బాబోయ్.. అక్కడ మరోమారు వైరస్ విజృంభణ.. హై రిస్క్లో ఐదు జిల్లాలు..!
ఆ 5 జిల్లాల్లో ప్రభుత్వం ప్రత్యేక అవగాహన ప్రచారాన్ని ప్రారంభించింది. రాష్ట్రంలో తొలిసారిగా ఈ వైరస్ వినాశనం 2018 సంవత్సరంలో కనిపించింది. తరువాత 2019, 2021, 2023, 2024, ఇప్పుడు 2025 లోనూ కేసులు వెలుగులోకి వచ్చాయి. అటువంటి పరిస్థితిలో ఈ వైరస్ ఎంత ప్రమాదకరమైనదో, దాని లక్షణాలు ఏమిటో తప్పనిసరిగా తెలుసుకోవాల్సిందే..
Updated on: Mar 07, 2025 | 8:13 AM
కేరళలో నిపా వైరస్ ముప్పు మరోసారి పొంచి ఉంది. ఈ నేపథ్యంలో రాష్ట్ర ప్రభుత్వం హై అలర్ట్ ప్రకటించింది. కోజికోడ్, మలప్పురం, కన్నూర్, వయనాడ్ మరియు ఎర్నాకుళం జిల్లాలను జూనోటిక్ ఇన్ఫెక్షన్లకు హాట్స్పాట్లుగా ఆరోగ్య శాఖ గుర్తించింది. రాష్ట్రంలోని 5 జిల్లాల్లో ప్రభుత్వం ప్రత్యేక అవగాహన ప్రచారాన్ని ప్రారంభించింది. రాష్ట్రంలో తొలిసారిగా ఈ వైరస్ వినాశనం 2018 సంవత్సరంలో కనిపించింది. తరువాత 2019, 2021, 2023, 2024, ఇప్పుడు 2025 లోనూ కేసులు వెలుగులోకి వచ్చాయి. అటువంటి పరిస్థితిలో ఈ వైరస్ ఎంత ప్రమాదకరమైనదో, దాని లక్షణాలు ఏమిటో తప్పనిసరిగా తెలుసుకోవాల్సిందే..
నిపా వైరస్ అంటే ఏమిటి?:
ఇది జూనోటిక్ వైరస్. జూనోటిక్ వైరస్లు జంతువుల నుండి మానవులకు వ్యాపించే వైరస్లు. నిపా వైరస్ ప్రధానంగా గబ్బిలాలు, పందుల ద్వారా మానవులకు వ్యాపిస్తుంది. కానీ ఒకసారి ఒక వ్యక్తి దీని బారిన పడితే, అది వ్యక్తి నుండి వ్యక్తికి సంపర్కం ద్వారా వేగంగా వ్యాపిస్తుంది. 1998లో మలేషియాలో తొలిసారిగా నిపా వైరస్ కేసు నమోదైంది. ఇది పందుల నుండి మనుషులకు వ్యాపించిందని నిర్ధారించబడింది. భారతదేశంలో 2001, 2018లో నిపా కేసులు పెద్ద సంఖ్యలో నమోదయ్యాయి.
నిపా వైరస్ లక్షణాలు:
– నిపా వైరస్ ఇన్ఫెక్షన్ మొదట్లో సాధారణ జ్వరంలా అనిపించవచ్చు. అయితే, దీనికి సరైన చికిత్స చేయకపోతే అది తీవ్రమైన రూపాన్ని తీసుకుంటుంది.
– నిపా వైరస్ ప్రారంభ లక్షణాలు అధిక జ్వరం, తలనొప్పి కావచ్చు.
– ఊపిరితిత్తులపై నిపా ప్రభావం కారణంగా రోగికి శ్వాస తీసుకోవడంలో ఇబ్బంది కలగవచ్చు.
– నిపా వైరస్ సోకిన వ్యక్తి గందరగోళం, భ్రమలు, అపస్మారక స్థితి వంటి సమస్యలను కూడా ఎదుర్కొంటాడు.
– నిపా వైరస్ తీవ్రమైన లక్షణాలలో మూర్ఛ, కోమాలోకి వెళ్లే ప్రమాదం కూడా ఉంటుంది.
నిపా వైరస్ నివారణ చిట్కాలు:
– నిపా వైరస్ నుండి మిమ్మల్ని మీరు రక్షించుకోవడానికి మీ చుట్టూ పరిశుభ్రంగా ఉంచుకోవాలి.
– నిపా వైరస్ సోకిన వ్యక్తి నుండి తగినంత దూరం పాటించడం ముఖ్యం.
– నిపా వైరస్ వ్యాప్తికి కారణమైన జంతువుల నుండి దూరం పాటించడం కూడా ముఖ్యం.
– నిపా వైరస్ సంక్రమణ లక్షణాలను మీరు గమనించినట్లయితే, ఆలస్యం చేయకుండా వెంటనే మీ వైద్యుడిని సంప్రదించండి.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
మరిన్ని లైఫ్ స్టైల్ న్యూస్ కోసం క్లిక్ చేయండి..
