Potato Milk: ఏవండోయ్‌.. మార్కెట్‌లోకి ‘ఆలూ పాలు’.. ఎగబడుతున్న జనాలు

మనకు తెలిసిన పాల గురించి చెప్పమంటే..ఆవు పాలు, గేదె పాలు, మేక పాలు, సోయా మిల్క్‌, ఆ మిల్కూ.. ఈ మిల్కూ అంటూ టకా టకా చెప్పేస్తాం… కానీ అవీ కాకుండా ఇంకొన్ని చెప్పడంటే… గాడిద పాలు కూడా ఇటీవల ప్రాచూర్యం పొందింది.  తాజాగా ఈ లిస్ట్‌లో మరో పేరు చేరింది. అదే.. ‘ఆలూ మిల్క్‌’. అవును..! ఇప్పుడు ఆలూ పాలు అందుబాటులోకి వచ్చాయి. స్వీడ‌న్‌కు చెందిన డ‌గ్ (DUG)కంపెనీ వీటిని బ్రిటన్‌లో ప్రవేశపెట్టింది. వీటిలో పోషకాలు ఎక్కువే.. ధరలు కూడా అక్కడి ప్రజలకు అందుబాటులో ఉంటాయట. ఈ పాల ద్వారా వివిధ రకాల విట‌మిన్స్‌ శరీరానికి అందటంతో పాటు రుచిక‌రంగా ఉంటాయట. సాధార‌ణంగా ఆవులు, గేదెలు తదితర వాటినుంచి నుంచి ల‌భించే పాలల్లో లాక్టోజ్ ఉంటుంది. అయితే ఈ బంగాళాదుంప పాలలో లాక్టోజ్ ఉండదట. అందుకే శాకాహారులు వీటిని విపరీతంగా ఇష్టపడుతున్నారట. ఇక ఈ పాల ధర లీట‌ర్ 170 రూపాయలు పలుకుతోంది. దాంతో ఈ ఆలూ పాలకి మంచి గీరాకి అవుతోంది. సోయా పాల‌లో ల‌భించే ప్రోటీన్ల క‌న్నా ఇందులో నాలుగు రెట్లు అధికంగా ఉంటాయట.

జంతువుల నుంచి సేకరించే పాలలాగానే ఆలూ పాలు కూడా చిక్కగా, రుచికరంగా ఉంటాయంటున్నారు విశ్లేషకులు. ప్రస్తుతం బ్రిటన్‌లో అందుబాటులో ఉన్న ఈ పాలు.. త్వరలోనే ఐరోపాతో పాటు, అమెరికా, చైనాలోనూ ప్రారంభించాలని డగ్‌ కంపెనీ యోచిస్తోంది. ఈ పాలతో మనం కాఫీ లాగానే కాపిచీనో కూడా తయారు చేసుకోవచ్చని ఆహార ప్రియులు చెబుతున్నారు. వివిధ పోషకాలతో కూడిన ఆలూ పాలను కొనేందుకు ప్రస్తుతం యూకేవాసులు పోటీపడుతున్నారట. ఇది వెగాన్‌ ఫ్రెండ్లీ కావడంతో వీగన్లు కూడా ఈ ఆలూ పాలు కొంటున్నారట.

Also Read: ఇంజినీరింగ్ కంప్లీట్ చేశాడు.. ఎందులో స్పెషలిస్టో తెలిస్తే.. బుర్ర బ్లాంక్ అవ్వడం ఖాయం

‘స్కిన్​షో తప్ప ఏముంది..’ ‘గెహ్రాహియా’ చెత్త సినిమా అంటూ కంగనా సంచలన కామెంట్స్