Madghoot: హైదరాబాద్‌ను ఊపేస్తున్న ‘ప్రెజర్ కుక్కర్ మండి’.. ఎక్కడ దొరుకుతుందంటే..

నెయ్యి, మసాలాలు నిండిన ఈ జ్యూసీ మటన్ వంటకం హైదరాబాద్‌లో అడుగుపెట్టింది. సౌదీ అరేబియా యెమెన్ వంటి అరేబియన్ ద్వీపకల్ప ప్రాంతాల నుండి వచ్చిన ప్రత్యేక వంటకం మద్ఘూత్. అరబిక్ భాషలో “మద్ఘూత్” అంటే ‘ప్రెజర్-కుక్డ్’ ని అర్థం. మద్ఘూత్ మండి వంటకాన్ని పోలి ఉన్నప్పటికీ, వాటి తయారీ పద్ధతిలో తేడాలు ఉన్నాయి. మండీ అనేది సాంప్రదాయకంగా మట్టిలో, భూమి కింద నిదానంగా ఉడికించబడుతుంది. ఈ పద్ధతి వలన మాంసానికి స్మోకీ అరోమా లభిస్తుంది. అదే మద్ఘూత్ మాత్రం వన్ పాట్ డిష్. అంటే ఒకే గిన్నెలో తయారు చేయబడుతుంది. మటన్, బియ్యం, టమాటాలు సుగంధ ద్రవ్యాలు అన్నీ ఒకేసారి ప్రెజర్ కుక్కర్‌లో ఉడికించడం జరుగుతుంది.

మద్ఘూత్ ప్రత్యేకత

మద్ఘూత్ వంటకంలో మాంసం, బియ్యం ఒకే కుక్కర్‌లో ఉడకడం వలన మాంసంలోని రసాలన్నీ బియ్యంలోకి ఇంకిపోతాయి. దీని ఫలితంగా బియ్యం టమాటా రుచి సుగంధ ద్రవ్యాలతో నిండి చాలా జ్యుసిగా ఉంటుంది. మటన్ తక్కువ సమయంలో ఉడికి ‘ఫాల్-ఆఫ్-ది-బోన్’ అయ్యేంత మెత్తగా మారుతుంది. మండి క్లాసిక్, నిదానమైన వంటకం అయితే, మద్ఘూత్ వేగవంతమైన, సువాసన గల ఆధునిక వంటకం.

హైదరాబాద్‌లో ఎక్కడ రుచి చూడాలి?

మద్ఘూత్ వంటకం హైదరాబాద్‌లోని పలు అరబిక్ రెస్టారెంట్లలో లభిస్తోంది. అందులో బాగా పేరు పొందిన స్థలాలలో షావలిబండలోని మండి@36 ఒకటి.

ధర: ఫుల్ పోర్షన్ ధర సుమారు రూ. 1299గా ఉంది.

వడ్డించే విధానం: ఇది షర్ చేసుకోవడానికి వీలుగా పెద్ద పళ్లాలలో వడ్డిస్తారు. ఇది ఇన్‌స్టాగ్రామ్ ఫోటోలకు కూడా అనుకూలంగా ఉంటుంది.