Fake Medicine: నకిలీ మందులని అరికట్టడానికి కేంద్రం కొత్త ఆలోచన.. ట్యాబ్లెట్ స్ట్రిప్స్ పై క్యూఆర్ కోడ్..
తినే తిండి నుంచి కట్టుకునే బట్ట వరకు అన్నీ కల్తీ అయ్యాయి. అనారోగ్యానికి గురైనప్పుడు వేసుకునే మందులు సైతం నకిలీ మయం కావడం ఆందోళన కలిగించే విషయం. ఈ క్రమంలో నకిలీ మందుల భరతం పట్టేందుకు..
Updated on: Oct 04, 2022 | 7:19 AM
తినే తిండి నుంచి కట్టుకునే బట్ట వరకు అన్నీ కల్తీ అయ్యాయి. అనారోగ్యానికి గురైనప్పుడు వేసుకునే మందులు సైతం నకిలీ మయం కావడం ఆందోళన కలిగించే విషయం. ఈ క్రమంలో నకిలీ మందుల భరతం పట్టేందుకు కేంద్రం కీలక నిర్ణయం తీసుకుంది. మందులపై ఇకపై క్యూఆర్ కోడ్ ముద్రించనుంది. నకిలీ మందులను అరికట్టేందుకు కేంద్రప్రభుత్వం కొత్త విధానాన్ని అమల్లోకి తీసుకు రానుంది. బహిరంగ మార్కెట్లో విక్రయిస్తున్న మందులపై ఇకపై క్యూఆర్ కోడ్ ముద్రించాలని నిర్ణయించింది. మందులపై ఉన్న క్యూఆర్ కోడ్ను స్కాన్‌ చేయడం ద్వారా వినియోగదారులు అవి అసలైనవా, నకిలీవా గుర్తించేందుకు వీలు అవుతుందని కేంద్రం తెలిపింది. ఔషధాలు ప్యాక్‌చేసే బాటిల్స్‌, జార్‌, ట్యూబ్‌, స్ట్రిప్‌లపై ఈ క్యూఆర్ కోడ్ను ముద్రించాల్సి ఉంటుంది. ఈ క్యూఆర్ కోడ్‌లను తొలుత 300 ఔషధాలపై ముద్రించేలా ప్రభుత్వం ఆదేశాలు జారీ చేసే అవకాశం ఉంది.100 కంటే ఎక్కువ విలువైన ఔషధాలపై క్యూఆర్ కోడ్ ముద్రించి..ఆపై మిగిలిన మందులకూ విస్తరించాలని కేంద్రం యోచిస్తోంది.
ప్రస్తుతం ప్రజలు ఎక్కువగా ఉపయోగించే బీపీ, యాంటీబయోటిక్స్‌, పెయిన్‌ కిల్లర్స్, విటమిన్‌ ఔషధాలను తయారుచేసే కంపెనీలకు క్యూఆర్ కోడ్ ముద్రణను తప్పనిసరి చేయనుంది. క్యూఆర్ కోడ్‌తో పాటు వినియోగదారుల కోసం ఓ పోర్టల్‌ను కూడా కేంద్ర ఆరోగ్యమంత్రిత్వ శాఖ ప్రారంభించే అవకాశం ఉంది. ఈ పోర్టల్‌లో మందులపై ఉన్న ప్రత్యేకమైన కోడ్ను ఎంటర్‌ చేయడం ద్వారా కూడా నకిలీలను గుర్తించవచ్చని తెలుస్తోంది.
నేటి పోటి ప్రపంచంలో ఏ కంపెనీ తయారు చేసే వస్తువులకైనా సరే వెంటనే నకిలీ తయారు చేస్తుంటారు. బ్రాండెడ్ సరకులను కొనుగోలోనూ నకిలీలు వస్తున్నాయి. ముఖ్యంగా మెడిసిన్ తయారీలో ఎక్కువగా ఈ సమస్య ఉంటుంది. అయితే ఈ సమస్యను అధిగమించేందుకు ఆయా కంపెనీలు తమ ఒరిజినల్ క్యూఆర్ కోడ్ను మందులపై ముద్రించనుంది కేంద్రం ప్రభుత్వం. దీంతో ఇక నకిలీ మందులు కనిపెట్టడం సులభం కానుంది.
మరిన్ని జాతీయ వార్తల కోసం
