PBKS : పంజాబ్ కింగ్స్ మాజీ స్టార్ రిటైర్మెంట్.. సెలక్టర్గా కొత్త ఇన్నింగ్స్ మొదలుపెట్టనున్న ఇంగ్లాండ్ ఆల్రౌండర్
PBKS : పంజాబ్ కింగ్స్ మాజీ ఆటగాడు రవి బొపారా 23 ఏళ్ల కౌంటీ క్రికెట్ కెరీర్కు రిటైర్మెంట్ ప్రకటించారు. భవిష్యత్తులో ఇంగ్లాండ్ సెలక్టర్గా మారే అవకాశం ఉందని వెల్లడించారు. ఒకే ఫార్మాట్లో (టీ20) ఇన్ని ఏళ్ల పాటు రాణించడం బొపారాకే సాధ్యమైంది.
Updated on: Apr 01, 2026 | 10:25 AM
PBKS : ఐపీఎల్ 2026 సీజన్ సందడిలో పంజాబ్ కింగ్స్ తన మొదటి మ్యాచ్ ఆడుతున్న సమయంలోనే, ఆ జట్టు మాజీ ఆటగాడు ఒకరు క్రికెట్కు గుడ్ బై చెప్పారు. ఇంగ్లాండ్ వెటరన్ ఆల్రౌండర్ రవి బొపారా తన 23 ఏళ్ల సుదీర్ఘ కౌంటీ క్రికెట్ కెరీర్కు ముగింపు పలుకుతున్నట్లు ప్రకటించారు. అంతర్జాతీయ క్రికెట్కు, ఐపీఎల్కు దూరమై దాదాపు దశాబ్దం కావస్తున్నా, కౌంటీల్లో మాత్రం తన ముద్ర వేస్తూనే ఉన్న బొపారా.. ఇప్పుడు ప్యాడ్లు విడిచేయాలని నిర్ణయించుకున్నారు.
ముగిసిన 23 ఏళ్ల కౌంటీ ప్రస్థానం
రవి బొపారా తన కౌంటీ క్రికెట్ కెరీర్ను 2003లో ప్రారంభించారు. ఎసెక్స్ జట్టుతో మొదలైన అతని ప్రయాణం ససెక్స్, నార్తాంప్టన్షైర్ జట్ల వరకు సాగింది. తాజాగా ఆయన ఒక ప్రకటన చేస్తూ.. ఈ ఏడాది జరగబోయే టీ20 బ్లాస్ట్ టోర్నమెంట్లో తాను ఆడటం లేదని స్పష్టం చేశారు. ఒకే ఫార్మాట్లో (టీ20) ఇన్ని ఏళ్ల పాటు రాణించడం బొపారాకే సాధ్యమైంది. టీ20 బ్లాస్ట్ అరంగేట్రం తన కెరీర్లోనే అత్యుత్తమ క్షణమని ఆయన ఈ సందర్భంగా గుర్తు చేసుకున్నారు.
పంజాబ్ కింగ్స్తో ఐపీఎల్ బంధం
రవి బొపారా ఐపీఎల్లో పంజాబ్ కింగ్స్ (అప్పట్లో కింగ్స్ ఎలెవన్ పంజాబ్) తరపున కీలక పాత్ర పోషించారు. 2009, 2010 సీజన్లలో ప్రీతి జింటా జట్టులో సభ్యుడిగా ఉన్న ఆయన, మొత్తం 15 మ్యాచుల్లో 386 పరుగులు చేశారు. ఐపీఎల్ అరంగేట్రం కూడా పంజాబ్ జట్టుతోనే జరిగింది. ఆ తర్వాత 2015లో సన్రైజర్స్ హైదరాబాద్ జెర్సీని ధరించారు. ఓవరాల్గా ఐపీఎల్లో 24 మ్యాచ్లు ఆడి 531 పరుగులు సాధించిన రికార్డు బొపారా సొంతం.
కోచ్గా కొత్త అవతారం.. సెలక్టర్గా ప్లాన్
ప్రస్తుతం రవి బొపారా పాకిస్థాన్ సూపర్ లీగ్ (PSL 2026)లో బిజీగా ఉన్నారు. అక్కడ కరాచీ కింగ్స్ జట్టుకు హెడ్ కోచ్గా వ్యవహరిస్తున్నారు. డేవిడ్ వార్నర్ కెప్టెన్సీలోని ఆ జట్టును విజేతగా నిలపడమే తన ప్రస్తుత లక్ష్యమని ఆయన తెలిపారు. అయితే భవిష్యత్తు గురించి మాట్లాడుతూ.. తాను ఇంగ్లాండ్ జాతీయ జట్టు సెలక్టర్గా మారాలని అనుకుంటున్నట్లు వెల్లడించారు. అలాగే కామెంటేటర్గా కూడా తన రెండో ఇన్నింగ్స్ను ప్రారంభించే ఆలోచనలో ఉన్నట్లు బొపారా పేర్కొన్నారు.
అప్పట్లో ఇంగ్లాండ్ ఆశాకిరణం
ఒకప్పుడు ఇంగ్లాండ్ క్రికెట్లో రవి బొపారాను తదుపరి సూపర్స్టార్గా చూసేవారు. బ్యాటింగ్తో పాటు మీడియం పేస్ బౌలింగ్తోనూ ఆయన జట్టుకు ఎన్నో విజయాలు అందించారు. ప్రస్తుతం 40 ఏళ్ల వయసులో ఉన్న బొపారా, తన శరీరం సహకరించడం లేదని కాకుండా, కొత్త వారికి అవకాశం ఇవ్వాలనే ఉద్దేశంతోనే ఈ నిర్ణయం తీసుకున్నట్లు లాహోర్ నుంచి ఇచ్చిన ఒక ఇంటర్వ్యూలో వివరించారు. క్రికెట్ గ్రౌండ్లో ప్లేయర్గా ఇక కనిపించకపోయినా, మైక్ పట్టుకుని లేదా టీమ్ సెలక్ట్ చేస్తూ ఆయన బిజీగా ఉండబోతున్నారు.
మరిన్ని క్రికెట్ న్యూస్ కోసం ఇక్కడ క్లిక్ చేయండి..
