Parenting Tips: వేసవి సెలవుల్లో పిల్లలు అతిగా మొబైల్ చూస్తున్నారా..? ఇలా చేస్తే వారిని దారిలో పెట్టేయొచ్చు

మీ కళ్లను మొబైల్, టాబ్లెట్ లేదా టెలివిజన్‌పై నిరంతరం ఉంచడం వల్ల పిల్లల కళ్లతో పాటు వారి ఆరోగ్యంపై కూడా చెడు ప్రభావం పడుతుందని ఈపాటికి మీకు కూడా బాగా అర్థమై ఉంటుంది. ఎలక్ట్రానిక్ గాడ్జెట్ల స్క్రీన్ ముందు ఎక్కువ సమయం గడపడం పిల్లల శారీరక, మానసిక ఆరోగ్యానికి హానికరం. నిపుణుల అభిప్రాయం ప్రకారం, ఒక సన్నివేశం నుండి మరొక సన్నివేశానికి మారడం అనేది పిల్లల ఏకాగ్రత సామర్థ్యంపై చెడు ప్రభావం చూపుతుంది. కాబట్టి తల్లిదండ్రులుగా మీరు మీ పిల్లల స్క్రీన్ సమయాన్ని నియంత్రించాలి..

1. ఒక రోల్ మోడల్‌గా ఉండండి: పిల్లలు తమ తల్లితండ్రులు చేసే పనిని ఎక్కువగా ఫాలో అవుతారు. అటువంటి పరిస్థితిలో, మీరు పిల్లలకు మంచి ఉదాహరణగా ఉండాలి. మీ పిల్లలు ఎలక్ట్రానిక్ గాడ్జెట్‌ల స్క్రీన్‌పై తక్కువ సమయం గడపాలని మీరు కోరుకుంటే.. మీరు కూడా దాన్ని చేతల్లో చూపించాలి. ముఖ్యంగా మీ పిల్లల సమక్షంలో మీరు మీ స్మార్ట్‌ఫోన్, టాబ్లెట్ వంటి ఎలక్ట్రానిక్ పరికరాలపై తక్కువ సమయాన్ని వెచ్చించాల్సి ఉంటుంది. మీరు పుస్తకాన్ని పట్టుకుంటే.. మీ పిల్లలకు పుస్తకపఠనం అలవాటవుతుందని గుర్తించండి.
2. గాడ్జెట్‌లను బహుమతిగా ఇవ్వవద్దు: మీ పిల్లలు 10 సంవత్సరాల కంటే తక్కువ వయస్సు ఉన్నట్లయితే, పొరపాటున కూడా వారికి స్మార్ట్‌ఫోన్, టాబ్లెట్ లేదా మరే ఇతర గాడ్జెట్‌ను బహుమతిగా ఇవ్వకండి. మీ స్నేహితులు లేదా సహ విద్యార్థులను చూసినప్పుడు, మీ పిల్లలు కూడా దీనిని డిమాండ్ చేసే అవకాశం ఉంది. కానీ మీరు వారిని సంతోష పెట్టేందుకు ఎట్టి పరిస్థితిలోనూ వాటిని కొనివ్వొద్దు. ఎలక్ట్రానిక్ పరికరాలను హ్యాండిల్ చేసేంత వయస్సు వారికి ఇంకా రాలేదని పిల్లలకు వివరించండి.
3. కంప్యూటర్‌ను కామన్ ప్లేస్‌లో ఉంచండి: కంప్యూటర్ లేదా ల్యాప్‌టాప్‌ను గది మూలలో ఉంచే బదులు.. కామన్ ప్లేస్‌లో ఉంచాలి. తద్వారా మీ పిల్లలు కంప్యూటర్ లేదా ల్యాప్‌టాప్‌లో ఏమి చూస్తున్నారు? ఎంతసేపు చూస్తున్నారు? అనే దానిపై అందరూ ఒక కన్నేసి ఉంచేందుకు వీలుకలుగుతుంది. పెద్దలు సమీపంలో ఉన్నప్పుడు మాత్రమే ఈ పరికరాలను మీ పిల్లలు ఉపయోగిస్తున్నారని నిర్ధారించుకోండి.
4. మనస్సు విప్పి మాట్లాడండి: ప్రతి ఇంటికి దాని స్వంత నియమాలు ఉన్నాయి. అటువంటి పరిస్థితిలో, కుటుంబ సభ్యులందరూ ఒకచోట కూర్చొని ఒకరితో ఒకరు మాట్లాడుకునేటప్పుడు మీ ఇంట్లో కూడా అలాంటి నియమాన్ని రూపొందించండి.. ఆ సమయంలో ఎవరూ ఎలాంటి ఎలక్ట్రానిక్ పరికరాలు వాడొద్దు. దీనితో కలివిడితనం ఎంత ముఖ్యమైనదో కూడా మీ పిల్లలు నేర్చుకుంటారు.
ఇవి కూడా చదవండి



మామిడి కాయలను ఇంట్లోనే సహజంగా ఎలా పండించాలి.. ఇలా చేస్తే ఎలాంటి జబ్బులు రావు..



Kitchen Hacks : ఇలా చేసి చూడండి..రాగి పాత్ర ఎంత పాతదైనా కొత్తగా మెరవాల్సిందే



Hair Care Tips: జుట్టు చివర్లు చిట్లిపోతున్నాయా.. అయితే ఇలా చేస్తే ఒత్తైన జుట్టు మీ సొంతం..



Guava Benefits: జామతో అద్భుతమైన ప్రయోజనాలు.. అవేంటో తెలిస్తే ఆశ్చర్యపోతారు

5. ఔట్ డోర్ గేమ్స్ ప్రోత్సహించండి: వీలైనంత వరకు బయటి కార్యక్రమాలలో పాల్గొనేలా పిల్లలను ప్రోత్సహించండి. మీ పిల్లలు ఒకే గదిలో ఎలక్ట్రానిక్ పరికరంతో సమయం గడపకుండా చూసుకోండి. మీకు కావాలంటే, మీరు పిల్లవాడిని నడక కోసం తీసుకెళ్లవచ్చు లేదా ప్రతిరోజూ కొన్ని క్రీడలకు తీసుకువెళ్లవచ్చు.

మరిన్ని లైఫ్ స్టైల్ వార్తల కోసం