Mouth Wash Effects: ప్రతి రోజూ మౌత్ వాష్ వాడుతున్నారా..? ముందు ఈ విషయాలు తెలుసుకోండి
మౌత్ వాష్ అనేది దంతాల ఆరోగ్యాన్ని కాపాడటానికి, నోటి దుర్వాసనను తొలగించడానికి సహాయపడుతుంది. కానీ కొంతమంది దీన్ని రెగ్యులర్‌గా ఉపయోగిస్తున్నారు. అలాంటి వారు కొన్ని విషయాలను తప్పక తెలుసుకోవాల్సి ఉంటుంది. మౌత్ వాష్‌లను తరచూ వాడడం వల్ల ప్రయోజనాలతో పాటు నష్టాలు కూడా ఉంటాయని ఆరోగ్య నిపుణులు అంటున్నారు. వాటి గురించి తెలుసుకుందాం.
Mouthwash Side Effects:మనం ఆరోగ్యంగా ఉండాలంటే, మన నోటిని ఆరోగ్యంగా ఉంచుకోవాలని నిపుణులు చెబుతున్నారు. ఈ రోజుల్లో చాలా మంది నోటి దుర్వాసన నుంచి బయటపడటానికి మౌత్ వాష్‌ని వాడుతున్నారు. ఇది నోటిని శుభ్రంగా ఉంచేందుకు, రోజంతా వాసన రాకుండా తాజాగా ఉంచేందుకు సహకరిస్తుంది. మౌత్ వాష్ అనేది దంతాల ఆరోగ్యాన్ని కాపాడటానికి, నోటి దుర్వాసనను తొలగించడానికి సహాయపడుతుంది. కానీ కొంతమంది దీన్ని రెగ్యులర్‌గా ఉపయోగిస్తున్నారు. అలాంటి వారు కొన్ని విషయాలను తప్పక తెలుసుకోవాల్సి ఉంటుంది. మౌత్ వాష్‌లను తరచూ వాడడం వల్ల ప్రయోజనాలతో పాటు నష్టాలు కూడా ఉంటాయని ఆరోగ్య నిపుణులు అంటున్నారు. వాటి గురించి తెలుసుకుందాం.
ఇది దంతాలకు మంచిదే అయినప్పటికీ ప్రతిరోజూ మౌత్ వాష్ వాడటం వల్ల ఆరోగ్యంపై దుష్ప్రభావం పడుతుందని నిపుణులు చెబుతున్నారు. కాబట్టి రోజూ మౌత్ వాష్ వాడకాన్ని పరిమితం చేయాలని సూచిస్తున్నారు. మౌత్ వాష్‌లో ఆల్కహాల్ ఉంటుంది. దీంతో మీ నోరు పొడిబారుతుంది. మౌత్ వాష్ రెగ్యులర్ ఉపయోగం శరీరంలో తీవ్రమైన సమస్యలను కలిగిస్తుంది.
కొన్ని అధ్యయనాల ప్రకారం, మౌత్ వాష్ రెగ్యులర్ ఉపయోగం మధుమేహం ప్రమాదాన్ని పెంచుతుంది. రోజుకు రెండుసార్లు మౌత్‌వాష్‌ని ఉపయోగించేవారిలో పదవ వంతు కంటే ఎక్కువ మందిలో కూడా ఈ అవకాశం ఉన్నట్టు నిపుణులు గుర్తించారు. అధిక ఆల్కహాల్ మౌత్ వాష్‌లను క్రమం తప్పకుండా ఉపయోగించడం ఆరోగ్యానికి హానికరం. ఇది అనేక దుష్ప్రభావాలను కలిగిస్తుందని అధ్యయనాలు చెబుతున్నాయి.
రోజూ మౌత్ వాష్ వాడటం వల్ల దంతాల సమస్య వస్తుంది. దంతాలలో గుర్తులు ఏర్పడుతాయి. దంతాలు బలహీనంగా, గరుకుగా మారుతాయి. రోజూ లేదా అతిగా మౌత్ వాష్ వాడేవారిలో క్యాన్సర్ ముప్పు ఎక్కువగా ఉంటుందని కొన్ని అధ్యయనాలు చెబుతున్నాయి. ఇందులో ఉండే సింథటిక్ పదార్థాలు క్యాన్సర్‌కు కారణమవుతాయి. కాబట్టి దీనిని కనీసం రెండు రోజులకు ఒకసారి ఉపయోగించాలని నిపుణులు చెబుతున్నారు. లేదంటే ఇంట్లోనే సహజ సిద్దంగా వేప లేదా పుదీనాతో తయారు చేసుకునే మౌత్‌వాష్‌ను వాడితే మంచిదని చెబుతున్నారు. దీనిని రోజూ ఉపయోగించవచ్చు. ఎలాంటి సైడ్‌ ఎఫెక్ట్స్‌ ఉండవని చెబుతున్నారు.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్నిలైఫ్ స్టైల్ న్యూస్ కోసం క్లిక్ చేయండి..
