పట్టులాంటి మెరిసే జుట్టు కావాలా..? స్నానానికి గంట ముందు దీన్ని అప్లై చేశారంటే..
శీతాకాలంలో చాలా మంది వివిధ రకాల జుట్టు సంబంధిత సమస్యలతో బాధపడుతున్నారు. ఎన్ని జాగ్రత్తలు తీసుకున్నా, ఈ సీజన్లో జుట్టు రాలడం చాలా ఎక్కువగా ఉంటుంది. అందుకే.. చాలా మంది ఖరీదైన షాంపూలు, కండిషనర్లను ఉపయోగించడం ప్రారంభిస్తారు. కానీ, వాటిని ఉపయోగించిన తర్వాత కూడా, జుట్టు అందంగా మారుతుందని ఎటువంటి హామీ లేదు. కానీ.. స్నానం చేసే ముందు మీ జుట్టుకు హెయిర్ ప్యాక్ వేయడం ద్వారా మీరు ఈ సమస్య నుండి బయటపడవచ్చు..
Updated on: Jan 14, 2026 | 3:18 PM
ఈ శీతాకాలంలో జుట్టును మృదువుగా ఉంచుకోవడానికి చాలా మంది కొబ్బరి నూనెను రాసుకుంటారు. ఇలా చేయడం వల్ల జుట్టు కొంచెం అందంగా కనిపిస్తుంది. ఇది మంచిది. కానీ.. దీనికి బదులుగా మీరు పెరుగు, తేనె, ఆలివ్ నూనె మిశ్రమాన్ని అప్లై చేయవచ్చు. దీని కోసం.. మీరు ముందుగా ఒక గిన్నెలో రెండు టేబుల్ స్పూన్ల తాజా పెరుగు తీసుకోవాలి. దానికి కొంచెం తేనె, ఆలివ్ నూనె వేసి కలపాలి. దానికి కొన్ని చుక్కల ఆలివ్ నూనె కూడా కలపాలి. ఈ మిశ్రమాన్ని బాగా కలిపి మీ జుట్టుకు బాగా అప్లై చేయండి. రెండు గంటలు అలాగే ఉంచండి.. ఆపై మీ జుట్టును వాష్ చేసుకోవాలి. ఇలా చేయడం ద్వారా మీ జుట్టు చాలా మృదువుగా మారుతుంది.
ప్రయోజనాలు: పెరుగులోని లాక్టిక్ ఆమ్లం తల చర్మాన్ని శుభ్రపరుస్తుంది. అలాగే, దీనిలోని ప్రోటీన్లు జుట్టును లోపలి నుండి బలోపేతం చేస్తాయి. ఇది సహజ కండిషనర్గా పనిచేస్తుంది. జుట్టు చిక్కుకోకుండా నిరోధిస్తుంది. తేనె ఒక సహజ హ్యూమెక్టెంట్. అంటే ఇది గాలి నుండి తేమను జుట్టులోకి లాగి, ఎండిపోకుండా నిరోధిస్తుంది. ఇది జుట్టును మృదువుగా, మెరిసేలా చేస్తుంది. ఆలివ్ నూనెలో విటమిన్ E, యాంటీఆక్సిడెంట్లు పుష్కలంగా ఉంటాయి. ఇది జుట్టు కుదుళ్లలోకి చొచ్చుకుపోయి పోషణను అందిస్తుంది. చివరలు చిట్లకుండా నిరోధిస్తుంది.
ఎలా ఉపయోగించాలి: హెయిర్ బ్రష్ లేదా మీ వేళ్ళ సహాయంతో, మీ జుట్టును విభాగాలుగా విడదీసి, ఈ పేస్ట్ను మూలాల నుండి చివరల వరకు రాయండి. దీన్ని తలకు అప్లై చేయడం వల్ల రక్త ప్రసరణ మెరుగుపడుతుంది. ఈ మాస్క్ వేసిన 2 గంటల తర్వాత, గోరువెచ్చని నీరు, తేలికపాటి షాంపూతో మీ జుట్టును కడగాలి.
మరిన్ని లైఫ్ స్టైల్ న్యూస్ కోసం క్లిక్ చేయండి..
