Menthi Mutton Curry: మటన్ ప్రియులకు పూనకాలే.. ఈ మెంతి మటన్ కర్రీ తింటే ప్లేట్ నాకేయాల్సిందే!

మటన్ కూర అనగానే కేవలం కారం, మసాలా అనుకుంటాం. కానీ మెంతుల సహజమైన రుచి దీనికి తోడైతే, ఆ రుచే వేరు. ముఖ్యంగా పండుగ సీజన్లలో మరియు నూతన సంవత్సర వేడుకల్లో విందు భోజనానికి ఇది హైలైట్ గా నిలుస్తుంది. మటన్ ను ఎలా ఊరబెట్టాలి? మెంతి ఆకుల చేదు రాకుండా ఎలా వండాలి? వంటి సీక్రెట్ టిప్స్ తో కూడిన ఈ పక్కా గైడ్ మీకోసం సిద్ధంగా ఉంది. మరి ఆ అదిరిపోయే మెంతి మటన్ కర్రీ తయారీ రహస్యాలను ఇప్పుడు తెలుసుకుందాం..

కావలసిన పదార్థాలు:

ప్రధానం: బోన్‌లెస్ మటన్ (500 గ్రా), మెంతి ఆకులు (1.5 కప్పులు), ఉల్లిపాయలు (1.5 కప్పులు).

మసాలాలు: అల్లం వెల్లుల్లి పేస్ట్, పసుపు, కారం, ఉప్పు, గరం మసాలా, ధనియాల పొడి.

సువాసన కోసం: దాల్చినచెక్క, యాలకులు, లవంగాలు, షాజిరా.

వంటకు: నూనె (3 టేబుల్ స్పూన్లు), టమోటాలు (3), పచ్చిమిర్చి (4).

తయారీ విధానం :

శుభ్రం చేసిన మటన్ ముక్కలకు ఉప్పు, పసుపు, కారం పట్టించి అరగంట సేపు పక్కన పెట్టండి. దీనివల్ల ముక్కకు మసాలా బాగా పట్టి మెత్తగా ఉడుకుతుంది.

బాణలిలో నూనె వేడి చేసి మసాలా దినుసులు, ఉల్లిపాయలు వేసి గోల్డెన్ బ్రౌన్ కలర్ వచ్చేవరకు వేయించండి. అందులోనే అల్లం వెల్లుల్లి పేస్ట్ వేసి పచ్చి వాసన పోనివ్వండి.

మెంతి ఆకుల మ్యాజిక్: టమోటా ముక్కలు వేసి మెత్తబడ్డాక, సన్నగా తరిగిన మెంతి ఆకులను వేయండి. ఆకుల్లోని నీరు ఆవిరయ్యే వరకు వేయిస్తే చేదు రాదు.

కుకింగ్: మ్యారినేట్ చేసిన మటన్ వేసి బాగా కలిపి మూత పెట్టండి. మటన్ లోని నీరు పోయాక, ఒక కప్పు వేడినీళ్లు పోసి ముక్క మెత్తబడే వరకు ఉడికించండి.

ఫైనల్ టచ్: చివరగా గరం మసాలా, ధనియాల పొడి చల్లి మరికొద్ది నిమిషాలు ఉడికించి దించేయండి.

ఆరోగ్య ప్రయోజనాలు:

మెంతి ఆకుల్లో విటమిన్ ఏ, సి ఐరన్ పుష్కలంగా ఉంటాయి. ఇది జీర్ణక్రియను మెరుగుపరచడమే కాకుండా శరీరంలో రోగనిరోధక శక్తిని పెంచుతుంది. మటన్ తో కలిపి తినడం వల్ల శరీరానికి కావాల్సిన ప్రోటీన్ లభిస్తుంది.

చిన్న చిట్కా: కూరలో చల్లటి నీళ్లకు బదులు వేడినీళ్లు పోస్తే మటన్ ముక్కలు త్వరగా ఉడుకుతాయి రుచి చెడకుండా ఉంటుంది.