Heart attack: జిమ్‌లో చేరాలనుకుంటున్నారా..? అయితే, ముందుగా ఈ విషయం తెలుసుకోండి.. గుండెపోటుకు ఇదే కారణం!
2 - 3 గంటల పాటు నిరంతరాయంగా వ్యాయామం చేసే బదులు 45 నిమిషాల పాటు వ్యాయామం చేయడం మంచిది. ఒక వ్యక్తి ఎక్సైజ్ చేసినప్పుడు గుండెపై ఒత్తిడి పడుతుంది.
Updated on: Dec 10, 2022 | 7:19 AM
జిమ్‌లో వ్యాయామం చేస్తున్నప్పుడు గుండెపోటుకు గురికావటం అనేది ఇప్పుడు ట్రెండ్‌గా మారింది. జిమ్‌లో వ్యాయామాలు చేస్తూ ప్రాణాలు కోల్పుతున్న వారి సంఖ్య ఇటీవలి కాలంలో పెరుగుతోంది. అతిగా ఎక్సర్ సైజ్ చేయడం, ప్రోటీన్ షేక్‌లను క్రమం తప్పకుండా ఎక్కువ మొత్తంలో తీసుకోవడం సహా ఇతర కారణాల వల్ల గుండెపోటు వస్తున్నట్లు వైద్యులు భావిస్తున్నారు. సరైన ఫిట్‌నెస్ లేక కొన్ని మెడికల్ హిస్టరీలు ఉన్న వాళ్లూ.. ప్రాణాలను కోల్పోతున్నట్లు నిపుణులు వెల్లడిస్తున్నారు. అయితే మంచి ఫిట్ నెస్ ఉన్న సినీ సెలబ్రిటీలు కూడా ఈ మధ్య కాలంలో జిమ్ చేస్తూ చనిపోతున్నారు. సినీ ప్రముఖులు కెకె, పునీత్ రాజ్‌కుమార్, సిద్ధార్థ్ శుక్లా, సురేఖ సిక్రి, ప్రవీణ్ కుమార్ సోబ్తి,ఆర్టిస్ట్ రాజు శ్రీవాస్తవ గుండెపోటుతో మరణించారు. జిమ్‌లో గుండెపోటు అనే వార్తలు ఒకదాని తర్వాత ఒకటి వస్తుండటంతో జనాల్లో జిమ్ చేయాలా వద్దా అనే భయం నెలకొంది. దీంతో పాటు యువతకు గుండెపోటు ఎందుకు వస్తుంది అనే సందేహాలు సైతం జనాన్ని వెంటాడుతున్నాయి.
రోజూ వ్యాయామం చేయడం వల్ల గుండె ఆరోగ్యం మెరుగుపడుతుందనేది వాస్తవం. కానీ, కొంతకాలంగా వ్యాయామం చేస్తున్నప్పుడు గుండెపోటు కేసులు నిరంతరం పెరుగుతూనే ఉన్నాయి. ఇలాంటి పరిస్థితుల్లో ఇప్పుడు వ్యాయామం చేయడానికి కూడా కొందరు భయపడుతున్నారు. జిమ్‌లో చేరే ముందు కొన్ని ముఖ్యమైన విషయాలను గుర్తుంచుకోవాలని వైద్య నిపుణులు సూచిస్తున్నారు. వ్యాయామం చేసేటప్పుడు బరువుగా ఉండటం, ఎడమ భుజం నొప్పి,గుండె నొప్పి వంటి లక్షణాలు ఏ మాత్రం అనిపించినా వ్యాయామాన్ని వెంటనే నిలిపివేయాలని చెబుతున్నారు. దీంతో పాటు మధుమేహం, అధిక రక్తపోటు, ధూమపానం అలవాటు, ఫ్యామిలీలో ఎవరికైనా గుండె జబ్బుల హిస్టరీ ఉన్నవారు కూడా జాగ్రత్తగా ఉండాలని, ఎక్కువసేపు జిమ్ చేయకూడదని చెబుతున్నారు. జిమ్‌లో వేగంగా, ఎక్కువగా రిపీట్‌ చేస్తూ అధిక బరువులు ఎత్తటం, విరామం లేకుండా వ్యాయామం చేయడం గుండెపోటుకు దారితీస్తుంది. ఒక వ్యక్తి చిన్నతనం నుండి చురుకుగా లేనప్పుడు, అతని ఫిట్‌నెస్ పెంచడానికి అకస్మాత్తుగా వ్యాయామం చేయడం ప్రారంభించినప్పుడు కూడా ఇలాంటి హార్ట్ ఎటాక్‌ సంఘటనలు జరిగే ప్రమాదం ఉందని హెచ్చరిస్తున్నారు.
