Health Tips: ఆయుర్వేదం ప్రకారం రాత్రిపూట పెరుగు తినకూడదు.. తింటే ఏం జరుగుతుందంటే..?

Health Tips: చలికాలం ముగుస్తుంది.. మరికొన్ని రోజుల్లో వేసవి ప్రారంభంకాబోతుంది. దీంతో అందరు వేసవి ఆహారాలపై దృష్టి పెడుతున్నారు.

Yogurt

uppula Raju |

Updated on: Feb 24, 2022 | 3:28 PM

Health Tips: చలికాలం ముగుస్తుంది.. మరికొన్ని రోజుల్లో వేసవి ప్రారంభంకాబోతుంది. దీంతో అందరు వేసవి ఆహారాలపై దృష్టి పెడుతున్నారు. ఇందుకోసం కిరణా షాపులకి వెళ్లి సమాను కొనాల్సిన పనిలేదు. మారుతున్న ఉష్ణోగ్రత, తేమ స్థాయిలను ఎదుర్కొవడానికి చిన్న చిన్న ఆహార మార్పులు చేస్తే చాలు. వాస్తవానికి వేసవిలో ఆరోగ్యానికి ఎక్కువగా మేలు చేసేది పెరుగు. అందుకే సామాన్యుల నుంచి ధనవంతుల వరకు అందరు పెరుగు తింటారు. ఇది అనేక ఆరోగ్య ప్రయోజనాలను కలిగి ఉంటుంది. చర్మం, జుట్టు సమస్యలని నివారిస్తుంది. పెరుగు శరీరాన్ని హైడ్రేట్ చేయడంలో గొప్పగా సహాయపడుతుంది. రోగనిరోధక శక్తిని బలపరుస్తుంది. బలమైన ఎముకలను నిర్మిస్తుంది. చర్మాన్ని మెరిసేలా చేస్తుంది. అయితే మీరు బరువు తగ్గించే ప్రయాణంలో ఉన్నట్లయితే పెరుగు విషయంలో కొంచెం ఆలోచించాల్సిన అవసరం ఉంది.

ఆయుర్వేదం ప్రకారం పెరుగు ఆరోగ్యానికి ఎంతో మేలు చేస్తుంది. కానీ ఎలా పడితే అలా తినకూడదని చెబుతోంది. పెరుగు రుచిలో పుల్లగా ఉంటుంది. జీర్ణం కావడానికి ఎక్కువ సమయం పడుతుంది. పెరుగు కొవ్వుని పెంచుతుంది. జీర్ణశక్తిని మెరుగుపరుస్తుంది. అయితే పెరుగు తింటే బరువు పెరుగుతారని ఆయుర్వేదం సూచిస్తోంది. పెరుగుని ఎప్పుడు వేడి చేయకూడదు. ఎందుకంటే అది దాని లక్షణాలను కోల్పోతుంది. ఊబకాయం, కఫా రుగ్మతలు, రక్తస్రావం రుగ్మతలు, ఉన్నవారు పెరుగును నివారించడం ఉత్తమం. రాత్రిపూట పెరుగు ఎప్పుడూ తినకూడదని ఆయుర్వేదం సూచిస్తోంది.

రాళ్ల ఉప్పు, ఎండుమిర్చి, జీలకర్ర వంటి సుగంధ ద్రవ్యాలను కలిపిన మజ్జిగను రోజూ తింటే మంచిదని ఆయుర్వేద నిపుణుల అభిప్రాయం. పెరుగును పండ్లతో కలిపి తినకూడదు. ఎందుకంటే ఇది అలర్జీలను ప్రేరేపిస్తుంది. చికెన్, మటన్ లేదా చేప వంటి వంటకాలతో పెరుగు తినకూడదు. విషంగా మారే అవకాశాలు ఉన్నాయి. మీకు పెరుగు కావాలంటే అప్పుడప్పుడు మధ్యాహ్నం మితంగా తింటే చాలని ఆయుర్వేద పండితులు చెబుతున్నారు.