Meal Maker Biryani: మీల్ మేకర్‌తో ఇలా వెజ్ దమ్ బిర్యానీ చేయండి.. చలికాలంలో బెస్ట్!
మీల్ మేకర్‌తో స్నాక్స్, కర్రీలు, రైస్ ఐటెమ్స్ చాలా రకాల రెసిపీలు తయారు చేసుకోవచ్చు. మీల్ మేకర్‌తో ఏం చేసినా రుచిగానే ఉంటుంది. పైగా ఆరోగ్యానికి కూడా మంచిది. ఈ చలి కాలంలో వేడి వేడిగా ఏదన్నా వెరైటీగా తినాలని పిల్లలు అంటే ఆలోచించకుండా ఒక్కసారి ఇలా మీల్ మీకర్‌తో దమ్ బిర్యానీ చేయండి..
Updated on: Dec 28, 2024 | 5:42 PM
మీల్ మేకర్ గురించి అందరికీ తెలుసు. మీల్ మేకర్‌లో అనేక రకాల పోషకాలు లభిస్తాయి. ప్రోటీన్, ఫైబర్ కావాలి అనుకునేవారికి మీల్ మేకర్ బెస్ట్. మీల్ మేకర్‌తో స్నాక్స్, కర్రీలు, రైస్ ఐటెమ్స్ చాలా రకాల రెసిపీలు తయారు చేసుకోవచ్చు. మీల్ మేకర్‌తో ఏం చేసినా రుచిగానే ఉంటుంది. పైగా ఆరోగ్యానికి కూడా మంచిది. ఈ చలి కాలంలో వేడి వేడిగా ఏదన్నా వెరైటీగా తినాలని పిల్లలు అంటే ఆలోచించకుండా ఒక్కసారి ఇలా మీల్ మీకర్‌తో దమ్ బిర్యానీ చేయండి. సాయంత్రం పూట లైట్‌గా తినాలి అనుకుంటే ఈ బిర్యానీ తినవచ్చు. చాలా రుచిగా ఉంటుంది. సింపుల్‌గా చాలా త్వరగా అయిపోతుంది. మరి ఈ మీల్ మేకర్‌తో బిర్యానీ ఎలా తయారు చేస్తారు. ఈ రెసిపీకి కావాల్సిన పదార్థాలు ఏంటో ఇప్పుడు చూద్దాం.
మీల్ మేకర్ బిర్యానీకి కావాల్సిన పదార్థాలు:
బాస్మతీ రైస్, మీల్ మేకర్, ఉల్లిపాయలు, పచ్చి మిర్చి, పులావ్ దినుసులు, అల్లం వెల్లుల్లి పేస్ట్, కారం, ఉప్పు, పసుపు, పెరుగు, కొత్తిమీర, పుదీనా, ధనియాల పొడి, జీలకర్ర పొడి, గరం మసాలా, నిమ్మకాయ, నెయ్యి, ఆయిల్.
మీల్ మేకర్ బిర్యానీ తయారీ విధానం:
ముందుగా వేడి నీటిలో మీల్ మేకర్ వేసి ఓ పది నిమిషాలు ఉంచి మెత్తగా అయ్యాక.. నీరంతా పిండి ఓ గిన్నెలోకి తీసుకోండి. ఇప్పుడు మీల్ మేకర్‌ని మ్యారినేట్ చేయాలి. పచ్చి మిర్చి, పులావ్ దినుసులు కొద్దిగా, అల్లం వెల్లుల్లి పేస్ట్, కారం, ఉప్పు, పసుపు, పెరుగు, కొత్తిమీర, పుదీనా, ధనియాల పొడి, జీలకర్ర పొడి, గరం మసాలా, నిమ్మకాయ, ఫ్రైడ్ ఆనియన్స్, కొద్దిగా నూనె వేసి అన్నీ బాగా మిక్స్ చేసుకోవాలి. మరోవైపు బియ్యాన్ని శుభ్రంగా కడిగి అరగంట సేపు నానబెట్టుకోవాలి. ఆ తర్వాత ఫ్రైడ్ ఆనియన్స్ కూడా వేయించి పక్కన పెట్టుకోండి.
ఆ తర్వాత ఖాళీగా ఉండే ఓ గిన్నె తీసుకుని అందులో నీళ్లు, పచ్చి మిర్చి, పులావ్ దినుసులు, అల్లం వెల్లుల్లి పేస్ట్, కొద్దిగా కొత్తిమీర, పుదీనా, ఉప్పు, కొద్దిగా ఆయిల్ వేసి స్టవ్ మీద పెట్టుకోవాలి. ఈ నీళ్లు మరుగుతున్నప్పుడు నానబెట్టిన బియ్యం వేసి.. 80 శాతం ఉడికాక తీసి మ్యారినేట్ చేసుకున్న మీల్ మేకర్‌పై వేయండి. ఆ తర్వాత పై నుంచి కొత్తిమీర, పుదీనా, కొద్దిగా నెయ్యి వేసి మూత పెట్టి చిన్న మంట మీద ఓ 15 నిమిషాలు కుక్ చేయండి. అంతే ఎంతో రుచిగా ఉండే మీల్ మేకర్ దమ్ బిర్యానీ సిద్ధం.