చాలా మంది వ్యక్తులు శారీరకంగా చురుకుగా ఉండరని, వారు అకస్మాత్తుగా ఫిట్‌గా మారాలని, ఆరోగ్యకరమైన జీవనశైలిని అవలంబించాలని ప్లాన్ చేస్తుంటారు. కానీ, అలాంటి వారు ముందుగా తమ ఆరోగ్య పరిస్థితిని తెలుసుకోవడం అవసరం. ఒక వ్యక్తి ఛాతీ లేదా పొత్తికడుపు, వికారం, మైకము లేదా బలహీనతలో బరువుగా అనిపిస్తే, అతను వెంటనే వ్యాయామం చేయడం మానేయాలి. ఇది అంతర్గత సమస్యకు సంకేతం కావచ్చు. గుండెకు సంబంధించిన సమస్యల కారణంగా శ్రమ సమయంలో ఆకస్మిక కార్డియాక్ అరెస్ట్ ఏర్పడుతుంది. ఒక వ్యక్తి ఎక్సైజ్ చేసినప్పుడు గుండెపై ఒత్తిడి పడుతుంది. దాని కారణంగా ఫలకం పగిలిపోతుంది.
ఎవరైనా వ్యాయామం చేయాలని లేదా జిమ్‌కి వెళ్లాలని అనుకుంటే, ముందుగా తమ వైద్యుడిని సంప్రదించాలని సూచిస్తున్నారు. మీ గుండె ఆరోగ్యం గురించి తెలుసుకోవడానికి మీ కార్డియాక్ స్క్రీనింగ్ చేయడం మర్చిపోవద్దు. దీంతో గుండె ఆరోగ్యానికి సంబంధించిన సమాచారం అందడంతో పాటు ఎలాంటి సంకోచం లేకుండా వ్యాయామం చేయగలుగుతారు. ఫిట్‌గా ఉండేందుకు వారానికి కనీసం 5 రోజులు 150 నిమిషాల పాటు వాకింగ్‌, జాగింగ్, సైక్లింగ్, స్విమ్మింగ్, యోగా వంటి కార్యకలాపాలను ఎంచుకోవాలని ఆయన చెప్పారు. 2 నుంచి 3 గంటల పాటు నిరంతరాయంగా వ్యాయామం చేసే బదులు 45 నిమిషాల పాటు వ్యాయామం చేయడం మంచిది.
మీకు ఒళ్లు నొప్పులు, శ్వాస తీసుకోవడంలో ఇబ్బంది, బలహీనత అనిపిస్తే వ్యాయామం చేయవద్దు. వ్యాయామాన్ని నెమ్మదిగా ప్రారంభించి, ఆపై బరువును పెంచుకోవాలని వైద్యులు చెబుతున్నారు. ఏదైనా రోజు మీకు అనారోగ్యంగా అనిపిస్తే ఆ రోజు జిమ్‌కి వెళ్లకుండా విశ్రాంతి తీసుకోండి. మీ సామర్థ్యాలకు అనుగుణంగా వ్యాయామం చేయండి.
మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి
