పెరుగు త్వరగా తోడుకోవాలంటే.. ఈ సింపుల్‌ టిప్స్‌ ట్రై చేయండి..

దాదాపు చాలా మందికి పెరుగు అంటే చాలా ఇష్టం..భోజనం తరువాత చివర్లో కాస్త పెరుగన్నం తింటే తప్ప ఆహారం తిన్న అనుభూతి ఉండదు చాలా మందికి. అంతేకాదు.. ఇక పెరుగు తయారీ కూడా చాలా ఈజీ.. వంట చేయడం రానివాళ్లు కూడా ఈజీగా పెరుగు తోడు పెట్టుకోవచ్చు. అయితే, ఇక్కడ ముఖ్యంగా గుర్తుంచుకోవాల్సిన విషయం ఏంటంటే.. పెరుగు తోడు పెట్టడానికి గోరు వెచ్చటి పాలను తీసుకోవాలి. అలా కాకుండా చల్లటి పాలలో తోడు పెడితే అది పాల‌లానే ఉంటుంది. అలాంటప్పుడు తోడుపెట్టినా తోడుకోకుండా ఉన్న పాలగిన్నెని, ఒక ప్లేట్లో గోరువెచ్చటి నీరు తీసుకుని అందులో పెట్టాలి. తీయటి పెరుగు చిటికెలో తోడుకుంటుంది.

అయితే, ఇక్కడ మరో విషయం గుర్తుపెట్టుకోవాలి. అదేంటంటే..మిగిలిపోయిన పెరుగు మొత్తంలో పాలు పోసేస్తుంటారు చాలామంది… అలా చేయడం వల్ల పెరుగు పుల్లగా తోడుకుంటుంది. అలాకాకుండా స్పూన్ తో కొంచెం పెరుగు తీసుకుని, పాలల్లో వేసి బాగా మిక్స్‌ చేయాలి. ఇలా చేస్తే తీయటి పెరుగు తోడుకుంటుంది.

అలాగే, ప్రస్తుతం చాలా మంది మట్టి పాత్రలను వాడేందుకు ఇష్టపడుతున్నారు. అలాంటప్పుడు మట్టిపాత్రలో పెరుగు తోడు పెడితే అది మరింత రుచితో కమ్మగా ఉంటుంది. అలాగే, తోడు పెట్టిన పాలలో ఒక పచ్చిమిరప కాయగానీ, ఒక ఎండుమిర్చిగానీ వేస్తే  గట్టిగా  తోడు కోవడమే కాదు, పెరుగు రుచిగా  కూడా ఉంటుంది.

ఇవి కూడా చదవండి

శరీరం కదపకుండా బరువు తగ్గాలనుకుంటున్నారా? దీంతో స్లిమ్‌ అవుతారు

మనీ ప్లాంట్ కాదు...ఈ మొక్క మీ ఇంట్లో ఉంటే అదృష్టం మీ వెంటే..

ఊర్లోకి వచ్చిన అరుదైన వింత జంతువు.. జనావాసాల్లో హల్‌చల్‌..

అడవి రాజు సింహంతో గద్ద యుద్ధం.. చివరకు గెలిచింది ఎవరో తెలిస్తే..

(గమనిక: ఆరోగ్య నిపుణులు, ఇతర అధ్యాయనాల ద్వారా అందిన సమాచారం మేరకు ఈ వివరాలు అందిస్తున్నాం.. ఇందులోని అంశాలు కేవలం అవగాహన కోసం మాత్రమే. ఏదైనా సందేహాలు,సమస్యలు ఉన్నా వైద్యులను సంప్రదించడమే మంచిదని గమనించగలరు.)

మరిన్ని లైఫ్ స్టైల్ న్యూస్ కోసం క్లిక్ చేయండి..