Dawood Ibrahim: దావూద్​ ఇబ్రహీం అడ్రస్ ఇదే.. కీలక వివరాలు వెల్లడించిన మేనల్లుడు..

అండర్​వరల్డ్​ డాన్​ దావూద్​ ఇబ్రహీం(Dawood Ibrahim) అడ్రస్ దొరికింది. వాటిని నిజం చేస్తూ ఎన్​ఫోర్స్​మెంట్​ డైరెక్టరేట్​(Enforcement Directorate) కీలక సమాచారం రాబట్టింది. దావూద్ ఇబ్రహీం కేసుకు సంబంధించి ఎన్‌ఫోర్స్‌మెంట్ డైరెక్టరేట్ (ED), ఎన్‌ఐఏ(NIA) దర్యాప్తులో కీలక సంగతులు బయటపడ్డాయి. దావూద్​ కరాచీలోనే ఉన్నట్లు ఈడీకి అతడి సోదరి హసీనా పార్కర్​ కుమారుడు అలిశా పార్కర్​ తెలిపినట్లు సమాచారం. ఓ మనీలాండరింగ్ కేసులో విచారణ సందర్భంగా కీలక సమాచారాన్ని అలిశా పార్కర్​ ఈడీకి అందించినట్లు వెల్లడించింది. పండుగలు, పెళ్లిళ్ల సందర్భంగా కూడా భారత్‌లోని కుటుంబ సభ్యులతో మాట్లాడుతూనే ఉంటాని వెల్లడైంది. అతనికి ముంబైలో చాలా మంది బంధువులు ఉన్నారు. దావూద్ ఇబ్రహీం భార్య కూడా తన కుటుంబ సభ్యులతో మాట్లాడుతూనే ఉంటుంది. చాలా సార్లు వారి సంభాషణలు కూడా నిఘా సంస్థలు రికార్డు చేశాయి. దావూద్ బంధువులు, అతని సన్నిహితుల విచారణలో దావూద్ కరాచీలో ఉన్నాడని తేలింది. దావూద్ ఇబ్రహీం పాకిస్థాన్‌లో ఉన్నాడన్న విషయాన్ని పాకిస్థాన్ ప్రభుత్వం నిరాధారంగా కొట్టిపారేసింది.

ED ముందు దావూద్ మేనల్లుడు యొక్క ముఖ్యమైన వెల్లడి

ఈ క్రమంలోనే అదుపులోకి తీసుకుని విచారించగా.. దావూద్​ కరాచీలోనే ఉన్నట్లు అలిశా పార్కర్​ తెలిపాడు. అలిశా పార్కర్​ వాంగ్మూలం నమోదు చేసినట్లు అధికారవర్గాలు వెల్లడించాయి. ” నేను పుట్టక ముందే దావూద్​ ముంబై వదిలి వెళ్లాడు. దావూద్​ మా మామ. 1986 వరకు దంబర్వాలా భవన్​లో ఉన్నాడు. దావూద్​ ఇబ్రహీం పాకిస్తాన్‌లో ఉన్నట్లు చాలా మంది మా బంధువుల ద్వారా తెలిసింది. వాళ్లు భారత్​ను విడిచివెళ్లినప్పుడు నేను ఇంకా పుట్టనేలేదు. వారితో నేను, నా కుటుంబం కాంటాక్ట్​లో లేము. కానీ, కొన్నిసార్లు ఈద్​, ఇతర పండుగలకు మా మామ దావూద్ భార్య మెహ్జబీన్​.. నా భార్య ఆయేషా, నా సోదరినులతో మాట్లాడినట్లు తెలుసు.” అని అలిశా పార్కర్ అధికారుల ముందు ఒప్పుకున్నాడు.

ఇవి కూడా చదవండి

Kitchen Tips: ఫ్రిజ్‌లో ఆహారాన్ని నిల్వ చేసేటప్పుడు ఈ తప్పులను అస్సులు చేయకండి.. అవేంటో తెలుసా..

Black cold coffee Benefits: బ్లాక్ కాఫీతో నిజంగా బరువు తగ్గవచ్చా.. అసలు నిజం తెలుసుకోండి..

Mango Store Tips: మామిడి పండ్లను ఎక్కువ రోజులు నిల్వ ఉంచాలనుకుంటే ఇలా చేయండి..

కరాచీలో దావూద్ ఇబ్రహీం 

వందలాది మంది భారతీయులను హతమార్చి దేశంలో విధ్వంసం సృష్టించిన ఉగ్రవాదులకు పొరుగు దేశం ఆశ్రయం కల్పిస్తోందని భారత్‌కు చెందిన మోస్ట్ వాంటెడ్ గ్యాంగ్‌స్టర్ దావూద్ ఇబ్రహీం మేనల్లుడు అలీషా పార్కర్ ఎన్‌ఫోర్స్‌మెంట్ డైరెక్టరేట్ ముందు భారత్ కేసును బలపరుస్తూ వెల్లడించాడు. పండుగ సందర్భాలలో దావూద్ భార్యను అతని కుటుంబం కూడా అభినందిస్తుందని అలీషా పార్కర్ తెలిపారు.