Orange Peel: నారింజ తొక్క పారేస్తున్నారా…? ఇలా 8 రకాలుగా ఉపయోగించుకోవచ్చు..
ఇంట్లో చెక్క ఫర్నీచర్ను మళ్లీ పాలిష్ చేయాలని ఆలోచిస్తున్నారా? అయితే, పాలిష్ అవసరం లేదు.
Updated on: Jan 19, 2023 | 8:42 PM
తొక్కె కదా అని తేలిగ్గా తీసుకోవద్దు..ఎందుకుంటే.. నారింజ పండుతో ఎన్ని ప్రయోజనాలు ఉన్నాయో..దీని పై తొక్క కూడా నారింజ పండుతో సమానంగా ఉపయోగపడుతుంది. ఇది వివిధ ప్రయోజనాల కోసం కూడా ఉపయోగపడుతుంది. చలికాలం ఎక్కడ చూసినా నారింజలు విరివిగా మార్కెట్లో దొరుకుతుంటాయి. ఈ పండును చిన్నపిల్లల నుంచి పెద్దల వరకు అందరూ ఎంతో ఇష్టపడతారు. అలాంటి నారింజ పండులో చాలా ప్రయోజనాలు ఉన్నాయి. నారింజ పండు తొక్కలు యాంటీ ఇన్ఫ్లమేటరీ, యాంటీ బాక్టీరియల్, యాంటీ వైరల్, యాంటీ సెప్టిక్ గుణాలు ఉన్నాయి. అందువలన ఇవి నొప్పులు, పుండ్లు, గాయాలు త్వరగా మాడిపోయేలా చేస్తాయి. నిపుణుల అభిప్రాయం ప్రకారం, ఇందులో విటమిన్ సి ఎక్కువగా ఉంటుంది. ఇది పండులా మాత్రమే, నారింజలను డెజర్ట్ల నుండి వివిధ వంటకాలలో కూడా ఉపయోగిస్తారు. ఇది నారింజ ప్రయోజనాలు లేదా ఉపయోగం గురించి ఇక్కడ తెలుసుకుందాం..
నారింజ తొక్క ఉపయోగాలు, ప్రయోజనాలు- 1. నారింజ తొక్క చర్మం నుండి అదనపు నూనెను తొలగించడానికి సహాయపడుతుంది. నారింజ తొక్కను గ్రైండ్ చేసి, దానికి 1 చెంచా పాలు, లేదంటే ఒక చెంచా కొబ్బరి నూనె కలిపి ప్యాక్గా తయారు చేయండి. అప్పుడు చర్మంపై ఉపయోగించండి. పదిహేను నిమిషాల తర్వాత నీళ్లతో కడిగేయాలి. తేడా మీరే చూస్తారు. ఈ తొక్కలను చర్మంపై రాస్తే చర్మం నిగారింపు సంతరించుకుంటుంది. ఇంకా చర్మాన్ని మృదువుగా చేసేందుకు నారింజ తొక్క అద్భుతంగా పనిచేస్తుంది.
2. కొవ్వొత్తులను నారింజ పై తొక్క నుండి కూడా తయారు చేయవచ్చు. ఇది నారింజ సువాసనతో ఉంటుంది. నారింజ పై తొక్కను మైనంతో కలిపి కొవ్వొత్తులను తయారు చేసుకోవచ్చు.
3. దంతాలను తెల్లగా మార్చడంలో ఆరెంజ్ తొక్క చాలా ప్రభావవంతంగా ఉంటుంది. నారింజ తొక్కను మీ దంతాలపై రోజుకు రెండుసార్లు రుద్దితే మీ దంతాలు సహజంగా తెల్లబడతాయి.
4. ఇంట్లో చెక్క ఫర్నీచర్ను మళ్లీ పాలిష్ చేయాలని ఆలోచిస్తున్నారా? అయితే, పాలిష్ అవసరం లేదు. ఫర్నిచర్ మీద నారింజ పై తొక్కతో రుద్దండి. తర్వాత పొడి గుడ్డతో తుడవండి.
5. ఇంట్లోనే నారింజ తొక్కతో ఆరెంజ్ బాత్ ఆయిల్ తయారు చేసుకోండి. తర్వాత స్నానం చేసే నీటిలో వాడండి. చర్మం రంగును పునరుద్ధరించడంలో సహాయపడుతుంది.
6. నారింజ తొక్కలతో టీ బ్యాగ్లను తయారు చేసుకోవచ్చు. వాటితో టీ తయారు చేసుకుని తాగండి. ఇది నోటికి రుచికరంగా, ఆరోగ్యానికి ఉపయోగకరంగా ఉంటుంది.
7. నారింజ తొక్కతో ఇంట్లోనే ఎరువు తయారు చేసుకోండి. మీ మొక్కలకు ఆరోగ్యవంతమైన, మంచి నేల ఏర్పడుతుంది.
8. ఇంట్లో ఉన్న అసహ్యకరమైన వాసనను తొలగించడానికి నారింజ తొక్కతో ఎయిర్ ఫ్రెషనర్ను తయారు చేసుకోవచ్చని నిపుణులు అంటున్నారు.
మరిన్ని లైఫ్ స్టైల్ న్యూస్ కోసం ఇక్కడ క్లిక్ చేయండి…
