21 ఏళ్ల కుర్రాడి మృతదేహాన్ని పిక్కుతిన్న కుక్క..! అది కూడా ఆస్పత్రిలో..

మధ్యప్రదేశ్‌లోని నర్మదాపురంలో ఉన్న ప్రభుత్వ ఆసుపత్రిలో దారుణ ఘటన వెలుగులోకి వచ్చింది. పోస్ట్ మార్టం కోసం ఉంచిన మృతదేహాన్ని కుక్క తినేసింది. ఈ విషయం వెలుగులోకి వచ్చిన తర్వాత అక్కడ కలకలం చెలరేగింది. సివిల్ సర్జన్ విజయ్‌వర్గియా వెంటనే ఈ విషయంపై దర్యాప్తునకు ఆదేశించారు. ఈ సంఘటన శుక్రవారం రాత్రి జరిగింది. ఈ విషయంలో మృతుడి కుటుంబ సభ్యులు ఆస్పత్రి డీఎంకు, ముఖ్యమంత్రికి కూడా ఫిర్యాదు చేశారు. సమాచారం ప్రకారం.. శుక్రవారం సాయంత్రం జిల్లాలోని పాలన్‌పూర్‌లో రోడ్డు ప్రమాదం జరిగింది. ఈ ప్రమాదంలో నిఖిల్ చౌరాసియా (21) అనే యువకుడు తీవ్రంగా గాయపడ్డాడు.

అతన్ని ఆసుపత్రికి తరలించారు, అక్కడ వైద్యులు అతను చనిపోయినట్లు ప్రకటించారు. దీని తరువాత, పోలీసులు సంఘటన స్థలానికి చేరుకుని, మృతదేహాన్ని తమ కస్టడీలోకి తీసుకుని పోస్ట్‌మార్టం కోసం పంపారు. ఈ సంఘటన జరిగిన సమయంలోనే మృతదేహానికి పోస్ట్‌మార్టం నిర్వహించబోతున్నట్లు ఆసుపత్రి సివిల్ సర్జన్ సుధీర్ విజయవర్గియా తెలిపారు. మృతుడి బంధువు అంకిత్ గోహిల్ ఆస్పత్రిలోని పోస్ట్ మార్టం గది వద్ద కూర్చోని డాక్టర్ల కోసం ఎదురుచూస్తున్నాడు. వాళ్లు రావడం ఆలస్యం అవుతుండటంతో కాస్త నీళ్లు తాగుదామని అక్కడి నుంచి వచ్చాడు. తిరిగి వచ్చే చూసే సరికి.. మృతదేహాన్ని ఒక కుక్క పిక్కు తినడం గమనించాడు. గట్టిగా అరుస్తూ కుక్కను తరిమికొట్టాడు.

ఇంతలో కుక్క మృతదేహం నుండి ఒక మాంసపు ముక్కను లాక్కొని కుక్క పారిపోయింది. సంఘటన జరిగిన సమయంలో అక్కడ గార్డు లేడని అంకిత్‌ వాపోయాడు. ఈ సంఘటనకు సంబంధించి ఆసుపత్రి యాజమాన్యం నిర్లక్ష్యంగా వ్యవహరించిందని కుటుంబ సభ్యులు ఆరోపించారు. ఈ విషయంలో మొదట ఆసుపత్రి యాజమాన్యానికి, తరువాత పోలీసులకు ఫిర్యాదు చేసినట్లు ఆయన తెలిపారు. ఫిర్యాదు అందిన వెంటనే, ఆసుపత్రి యాజమాన్యంలో కలకలం చెలరేగింది. ఈ విషయంలో పోస్ట్ మార్టం ఇంట్లో ఉన్న సెక్యూరిటీ గార్డుకు షో కాజ్ నోటీసు జారీ చేసినట్లు సివిల్ సర్జన్ తెలిపారు.

మరిన్ని జాతీయ వార్తల కోసం ఇక్కడ క్లిక్ చేయండి