Miracle Hen: ఒకే రోజులో ఏకంగా 11 గుడ్లు పెట్టి వార్తల్లో నిలిచిన బంగారు కోడి పెట్ట.. ఎక్కడంటే..

Miracle Hen: కోడి ఎక్కడైనా రోజుకి ఎన్ని గుడ్లు పెడుతుంది.. అంటే.. టక్కున ఒకటి అని చెప్పేస్తాం.. కానీ ఇప్పుడు ఒకటి అని చెప్పడానికి ఆలోచించాలి. ఎందుకంటే ఓ కోడి .. రోజులో ఒకటి కాదు. రెండు కాదు ఏకంగా 11 గుడ్లు పెట్టి అందరికీ షాక్ ఇచ్చింది. ఇది నిజమేనా అంటూ స్థానికులు ఆశ్చర్య పోయారు. ప్రస్తుతం ఈ కోడి వార్తల్లో నిలిచింది. ఈ వింత సంఘటన కేరళలో చోటు చేసుకుంది.

కేరళలో కోజికోడ్ జిల్లా బాలుస్సెరీ సమీపంలో ఉన్న కొలతూరులో ఈ విచిత్ర ఘటన జరిగింది. కొలతూరుకి చెందిన మనోజ్ కొని రోజుల క్రితం నుంచి కోడిని పెంచుకుంటున్నాడు. అయితే ఈ కోడి.. మంగళవారం వరకూ రోజుకు ఒక గుడ్డు పెట్టింది. బుధవారం రెండు గుడ్లు పెట్టిందట. అయితే గురువారం (25వ తేదీన) ఆ కోడి ఉదయం 7 గంటలకు గుడ్లు పెట్టడం మొదలు పెట్టింది. అలా మధ్యాహ్నం ఒంటి గంట వరకూ కొంచెం గ్యాప్ ఇచ్చి ఒకొక్క గుడ్డు పెడుతూ వచ్చిందని మనోజ్ చెప్పారు. అలా ఈ నాలుగు గంటల సమయంలో మొత్తం 11 గుడ్లు పెట్టింది. ఆ గుడ్లలో 10 మాములు గుడ్ల సైజులో ఉండగా.. అందులో ఒక గుడ్డు మాత్రం కాస్త పెద్ద సైజులో ఉంది. ఈ కోడి గురించి తెలిసిన స్థానికులు ప్రజలు దాన్ని చూసేందుకు వస్తున్నారు.

అయితే ఈ బంగారు కోడి పెట్టను తాను 4 నెలల క్రితం బంధువుల ఇంటి నుంచి ఆ కోడిపెట్టను తీసుకొచ్చినట్లు మనోజ్ తెలిపారు. హార్మోన్ల ప్రభావం వల్లే సాధారణం కంటే ఎక్కువ గుడ్లను పెట్టి ఉంటుందని పౌల్ట్రీ నిపుణులు అభిప్రాయపడుతున్నారు.

Also Read:    జూలై నెలలో తెలుగు రాష్ట్రాల్లోని బ్యాంకులకు ఎన్ని సెలవులు వచ్చాయంటే..