Train Travel with Pets: రైల్వే ప్రయాణికులకు శుభవార్త.. ఇకపై మీ వెంటే మీ పెంపుడు జంతువులు.. పూర్తి వివరాల కోసం..
జంతువులతో ప్రయాణించడానికి రైలు ఉత్తమ మార్గం. అంటే రైల్వేలు అందించిన సదుపాయంతో మీరు చాలా తక్కువ ఖర్చుతో మీకిష్టమైన జంతువులతో మీ సెలవులను ఆస్వాదించవచ్చు.
Updated on: Sep 23, 2022 | 9:25 PM
Train Travel with Pets: మనలో చాలా మందికి ప్రయాణం అంటే ఇష్టం. రైలులో ప్రయాణించడానికి ఇష్టపడేవారు చాలా మంది ఉన్నారు.. చాలా మంది రైలులో దూర ప్రయాణాన్ని ప్లాన్ చేస్తారు. విమాన టిక్కెట్ల ధరలు పెరగడం, తక్కువ ధరలకు రైల్వేలు కల్పిస్తున్న సౌకర్యాలే ఇందుకు కారణం. ఈ క్రమంలోనే భారతీయ రైల్వే నేడు సంస్కరణల బాటలో పయనిస్తోంది. రైల్వేలు అమలు చేస్తున్న మార్పులపై రోజుకో వార్త వస్తూనే ఉంది. ప్రయాణికుల సౌకర్యార్థం రైల్వేశాఖ అనేక సంస్కరణలు అమలు చేస్తోంది. ఇటీవల బెర్త్ నిబంధనలు, టిక్కెట్ రిజర్వేషన్‌లకు సంబంధించి మార్పులు వచ్చాయి. ఆ తర్వాత రైల్వేశాఖ ప్రయాణికులకు సంతోషకరమైన వార్తను విడుదల చేసింది.
ట్రిప్ ప్లాన్ చేసేటప్పుడు లేదా ట్రిప్ కోసం ప్యాకింగ్ చేసేటప్పుడు మనల్ని ఆందోళనకు గురిచేసే కొన్ని విషయాలు ఉన్నాయి. వాటిలో ఒకటి మన పెంపుడు కుక్కలు, పిల్లులను వదిలి వెళ్లడం. అయితే మీ ప్రయాణం రైలులో అయితే ఇకపై దీని గురించి చింతించకండి.. భారతీయ రైల్వే మీ సమస్యలకు పరిష్కారాన్ని కనుగొంది. అంటే, మీరు ఇప్పుడు రైలు ప్రయాణంలో మీ గారాల పెంపుడు జంతువులను మీతో తీసుకెళ్లవచ్చు…!! ఇప్పుడు మీరు మీ పెంపుడు జంతువులతో రైలు ప్రయాణాన్ని మరింత ఆనందించవచ్చు…
మీ పెంపుడు జంతువులతో ఎక్కువ దూరం ప్రయాణించడానికి రైలులో ప్రయాణించడం ఉత్తమమైన,సురక్షితమైన రవాణా విధానం. ఆర్థిక కోణం నుండి ఇది సురక్షితమైనది, సులభమైనది, తక్కువ ఖర్చుతో కూడుకున్నది. జంతువులతో ప్రయాణించడానికి రైలు ఉత్తమ మార్గం. అంటే రైల్వేలు అందించిన సదుపాయంతో మీరు చాలా తక్కువ ఖర్చుతో మీకిష్టమైన జంతువులతో మీ సెలవులను ఆస్వాదించవచ్చు.
అయితే, రైలు ప్రయాణాల్లో పెంపుడు జంతువులను తీసుకెళ్లేటప్పుడు గుర్తుంచుకోవలసిన కొన్ని విషయాలు ఉన్నాయి. ఎక్కువ దూరం ప్రయాణించేటప్పుడు పెంపుడు జంతువులతో కూడా కొన్ని జాగ్రత్తలు తీసుకోవాలని పేర్కొంది. అలాగే, పెంపుడు జంతువులు ఫస్ట్ క్లాస్ ఏసీలో మాత్రమే అనుమతించబడతాయని గుర్తుంచుకోండి.
పెంపుడు జంతువులతో రైలులో ప్రయాణించేటప్పుడు గుర్తుంచుకోవలసిన ముఖ్యమైన విషయాలు ఇవి.
1. IRCTC వెబ్‌సైట్ వెబ్‌సైట్‌లో కూపే లేదా క్యాబిన్ టిక్కెట్‌ను బుక్ చేయండి. పెంపుడు జంతువులను ఫస్ట్ క్లాస్ ఏసీలో మాత్రమే అనుమతిస్తారు
2. మీ బోర్డింగ్ స్టేషన్ యొక్క చీఫ్ రిజర్వేషన్ అధికారికి దరఖాస్తును సమర్పించండి
3. బయలుదేరే నాలుగు గంటల ముందు సీట్లు/కంపార్ట్‌మెంట్లు కేటాయించబడతాయి. అందువల్ల, పెంపుడు జంతువు యొక్క బరువు కనీసం మూడు గంటల ముందు ఇవ్వాలి.
4. టీకా రికార్డును తనిఖీ చేయడానికి మీ పెంపుడు జంతువును పార్శిల్ కార్యాలయానికి తీసుకురండి. మీ ఆధార్ కాపీ, రైలు టిక్కెట్ కాపీని తీసుకెళ్లండి.
5. పెంపుడు జంతువులను సామానుగా పరిగణిస్తారు. ప్రయాణ దూరం, పెంపుడు జంతువుల బరువు ఆధారంగా ఛార్జీలు ఉంటాయి. కిలో రూ.60 ఉంది.
6. ప్రయాణానికి 24-48 గంటల ముందు మీ పెంపుడు జంతువుకు వ్యాక్సినేషన్, ఫిట్‌నెస్ రికార్డ్ అప్‌డేట్‌లను సిద్ధం చేయండి.
7. ఆహారం, మందులు, గిన్నెలు, డిస్పోజబుల్ బ్యాగ్‌లు, దుప్పట్లు మొదలైన మీ పెంపుడు జంతువులకు అవసరమైన వాటిని నిల్వ చేయండి.
8. దూర ప్రయాణాలకు ముందు ఒక చిన్న రైలు ప్రయాణం ద్వారా మీ పెంపుడు జంతువులకు శిక్షణ ఇవ్వండి.
9. ప్రయాణంలో మీ పెంపుడు జంతువులకు అవసరమైన బొమ్మలను తీసుకెళ్లండి.
10. మీ పెంపుడు జంతువు అవసరాల కోసం రైలు ఏ స్టేషన్‌లో ఎక్కువసేపు ఆగుతుందో ముందుగానే తెలుసుకోండి.
మరిన్ని జాతీయ వార్తల కోసం ఇక్కడ క్లిక్ చేయండి
