మజ్జిగలో కరివేపాకు కలిపి తాగితే ఏమవుతుందో తెలుసా..? చర్మం నుంచి జుట్టు వరకు…
కరివేపాకులో కార్బోహైడ్రేట్లు, ఫైబర్, కాల్షియం, ఫాస్పరస్, ఐరన్, విటమిన్లు సి, ఎ, బి, ఇ మొదలైనవి ఉంటాయి. ఇవి మంచి యాంటీ ఆక్సిడెంట్లు. రక్తాన్ని శుద్ధి చేస్తాయి. ఇన్ఫెక్షన్లతో కూడా పోరాడుతుంది. కరివేపాకు జుట్టు పెరుగుదల, చర్మ సంరక్షణలో సహాయపడుతుంది. కరివేపాకు తినడం వల్ల గుండె పనితీరు కూడా మెరుగుపడుతుంది. అయితే మీరు ఎప్పుడైనా కరివేపాకు మజ్జిగ తాగారా?
Updated on: Feb 16, 2024 | 7:48 AM
మజ్జిగ మంచి సమ్మర్‌ డ్రింక్‌ అని మనందరికీ తెలుసు..! మజ్జిగను భోజనం తర్వాత, భోజనానికి ముందు, నిద్రపోయే ముందు ఎప్పుడైనా తీసుకోవచ్చు. ఒక గ్లాసు మజ్జిగ తాగడం వల్ల సహజంగానే వేసవి ఎండల నుండి శరీర ఉష్ణోగ్రతను చల్లబరుస్తుంది. మజ్జిగ జీర్ణక్రియను మెరుగుపరిచే ప్రోబయోటిక్. ఇది గట్‌లోని ఆరోగ్యకరమైన బ్యాక్టీరియా సమతుల్యతను కూడా నిర్వహిస్తుంది. మజ్జిగలో ఇతర మూలికలు, మసాలా దినుసులు కలిపి తాగడం వల్ల అదనపు ఆరోగ్య ప్రయోజనాలను పొందవచ్చునని ఆరోగ్య నిపుణులు చెబుతున్నారు. అవేంటో ఇక్కడ తెలుసుకుందాం…
కరివేపాకు ఎంత ఆరోగ్యకరమో కూడా మనందిరికీ తెలిసిందే.! కరివేపాకులో కార్బోహైడ్రేట్లు, ఫైబర్, కాల్షియం, ఫాస్పరస్, ఐరన్, విటమిన్లు సి, ఎ, బి, ఇ మొదలైనవి ఉంటాయి. ఇవి మంచి యాంటీ ఆక్సిడెంట్లు. రక్తాన్ని శుద్ధి చేస్తాయి. ఇన్ఫెక్షన్లతో కూడా పోరాడుతుంది. కరివేపాకు జుట్టు పెరుగుదల, చర్మ సంరక్షణలో సహాయపడుతుంది. కరివేపాకు తినడం వల్ల గుండె పనితీరు కూడా మెరుగుపడుతుంది. అయితే మీరు ఎప్పుడైనా కరివేపాకు మజ్జిగ తాగారా? ఇది అనేక ఆరోగ్య ప్రయోజనాలను అందిస్తుంది.
కరివేపాకు మజ్జిగ రెసిపీ కోసం కావలసినవి..
* 1 కప్పు పెరుగు
* 2 కప్పుల నీరు
* కరివేపాకు 2 రెమ్మలు
* 1 పచ్చిమిర్చి
* 1/2 టీస్పూన్ నల్ల మిరియాలు పొడి
* రుచికి కొద్దిగా ఉప్పు
మజ్జిగ చేసే విధానం..
మజ్జిగ రెసిపీ చేయడానికి, ముందుగా పెరుగును నీటితో కలిపి మజ్జిగ తయారు చేయండి. ఆ తర్వాత మిక్సీ జార్‌లో కరివేపాకు, పచ్చిమిర్చి, నల్ల మిరియాలు, ఉప్పు వేసి పేస్ట్‌లా చేసుకోవాలి. తర్వాత ఈ కరివేపాకు మిశ్రమాన్ని మజ్జిగలో వేసి బాగా కలపాలి. ఇప్పుడు హెల్తీ అండ్ టేస్టీ కరివేపాకు మజ్జిగ రెడీ. మరెందు ఆలస్యం వెంటనే ట్రై చేయండి..
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ న్యూస్ కోసం క్లిక్ చేయండి..
