టర్కీపై దాడి చేయాలంటే సెకన్ల పని! అబ్దుల్‌ కలాం ద్వీపం నుంచి టర్కీకి దూసుకెళ్లే క్షిపణి మనదగ్గరుంది..!

భారత్‌, పాక్‌ మధ్య ఉద్రిక్తతలు చోటు చేసుకున్న సమయంలో టర్కీ(తుర్కియో) పాకిస్థాన్‌కు బహిరంగంగా మద్దతు తెలిపింది. దీంతో ఇండియన్స్‌ ఆ దేశంపై ఆగ్రహంగా ఉన్నారు. పాకిస్థాన్‌తో పాటు పనిలో పనిగా టర్కీ పని కూడా పట్టేయాలంటూ కొంతమంది సోషల్‌ మీడియాలో తమ ఆగ్రహం వ్యక్తం చేస్తున్నారు. అయితే చాలా మందికి తెలియని విషయం ఏమిటంటే.. ఇక్కడ నుంచి నేరుగా టర్కీ దేశంలో ఏ ప్రదేశంపైనైనా దాడి చేయగల సత్తా ఇండియాకు ఉంది. ఒక్క బటన్‌ నొక్కితే చాలా అగ్ని-5 అనే క్షిపణి టర్కీ దేశంపైకి దూసుకెళ్లి విధ్వంసం సృష్టించగలదు.

ఇండియా అగ్ని-5 క్షిపణి ఏపీజే అబ్దుల్ కలాం ద్వీపం నుండి టర్కీ వరకు దాడి చేయగల సామర్థ్యం కలిగిన క్షిపణి. భారతదేశం నుండి టర్కీకి దూరం దాదాపు 4500-5000 కిలోమీటర్లు. అగ్ని-5 క్షిపణి పరిధి కూడా అంతే. అగ్ని-5 భారతదేశంలో అత్యంత అధునాతన ఖండాంతర బాలిస్టిక్ క్షిపణి, దీనిని DRDO అభివృద్ధి చేసింది. ఇది ఉపరితలం నుండి ఉపరితలానికి ప్రయోగించే క్షిపణి.

అగ్ని-5 క్షిపణి 1.5 టన్నుల వరకు అణు వార్‌హెడ్‌ను మోసుకెళ్లగలదు. ఖచ్చితత్వంతో లక్ష్యాన్ని ఛేదించగలదు. అగ్ని-5 శ్రేణి మొత్తం ఆసియా, యూరప్‌లోని కొన్ని ప్రాంతాలు, ఆఫ్రికాలోని ఉత్తర ప్రాంతాలను కవర్ చేస్తుంది. భారతదేశ క్షిపణి సాంకేతికతలో అగ్ని-5 ఒక మైలురాయి. అగ్ని-5 క్షిపణి టర్కీలోని ఏ ప్రాంతాన్ని అయినా లక్ష్యంగా చేసుకోగలదు. భారత్‌, టర్కీ మధ్య సైనిక వివాదం లేనప్పటికీ, ఉద్రిక్తతలో పాకిస్తాన్‌కు మద్దతు ఇవ్వడం ద్వారా అది పెద్ద తప్పు చేసింది.

మరిన్ని జాతీయ వార్తల కోసం ఇక్కడ క్లిక్ చేయండి..