Children’s Day 2022: జవహర్ లాల్ నెహ్రూ గురించి ఆసక్తికరమైన విషయాలు
భారతదేశ మొదటి ప్రధానమంత్రి జవహర్‌లాల్ నెహ్రూ 1889 నవంబర్ 14న జన్మించారు. అతను గులాబీలను చాలా ఇష్టపడేవాడు, అలాగే పిల్లలను చాలా..
Updated on: Nov 14, 2022 | 10:50 AM
భారతదేశ మొదటి ప్రధానమంత్రి జవహర్‌లాల్ నెహ్రూ 1889 నవంబర్ 14న జన్మించారు. అతను గులాబీలను చాలా ఇష్టపడేవాడు, అలాగే పిల్లలను చాలా ప్రేమించేవారు. పిల్లలే ఈ దేశ భవిష్యత్తు అని జవహర్‌లాల్ నెహ్రూ నమ్మారు. పిల్లలు బాగా చదువుకుంటే అద్భుతాలు సృష్టించగలరు. పిల్లలను మనం పెంచే విధానం దేశ భవిష్యత్తును నిర్ణయిస్తుందని చెప్పేవారు.
అయితే 1964లో జవహర్‌లాల్ నెహ్రూ మరణానంతరం ఆయనను గౌరవించాలని పార్లమెంటులో తీర్మానం చేశారు. ఆయన పుట్టినరోజును బాలల దినోత్సవం అధికారిక తేదీగా పార్లమెంటులో ప్రకటించారు. ఇంతకు ముందు భారతదేశం నవంబర్ 20న బాలల దినోత్సవాన్ని జరుపుకునేది. ఎందుకంటే ఐక్యరాజ్యసమితి ఈ రోజును 1954లో సార్వత్రిక బాలల దినోత్సవంగా ప్రకటించింది. దీని తర్వాత భారతదేశంలో పండిట్ జవహర్‌లాల్ నెహ్రూ జన్మదినాన్ని పురస్కరించుకుని బాలల దినోత్సవాన్ని జరుపుకుంటారు. నెహ్రూను పిల్లలంతా ముద్దుగా చాచా నెహ్రూ అని పిలిచేవారు. అందుకే ఈ రోజు భారతదేశ మొదటి ప్రధానమంత్రి జయంతిని గుర్తుచేసుకునే ఒక చిరస్మరణీయమైన రోజు.
జవహర్ లాల్ నెహ్రూ గురించి ఆసక్తికరమైన విషయాలు:
☛ జవహర్‌లాల్ నెహ్రూ కాశ్మీరీ పండిట్ వర్గానికి చెందినవారు. అందుకే ఆయనను పండిట్ నెహ్రూ అని పిలిచేవారు.
☛ మోతీలాల్ నెహ్రూ తన కుమారుడు జవహర్‌లాల్‌ను తన స్వంత స్వరాజ్ పార్టీలో చేరాలని, కాంగ్రెస్‌ను వీడాలని కోరుకున్నారు. కానీ జవహర్‌లాల్ తన తండ్రి కోరికకు వ్యతిరేకంగా కాంగ్రెస్‌కు విధేయుడిగా ఉంటూ గాంధీజీతో కలిసి ఉండాలని నిర్ణయించుకున్నాడు.
☛ 1942 నుండి 1946 వరకు అహ్మద్‌నగర్‌లో క్విట్ ఇండియా ఉద్యమంలో పాల్గొన్న సమయంలో డిస్కవరీ ఆఫ్ ఇండియా అనే పుస్తకాన్ని ఆయన రచించారు.
☛ జవహర్‌లాల్ నెహ్రూ 1927లో సంపూర్ణ జాతీయ స్వాతంత్ర్యం గురించి ఆలోచనను అందించారు. అతను 15 ఆగస్టు 1947న ప్రధాన మంత్రిగా బాధ్యతలు స్వీకరించాడు. “ట్రస్ట్ విత్ డెస్టినీ” అనే తన ప్రసిద్ధ ప్రసంగాన్ని అందించాడు.
☛ నెహ్రూ ఆధునిక భారతదేశ రూపశిల్పిగా ప్రసిద్ధి చెందారు.
☛ ఢిల్లీలోని జవహర్‌లాల్ నెహ్రూ నివాసం టిన్ మూర్తి భవన్‌ను నెహ్రూ మెమోరియల్ మ్యూజియం, లైబ్రరీగా మార్చారు.
☛ ముంబై, ఢిల్లీ, బెంగళూరు, అలహాబాద్, పూణేలలో ఐదు నెహ్రూ ప్లానిటోరియంలను స్థాపించారు.
మరిన్ని ఆసక్తికర వార్తల కోసం ఇక్కడ క్లిక్ చేయండి
