Beauty Tips: జుట్టుకు మెంతినీళ్లు ఉపయోగించడం వల్ల కలిగే ప్రయోజనాలు తెలిస్తే ఆశ్చర్యపోతారు.
నేటికాలంలో చెడు జీవనశైలి, చెడు ఆహారపు అలవాట్లు, కాలుష్యం, దుమ్ము ఇవన్నీ కూడా ఆరోగ్యం, చర్మంపైన్నే కాదు జుట్టును కూడా ప్రభావితం చేస్తుంది.
నేటికాలంలో చెడు జీవనశైలి, చెడు ఆహారపు అలవాట్లు, కాలుష్యం, దుమ్ము ఇవన్నీ కూడా ఆరోగ్యం, చర్మంపైన్నే కాదు జుట్టును కూడా ప్రభావితం చేస్తుంది. దీంతో జుట్టు సమస్య పెరుగుతోంది. ప్రతి ఒక్కరూ జుట్టు రాలడం మరియు విరిగిపోయే సమస్యను ఎదుర్కొంటారు. చాలా మంది చిన్న వయస్సులో జుట్టు నెరవడం, ఊడిపోవడం వంటి సమస్యలతో బాధపడుతున్నారు. అయితే కొన్ని ఇంటి చిట్కాలు పాటించడం వల్ల జుట్టును ఊడిపోకుండా కాపాడుకోవచ్చు. ఆ చిట్కాలేంటో చూద్దామా?
వేసవిలో జుట్టు సమస్య:
వేసవిలో ఈ సమస్య మరింత తీవ్రమవుతుంది. చెమట పట్టడం వల్ల జిగట, చుండ్రు, దురద వంటి సమస్యలు కూడా పెరుగుతాయి. ఈ జుట్టు సమస్యల నుండి బయటపడటానికి, చాలా మంది అనేక రకాల షాంపూలు, సౌందర్య సాధనాలను ఉపయోగిస్తారు. రసాయనాల వాడకంతో జుట్టు ఆరోగ్యం మరింత క్షీణిస్తుంది.
మీరు కూడా హెయిర్ ఫాల్ సమస్యతో బాధపడుతుంటే మెంతి నీరు మీకు చక్కటి ఇంటి నివారణ:
మెంతి నీటిని జుట్టుకు అప్లై చేయడం వల్ల కలిగే ప్రయోజనాలు:
మెంతి గింజల్లో విటమిన్ ఎ, కె, సి, కాల్షియం, ఫోలిక్ యాసిడ్, ఐరన్ వంటి అనేక పోషకాలు ఉంటాయి. ఇది జుట్టు డ్యామేజ్ కాకుండా నివారించడమే కాదు జుట్టు ఒత్తుగా పెరిగేలా చేస్తుంది. మెంతి గింజలలోని ఐరన్ కంటెంట్ రక్త ప్రసరణను మెరుగుపరుస్తుంది. జుట్టును లోపల నుండి బలపరుస్తుంది. అంతేకాదు చుండ్రును నివారిస్తుంది.
స్కాల్ప్ ఇన్ఫ్లమేషన్ నియంత్రిస్తుంది:
మెంతులు యాంటీ ఇన్ఫ్లమేటరీ గుణాలను కలిగి ఉంటాయి. ఇది మీ జుట్టు మూలాలలో వాపు, నొప్పిని తగ్గిస్తుంది. అలాగే ఇందులో సహజసిద్ధమైన యాంటీ ఆక్సిడెంట్లు ఉంటాయి. మెంతులు జుట్టు మూలాలను బలోపేతం చేయడానికి, బలమైన జుట్టు పెరుగుదలను ప్రోత్సహిస్తాయి.
మెంతి నీరు ఎలా తయారు చేయాలి?
-మెంతులు 50 గ్రాములు
-ఒక గ్లాసు నీరు
-హెయిర్ ఆయిల్ 5 నుండి 6 చుక్కలు
తయారీ విధానం:
-ముందుగా ఒక పెద్ద గిన్నెలో ఒక గ్లాసు నీటిని తీసుకోండి.
-ఈ నీటిలో మెంతి గింజలను వేసి రాత్రంతా నానబెట్టండి.
-ఉదయాన్నే మెంతి గింజలను నీటితో వడపోసి వాటిని ప్రత్యేక గిన్నెలో తీసుకోవాలి.
-ఇప్పుడు ఈ నీటిలో కొన్ని చుక్కల హెయిర్ ఆయిల్ కలపండి.
-ఈ నీటిని స్ప్రే బాటిల్లో పోయండి.
జుట్టు మీద మెంతి నీళ్ళు ఎలా అప్లై చేయాలి?
మెంతి నీటిని అప్లై చేసే ముందు షాంపూతో మీ జుట్టును బాగా కడగాలి. షాంపూతో తలస్నానం చేయడం వల్ల శిరోజాలు శుభ్రపడతాయి. మెంతి నీరు కుదుళ్లకు సరిగ్గా చేరుతుంది.జుట్టును వివిధ విభాగాలుగా విభజించండి. దీని తర్వాత మెంతి నీళ్లు చల్లాలి. ఇవిధంగా స్ప్రే చేసిన జుట్టును కనీసం 1 గంట పాటు అలాగే ఉంచి..తర్వాత సాధారణ నీటితో జుట్టును శుభ్రం చేయాలి.
మరిన్ని లైఫ్ స్టైల్ వార్తల కోసం