Ayurvedic Herbal Tea: రాత్రి భోజనం చేసిన తర్వాత ఈ డ్రింక్ తాగితే గ్యాస్ సమస్య మీ దరి చేరదు..!
ఇది జీర్ణవ్యవస్థ కండరాలను బలపరుస్తుంది. ఇది అజీర్ణం, గ్యాస్, ఉబ్బరం వంటి సమస్యలను తొలగించడంలో సహాయపడుతుంది. దీని తయారీ కోసం 1 కప్పు నీటిని తీసుకొని దానికి కొన్ని పుదీనా ఆకులను వేసి బాగా మరిగించాలి. తర్వాత అందులో కాస్త నిమ్మరసం కలుపుకుని తాగాలి.
తిన్న తర్వాత జీర్ణక్రియ సమస్యలు తరచుగా ఇబ్బంది పెడుతుంటాయి. అలాంటి వారికి హెర్బల్ టీ ఆరోగ్యకరమైన జీర్ణక్రియను నిర్వహించడానికి సహాయపడుతుంది. ఈ హెర్బల్ టీలో వివిధ ఔషధ గుణాలు ఉన్నాయి. ఇది కడుపు సమస్యల నుండి త్వరగా ఉపశమనం కలిగిస్తుంది. కడుపులో గ్యాస్, అజీర్ణం, మలబద్ధకం మొదలైన సమస్యల నుండి ఉపశమనం కలిగిస్తుంది. ఇది బరువును నియంత్రించడంలో కూడా సహాయపడుతుంది.
జీర్ణశక్తిని మెరుగుపరిచే జీలకర్ర టీ: జీలకర్రను దాదాపుగా అన్ని వంటలలో ఉపయోగిస్తారు. జీలకర్రతో చేసిన టీతో జీర్ణక్రియ సమస్యల నుండి ఉపశమనం పొందవచ్చు. జీలకర్ర కార్మినేటివ్, యాంటిస్పాస్మోడిక్ లక్షణాలను కలిగి ఉంటుంది. అపానవాయువు, అజీర్ణం, మలబద్ధకాన్ని తగ్గించడంలో సహాయపడుతుంది. జీలకర్ర హెర్బల్ టీ తయారీ కోసం జీలకర్రను కొద్దిగా వేయించి మెత్తగా రుబ్బుకోవాలి. తర్వాత 1 కప్పు నీటిలో ఈ పొడి వేసి నిమ్మరసం పిండుకుని తాగేయాలి.
చమోమిలే టీ: చమోమిల్‌లో యాంటీ ఇన్‌ఫ్లమేటరీ గుణాలు ఉన్నాయి. కడుపు సమస్యలను పరిష్కరించడంలో సహాయపడుతుంది. ఇది జీర్ణక్రియను మెరుగుపరుస్తుంది. 1 కప్పు నీళ్లలో చమోమిలే టీ బ్యాగ్ వేసి ఆ నీటిని తాగాలి.
సోంపు వాటర్: భోజనం తర్వాత సోంపు నీటిని తీసుకోవడం వల్ల వాత దోషం నయమవుతుంది. ఇది గ్యాస్ మరియు ఉబ్బరం సమస్యను తగ్గిస్తుంది. ఇది జీర్ణవ్యవస్థను నిర్వహించడానికి కూడా సహాయపడుతుంది. దీని కోసం, 1 కప్పు నీరు తీసుకుని, అందులో 1 టేబుల్ స్పూన్ సోపు గింజలు వేసి, సుమారు 5 నుండి 7 నిమిషాలు మరిగించి తాగాలి.
అల్లం టీ : అల్లం టీ సహాయంతో లాలాజల గ్రంథులు, పిత్త ఉత్పత్తి, గ్యాస్ట్రిక్ ఎంజైమ్‌లను ఉత్తేజపరచడంలో చాలా వరకు సహాయపడుతుంది. ఇది జీర్ణ సమస్యల నుండి బయటపడటానికి సహాయపడుతుంది. ఈ టీ జీర్ణక్రియను మెరుగుపరుస్తుంది. తురిమిన అల్లం నీటిలో 10-15 నిమిషాలు మరిగించాలి. ఆ తర్వాత వడగట్టి అందులో తేనె, నిమ్మరసం కలిపి సేవించాలి.
పుదీనా టీ: జీర్ణ సమస్యల నుంచి ఉపశమనం పొందేందుకు పుదీనా టీ చాలా మేలు చేస్తుంది. ఇది జీర్ణవ్యవస్థ కండరాలను బలపరుస్తుంది. ఇది అజీర్ణం, గ్యాస్, ఉబ్బరం వంటి సమస్యలను తొలగించడంలో సహాయపడుతుంది. దీని తయారీ కోసం 1 కప్పు నీటిని తీసుకొని దానికి కొన్ని పుదీనా ఆకులను వేసి బాగా మరిగించాలి. తర్వాత అందులో కాస్త నిమ్మరసం కలుపుకుని తాగాలి.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ న్యూస్ కోసం క్లిక్ చేయండి..
