Summer Drinks: వేసవిలో మీ చర్మం మెరిసిపోవాలంటే ఓ చల్లని డ్రింక్స్‌ ట్రై చేయండి.. ఆరోగ్యంతోపాటు అందం మీ సొంతం

వేసవి మొదలైంది. ఉదయం పది గంటలకే మండే ఎండలు అల్లాడిస్తున్నాయి. అందువల్ల మండే ఎండల నుంచి ఉపశమనానికి అధిక మంది శీతల పానీయాల వైపు మొగ్గు చూపుతుంటారు. శరీరాన్ని హైడ్రేట్ గా ఉంచుకోవడానికి వారు అనేక రకాల కూల్ డ్రింక్స్ తాగుతుంటారు. రసాయనాలతో నిండిన ఈ డ్రింక్స్ తాగితే దాహం సంగతి పక్కన బెడితే ఆరోగ్యం విపరీతంగా పాడైపోతుంది.  కానీ ఈ కింది పానీయాలు శరీరాన్ని చల్లబరచడమే కాకుండా, సూర్యుని వేడికి వాడిన చర్మానికి చికిత్స అందించి, ప్రకాశవంతంగా చేస్తాయి. అవేంటో ఇక్కడ తెలుసుకుందాం..

నారింజ – అల్లం రసం

నారింజలో విటమిన్ సి పుష్కలంగా ఉంటుంది. ఇది చర్మాన్ని UV కిరణాల నుంచి రక్షిస్తుంది. ఇందులోని అల్లం శోథ నిరోధక లక్షణాలను కలిగి ఉంటుంది. ఇది రక్త ప్రసరణను పెంచుతుంది. చర్మాన్ని ఆరోగ్యంగా ఉంచుతుంది.

పుచ్చకాయ – పుదీనా రసం

వేసవిలో ప్రతిచోటా లభించే పండ్లలో పుచ్చకాయ ఒకటి. ఇది హైడ్రేటింగ్ మాత్రమే కాకుండా విటమిన్లు ఎ, సి, లైకోపీన్ లతో కూడా సమృద్ధిగా ఉంటుంది. ఈ రసం చర్మాన్ని రక్షించడంలో సహాయపడుతుంది. ఇందులోని పుదీనా యాంటీ ఇన్ఫ్లమేటరీ లక్షణాలు కలిగి ఉంటుంది. ఇవి చర్మం మంట, మొటిమలను తగ్గించడంలో సహాయపడతాయి.

ఇవి కూడా చదవండి

సర్కార్ బడిలో షాకింగ్ సీన్.. పిల్లల ముందే చితకబాదుకున్న టీచర్లు!

గురుకులాల్లో మృత్యుఘోష.. అనారోగ్యంతో 9వ తరగతి విద్యార్థి మృతి!

ఎంతటి నిర్లక్ష్యం..! బస్సు టైర్ల కింద 'పది' పరీక్షల జవాబు పత్రాలు

బంగారం ప్రియులకు భారీ షాక్.. మరింత పెరిగిన ధరలు! తులం ఎంతుందంటే..

పైనాపిల్ – అల్లం రసం

పైనాపిల్‌లో విటమిన్ సి పుష్కలంగా ఉంటుంది. ఇది కొల్లాజెన్ ఉత్పత్తికి సహాయపడుతుంది. ఇందులో ఉండే బ్రోమెలైన్ అనే ఎంజైమ్ చర్మ నిర్మాణాన్ని మెరుగుపరుస్తుంది. అల్లంలో ఉండే పోషకాలు చర్మాన్ని కాంతివంతం చేస్తాయి.

నిమ్మ – పుదీనా రసం

సిట్రస్ పండు అయిన నిమ్మకాయలో విటమిన్ సి కూడా పుష్కలంగా ఉంటుంది. నిమ్మ – పుదీనా రసాన్ని క్రమం తప్పకుండా తీసుకోవడం వల్ల చర్మంలో వివిధ మార్పులు వస్తాయి. నిమ్మకాయకు ముఖం కాంతిని పెంచే గుణం కూడా ఉంటుంది. పుదీనాలో యాంటీ ఇన్ఫ్లమేటరీ లక్షణాలు ఉంటాయి. ఇవి మొటిమలను తగ్గించి చర్మాన్ని ప్రకాశవంతంగా మారుస్తాయి.

మరిన్ని జాతీయ వార్తల కోసం క్లిక్‌ చేయండి.