దరఖాస్తుదారుని నియమించడానికి ఎవరినీ బలవంతం చేయరాదని పేర్కొన్నాయి. దరఖాస్తుదారుపై ఆరోపణలు..పెండింగ్‌లో ఉన్న వ్యాజ్యం ఆధారంగా, యజమాని తన అభీష్టానుసారం నిర్ణయం తీసుకోవచ్చు.
ఎవరైనా క్రిమినల్ కేసు సమాచారాన్ని దాచిపెట్టి ఉద్యోగం సంపాదించుకుంటే?
ఎవరైనా ప్రభుత్వ ఉద్యోగ దరఖాస్తులో క్రిమినల్ రికార్డుకు సంబంధించిన సమాచారాన్ని దాచిపెడితే, అది తీవ్రంగా పరిగణిస్తారు. ఆ వ్యక్తిపై కేసు కూడా పెట్టవచ్చు. వారి అభ్యర్థిత్వం రద్దుచేస్తారు. అతను ఉద్యోగంలో పనిచేస్తుంటే, అతని ఉద్యోగాన్ని తొలగించవచ్చు.
మరిన్ని ఇక్కడ చూడండి: ఉత్తరాఖండ్ లో మళ్ళీ విరిగిపడుతున్న కొండచరియలు.. జాతీయ రహదారుల్లో స్తంభించిన రాకపోకలు
Nizamabad : వాచ్‌మెన్‌గా మారిన సర్పంచ్..ఉదయం సర్పంచ్ ..రాత్రి వాచ్‌మెన్ సీట్లో.. వీడియో
