Health Tips: ఇది మీకు తెలుసా..? జామ ఆకులతో టీ చేసుకుని తాగితే.. మధుమేహం పరారవుతుందట..!

మధుమేహం భారతదేశంలో చాప కింద నీరులా పెరుగుతున్న ఆరోగ్య సమస్య. వృద్ధుల్లోనే కాదు యువత, చిన్నారుల్లో కూడా మధుమేహం పెరుగుతోంది. దీనికి వైద్య చికిత్స ముఖ్యం. అయితే, డయాబెటిస్‌ను ఇంటి నివారణల సహాయంతో కూడా నియంత్రించవచ్చు. రక్తంలో చక్కెర స్థాయిలను నియంత్రించడంలో సహాయపడే ఇంటి నివారణలో అనేకం ఉన్నాయి. అందులో ఒకటి జామ ఆకులు కూడా ఉపయోగపడుతున్నాయంటున్నారు ఆరోగ్య నిపుణులు. జామ ఆకులను తీసుకోవడం మధుమేహాన్ని నియంత్రించడంలో ప్రభావవంతంగా ఉంటుందని సూచిస్తున్నారు. జామపండులో ఫైబర్, విటమిన్ సి, యాంటీ హైపర్గ్లైసీమిక్ లక్షణాలు ఉన్నాయి. ఇది రక్తంలో చక్కెర స్థాయిలను తగ్గించడంలో సహాయపడుతుంది.

జామ ఆకుల్లో యాంటీ డయాబెటిక్ గుణాలు ఉన్నాయి. మధుమేహాన్ని పూర్తిగా నయం చేయడం కష్టం. అయితే, మందులు, సరైన ఆహారంతో దీనిని నియంత్రించవచ్చు. జామ టీ తాగడం వల్ల మధుమేహం అదుపులో ఉంటుంది. ఇందుకోసం 8-10 జామ ఆకులను తీసుకుని కప్పు నీటిలో వేసి మరిగించాలి. ఈ నీటిని సగానికి తగ్గించే వరకు మరిగించి వడగట్టి వాడండి. జామ ఆకులోనూ యాంటీ ఆక్సిడెంట్, యాంటీ మైక్రోబియల్, యాంటీ ఇన్ఫ్లమేటరీ, యాంటీ డయాబెటిక్ లక్షణాలు ఉన్నాయి. ఇది రక్తంలో చక్కెర స్థాయిలను నియంత్రించడంలో సహాయపడుతుంది. జామ టీ తాగడం వల్ల రక్తంలోని చెడు కొలెస్ట్రాల్ స్థాయిని కూడా తగ్గించవచ్చు. మధుమేహం అనేది రక్తంలో చక్కెర స్థాయిని నియంత్రించలేని లేదా చాలా ఎక్కువగా ఉండే పరిస్థితి.

ఇది వివిధ ఆరోగ్య సమస్యలకు దారితీస్తుంది. మధుమేహం శరీరంలోని ఇతర అవయవాల పనితీరుపై ప్రభావం చూపుతుంది. మధుమేహం ఉన్నవారు తక్కువ పిండిపదార్థాలు, గ్లైసెమిక్ ఇండెక్స్ తక్కువగా ఉన్న ఆహారాన్ని తినాలి. పీచు పదార్థాలు ఎక్కువగా ఉండే ఆహారాన్ని తీసుకోవడం వల్ల కూడా మధుమేహాన్ని అదుపులో ఉంచుకోవచ్చు. మధుమేహం అనేది జీవనశైలి వ్యాధి. కాబట్టి ఆరోగ్యకరమైన జీవనశైలిని అనుసరించడం చాలా ముఖ్యం. అల్పాహారం కోసం ప్రోటీన్-రిచ్ ఫుడ్స్ తినడం వల్ల రక్తంలో చక్కెర అకస్మాత్తుగా పెరగకుండా నిరోధించవచ్చు.

ఇవి కూడా చదవండి

మధుమేహానికి మంచి మందు..! వెల్లుల్లిని ఇలా రోజూ తింటే షుగర్ పెరగదు

సిఎం, డిప్యూటీ సిఎంలకు బాంబు బెదిరింపు మెయిల్.. ఉలిక్కి పడ్డ ఐటీ

అందంగా కనిపించాలని లిప్‌స్టిక్‌ ఎక్కువగా వేసుకుంటున్నారా?జాగ్రత్త

ఈ పప్పు రోజుకు గుప్పెడు తింటే చాలు..! ఈ ఆరోగ్య సమస్యలన్నీ పరార్!

క్రమం తప్పకుండా వ్యాయామం చేయడం. ఆరోగ్యకరమైన ఆహారం తీసుకోవడం వల్ల మధుమేహాన్ని అదుపులో ఉంచుకోవచ్చు. ఫైబర్ తక్కువగా, కార్బోహైడ్రేట్లు అధికంగా ఉన్న ఆహారాన్ని తినడం వల్ల రక్తంలో చక్కెర అకస్మాత్తుగా పెరుగుతుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని లైఫ్ స్టైల్ న్యూస్ కోసం క్లిక్ చేయండి..