Skin Care Tips: మచ్చలేని, మెరిసే చర్మం కోసం అద్భుత ఫేస్ ప్యాక్ ఇది..! ముడతలు కూడా ఇట్టే మాయం..!!
అమ్మాయిల్లో చర్మ సమస్యలు ఎక్కువగా ఎండ కారణంగా తలెత్తుతుంటాయి. మొటిమలు, వృద్ధాప్య సంకేతాలు, మెలస్మా, హార్మోన్ల మార్పులు, గాయాలు వంటి వివిధ కారణాల వల్ల ఎదురవుతుంటాయి. అంతేకాదు.. ఇప్పుడున్న ఆహారం, జీవనశైలి కూడా చర్మ సమస్యలకు ఒక కారణం అవుతుంది.. ముఖ ముడతలు, నల్ల మచ్చలను తగ్గించడానికి ముఖానికి ఏ ఫేస్ మాస్క్ వేయాలో తెలుసుకుందాం
మీ అందమైన ముఖంపై నల్ల మచ్చలు, ముడతలు ఇబ్బంది పెడుతున్నాయా..? ముఖంపై ఉన్న ముడతలు, నల్లమచ్చలను దాచుకోవడానికి క్లెన్సర్, ఫౌండేషన్ ఎక్కువగా ఉపయోగించాల్సిన పరిస్థితిలో ఉన్నారా… అవును అయితే చింతించకండి. మీ ఇబ్బందులను దూరం చేసే మీకు ఉపయోగకరమైన ఫేస్ మాస్క్ గురించి ఇక్కడ తెలుసుకుందాం… ఇంట్లో, ఇంటి చుట్టూ లభించే వస్తువులతో తయారు చేసుకునే ఫేస్ ప్యాక్ మీ చర్మాన్ని యవ్వనంగా, అందంగా మార్చేస్తుంది.. ఇది ఎలాంటి రసాయన ఉత్పత్తుల ప్రభావాలను మీపై కలిగించదు. దాదాపు ప్రతి స్త్రీ తన చర్మం మెరుస్తూ, మచ్చలు లేకుండా, ముడతలు లేకుండా ఉండాలని కోరుకుంటుంది. కానీ నేటి యుగంలో చిన్నవయసులోనే చాలా మందిలో అనేక చర్మ సమస్యలు ఎదురవుతున్నాయి.
అమ్మాయిల్లో చర్మ సమస్యలు ఎక్కువగా ఎండ కారణంగా తలెత్తుతుంటాయి. మొటిమలు, వృద్ధాప్య సంకేతాలు, మెలస్మా, హార్మోన్ల మార్పులు, గాయాలు వంటి వివిధ కారణాల వల్ల ఎదురవుతుంటాయి. అంతేకాదు.. ఇప్పుడున్న ఆహారం, జీవనశైలి కూడా చర్మ సమస్యలకు ఒక కారణం అవుతుంది.. ముఖ ముడతలు, నల్ల మచ్చలను తగ్గించడానికి ముఖానికి ఏ ఫేస్ మాస్క్ వేయాలో తెలుసుకుందాం
వేప మాస్క్ ముఖంపై నల్ల మచ్చలు, ముడతలను తొలగిస్తుంది.
మీకు ముడతలు లేని, స్పష్టమైన, మచ్చలు లేని చర్మం కావాలంటే, వేప ఆయిల్‌తో చేసిన ఫేస్ మాస్క్ మీకు సరైనది. ఆయుర్వేదంలో వేపకు ప్రత్యేక ప్రాధాన్యత ఉంది. ఇది శక్తివంతమైన యాంటీమైక్రోబయల్ లక్షణాలను కలిగి ఉంది. ఇది ముఖంపై మొటిమలను తగ్గిస్తుంది. స్కిన్ ఇన్ఫెక్షన్‌లను కూడా అనేక విధాలుగా దూరం చేస్తుంది. వేపలో ఉండే యాంటీ ఆక్సిడెంట్ గుణాలు మీ చర్మ కణాలు దెబ్బతినకుండా నిరోధిస్తాయి. అలాగే, ఇది మెలనిన్ ఏర్పడకుండా నిరోధిస్తుంది. వేప ఫేస్ ప్యాక్‌లను రెగ్యులర్‌గా అప్లై చేయడం వల్ల కొన్ని వారాల్లో మంచి ఫలితాలు వస్తాయి. మరి ఈ స్పెషల్ ఫేస్ ప్యాక్ ఎలా తయారు చేయాలో ఇక్కడ తెలుసుకుందాం..
అవసరమైన పదార్థాలు..
వేప ఆకులు – ½ కప్పు
నీరు – 1 నుండి 2 tsp లేదా అవసరమైనంత
పసుపు పొడి – ½ tsp
వేప ఫేస్ ప్యాక్ ఎలా తయారు చేయాలి..ఎలా ఉపయోగించాలి..
1. వేప ఆకులు, నీరు వేసి మెత్తగా రుబ్బుకోవాలి.
2. ఇలా సిద్ధం చేసిన పేస్ట్‌లో కొంత పసుపు పొడిని మిక్స్ చేసి మీ ముఖానికి అప్లై చేయండి.
3. సుమారు 20 నుండి 25 నిమిషాల పాటు ఆరనివ్వండి.
4. తర్వాత మీ ముఖాన్ని సాధారణ నీటితో కడగాలి.
చర్మ సమస్యలు దూరమవుతాయి..
ఈ ఎఫెక్టివ్ ఫేస్ ప్యాక్‌ని వారానికి రెండు సార్లు అప్లై చేయడం వల్ల మీ చర్మ సమస్యలన్నింటి నుండి బయటపడవచ్చు. ముఖంపై నల్లటి వలయాలు, ముడతల సమస్యను తగ్గించుకోవడానికి మీరు ఈ రెసిపీని ప్రయత్నించవచ్చు. అయితే, మీకు వేప కారణంగా ఏదైనా అలెర్జీ ఫిర్యాదు ఉంటే వెంటనే నిపుణుడి సలహా తీసుకోవటం మంచిది.
మరిన్ని లైఫ్ స్టైల్ న్యూస్ కోసం క్లిక్ చేయండి..
