Toenail Fungus: కాలి గోళ్ళలో చీము పేరుకుని పసుపు రంగులోకి మారాయా.. నివారణకు ఈ చిట్కా అప్లై చేసి చూడండి..

చాలా మంది అందం కోసం మేకప్‌పై అత్యంత శ్రద్ధ వహిస్తారు. ముఖం, చేతుల విషయంలో చూపించే శ్రద్ధ పాదాలపై చూపరు. అంతేకాదు చాలా మంది చేతి గోళ్లను చాలా జాగ్రత్తగా చూసుకుంటారు. అదే శ్రద్ధ కాలి గోళ్ల విషయంలో ఉండదు. ఇంకా చెప్పాలంటే కాలి గోర్లను అస్సలు పట్టించుకోరు. అప్పుడు కాళ్ళపై టాన్ చేరుకుంటుంది. ముఖ్యంగా వర్షాకాలంలో పాదాలపై ధూళి, బురద చేరుకుంటుంది. నిల్వ నీరులో నడిస్తే కాలి వెళ్ళ మద్య, కాలి గోళ్ళ దగ్గర ఫంగస్, బ్యాక్టీరియా చేరుకుంటాయి. అప్పుడు ఇన్ఫెక్షన్లు సంభవిస్తాయి. చాలా మంది తమ కాళ్ల గోళ్ళను సరిగ్గా శుభ్రం చేసుకోరు. ఫలితంగా గోరు మూలలో మురికి పేరుకుపోయి ఇన్ఫెక్షన్ కూడా వస్తుంది. ఒకొక్క సారి గోళ్లు పసుపు రంగులోకి మారుతాయి లేదా గోళ్ల మూలలు నల్లగా మారతాయి. చీము పేరుకుపోతుంది.

కాలి గోళ్ళకు ఇన్ఫెక్షన్లు వివిధ కారణాల వల్ల సంభవించవచ్చు. మొదటిది చెప్పులు లేకుండా ఎక్కువగా నడిచే వారి కాలి గోళ్లకు ఇన్ఫెక్షన్ ఏర్పడుతుంది. అంతేకాదు అపరిశుభ్రమైన ప్రదేశాలలో ఎక్కువగా నడిచినా కూడా ఇలా జరుగుతుంది. పాదాలను, కాలి వేళ్ళను క్రమం తప్పకుండా శుభ్రం చేయకపోయినా, కాలి వేళ్ళపై దుమ్ము, ధూళి పెరుకున్నా ఇన్ఫెక్షన్ సంభవించవచ్చు. సున్నితమైన చర్మం ఉన్నవారు ఇతరులు ఉపయోగించే టవల్స్ లేదా నెయిల్ క్లిప్పర్‌లను ఉపయోగించినా కాలి గోళ్ళు ఇన్ఫెక్షన్ బారిన పడవచ్చు.

గోళ్ళకు ఇన్ఫెక్షన్ వస్తే ఏమి చేయాలంటే?

టీ ట్రీ ఆయిల్ ఏదైనా ఇన్ఫెక్షన్‌ను నయం చేయడంలో చాలా ప్రభావవంతంగా పనిచేస్తుంది. వ్యాధి సోకిన ప్రదేశంలో టీ ట్రీ ఆయిల్ ఆయిల్‌ను క్రమం తప్పకుండా ఉపయోగించడం వల్ల ప్రయోజనం ఉంటుంది.

ఇవి కూడా చదవండి

కాశికి వెళ్తున్నారా.. సమీపంలో అందమైన జలపాతాలపై ఓ లుక్ వేయండి..

డబ్బుకంటే విలువైన జీవితం భారత్‌‌లో లభించిందన్న అమెరికా మహిళ వీడయో

మనదేశంలోని ఈ పర్వతాలపై ట్రెక్కింగ్ చాలా కష్టం..! ఒక సాహసయాత్రే..

విదేశాల్లో తొలి రక్షణ రంగ ఫ్యాక్టరీ ఏర్పాటు చేస్తోన్న టాటాసంస్థ..

రెండు టీస్పూన్ల టీ ట్రీ ఆయిల్‌తో ఒక టీస్పూన్ ఆలివ్ ఆయిల్ కలపాలి. ఈ మిశ్రమాన్ని కాటన్ బాల్‌తో తీసుకుని గోళ్ళపై ప్రభావిత ప్రాంతం, దాని చుట్టూ ఉన్న చర్మంపై కొద్దిగా అప్లై చేయండి. క్రమం తప్పకుండా ఇలా అప్లై చేయడం వలన ఫలితం ఉంటుంది. అయితే టీ ట్రీ ఆయిల్ రాసుకున్న వెంటనే సాక్స్ లేదా షూస్ వేసుకోవద్దు.

ఒక స్పూన్ టీ ట్రీ ఆయిల్‌ను ఒక చెంచా విటమిన్ ఇ ఆయిల్‌ను మిక్స్ చేసి ఆ మిశ్రమాన్ని కాటన్ బాల్‌తో సోకిన ప్రదేశంలో అప్లై చేయండి. ఇది గాయం ప్రాంతంలో మంటను, ఇన్ఫెక్షన్లను తగ్గిస్తుంది.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..

Note: (పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఎ విషయాలైన పాటించే ముందు ఆరోగ్యానికి సంబంధించి వైద్యుల సూచనలు పాటించడమే ఉత్తమం.)